Génesis 39:10 - Dios Iwene

¹⁰ Jo̧kwijayonö jobujuma ju'wi möle, ju'wi mölebi Josénöma abeba̧liabijotö isukwöda ö̧lobö. Jo̧kwaijayonö Joséma jobuju ajeba̧li̧ma öpöjödö a̧ja̧kwiabijökötö, jobujukwö jökönö.

Génesis 39:10 Referans Kwoze

Génesis 39:8

Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama.

1 Pedro 2:11

Chösödawö̧ chömöledö, ökwödöma isabenö kwiteboduwi mölejȩbetjö ödö ja̧nö, lekwema böjȩnö jö̧ködöja. Jo̧kwajabetjö̧ ökwödönö budekwödanö atebaduwakwö, böjȩ jojodö sulabenö tjösödi̧ jawa ja̧bökönö kwö̧jaduwobö. Ja̧ sulabenö kwösödaduwi̧ jawama baikwö wanedö yötawa, kwo̧'wo̧ luwo̧duwinö ölakwabikwawobedanö ichejekwa, jo̧kwaijayonö ja̧ jawa ja̧bökönö kwö̧jaduwo.

2 Timoteo 2:22

Jejenö jo̧be Timoteo, jo̧kwajabetjö̧ baikwö wetakwö: Möayedö sulabenö tjösödi̧tjö 'da̧bachibö döbibaji, ja̧danö ju'wida isakwi, otiwi̧ jawada. Jau ju'wida isakwö kwö̧jobö jo̧be, sulabe jwiinö kwö̧jobö, ja̧danö Dios yöawi̧ kwösödobö, ja̧danö jojodönö kwösödobö, ja̧danö wene jwiinö kwö̧jobö. Tjomajadenö bakwainö otiwadöma jejenö tjö̧jobö isakwadö Timoteo, ja̧danö ökwöbi jejenö kwö̧jobö kwisakwo.

1 Tesalonicenses 5:22

Ja̧danö okobe jwiinö suli̧tjöma kwöpöjödaduwo sulabenö ja̧bökönö.

1 Corintios 15:33

Ja̧ wene, omöna jawa wene ösödökönaduwi chömöledö. Baikwö yötawaduwakwö: Sulabenö ja̧badökwö kwuju̧kwaduwitjö̧ma, ökwödöbi sulabenö ja̧badö bakibaduwena.

1 Corintios 6:18

Jau chömöledö, kwi̧lȩkwa̧muböködökwö ja'yubebi ja̧bökönaduwi. Ju'wi sulabenö ja̧di̧ma, diteba'o suli̧ waedökö ji̧, jo̧kwaijayonö ilekwobökujukwö ja̧bo̧ma, iteda iteba'o suli̧ öwaedobe.

Proverbios 23:27

Isabenö jwebebö yötawakwö chitji̧, ya̧dönö, ökwökwö tjö̧jobö isakwadönöma. Isuju ömadökwö jelo̧kwöbi jelo̧kwöbi 'da̧'da̧bakwawujuma ökwönö obö ajebena, ötjökwö kwö̧jo, jö̧ba̧lö. Ja̧danö jelujubi, jelo̧ ilekwoma ökwönö obö ajebena, ötjökwö kwö̧jo, jö̧ba̧lö. Chitji̧ jwebebö yötawi̧ma a̧ja̧kwi: Jobadödanöbedönöma kwösödoko ökwönö suli tjöwaedobö isakwadötjobetjö̧. Wanedö yötawa: Jobadö ya̧döma laju da̧kwajudanöbedö, ökwönö ja̧junö meköbobö öbibadö.

Proverbios 22:14

Ja̧danö, ju'wibi yötawa: Isuju jilekwebö̧kö̧kwö 'da̧jawobö ösödujuma iso̧nö obö yöba̧luju, jobujukwö ja̧nö ösödobö. Isabenö, jobuju yöja̧li̧ma 'daliwadanö ji̧, iso̧ ö̧libobö. Ja̧danö, Isabenö Jo̧ma bakwo̧nö iso̧nö jwiinö ölabökwenöma, ja̧ 'daliwanö ö̧libobö webo̧.

Proverbios 7:5

Ja̧danö, ju'wibi yötawakwö chitji̧: Ötjö jwebebö yötawi̧ a̧ja̧kwö kwö̧jobetjö̧ ja̧ yötawi̧ma sulabenö obuju ökwökwö bakobe jö̧jobö ichujutjö kwö̧jibinö pjaatakobe. Isabenö, ötjö yötawi̧ a̧ja̧kwö kwö̧jobetjö̧ jobujuma ökwönö ösödö ötjökwö kwö̧jo ichi, jö̧ba̧lö, yöja̧lijayonö kwa̧ja̧kwökakobe.

Proverbios 5:8

Chitji̧, jobuju jö̧jelöma ödöda kwö̧jo, jeju apjude yö̧nebi kwi̧'yiboko.

Proverbios 5:3

Chi̧tji̧, ju'wibi yötawakwö: Jelo̧ ilekwoma ökwökwö jö̧jotö jö̧ba̧lö jichena, ökwönö ösödö. Wanedö yötawakwö: Jobuju obö jö̧ja̧li̧ma wa̧yo̧ o̧ti̧danö o̧tinö yöba̧lö ichuju̧. Ja̧danö, oliva o̧tesobu jwiinö otiwobu, sayuwobudanö, sayuwinö yöba̧lö ichuju. Ja̧ wanekwachi̧ma, ökwökwö jö̧jobö jwiinö ösödö yöba̧luju, jö̧ba̧lö, wanekwachobe.

Proverbios 2:16

Ina laebobe Salomón iteda itji̧nö möayo̧nö jwebebö yöawina, baikwö: —Chitji̧, jweinö omukwatö kwö̧jitjö̧ma, jelo̧kwö jelo̧kwö jalewobö ösödujutjöma kwö̧jibena. Jao chitji̧, jobuju sulabenö jalewobö, ötjökwö kwö̧jo ichi, jwöbeabujuma ökwönö jwiinö jösödijayonö jweinö omukwatö kwö̧jobetjö̧ jobujukwö kwi̧'yökakobe.

Proverbios 1:15

¡Chitji̧ a̧ja̧kwitjö! Jobekwö ötjibijayonö kwi̧'yoko, jobadökwö pjabachiböma. Jobadö kwetjachamanö kwekachoko chitji̧.

Proverbios 9:16

Baikwö jwöbeabuju wajwibadönöma: — Ökwödöma baikwö ichaduwi chejube tekachaduwo— jö̧ba̧lö—.

Proverbios 9:14

Ja̧danö, jeju apjude la'aka ba̧nö, ja̧danö comunidad tjöekwena wame ja̧nöbi

Proverbios 7:13

Ja̧danö, jobujuma möayo̧ jeju ichajo̧nö wo̧ba̧lö du̧du̧buju. Ikenama, taba̧lökönö möayo̧nö öbajalenö jweinö edö yöja̧linobe jobujuma möayo̧nöma:

1 Timoteo 5:14

Jo̧kwajabetjö̧, baikwö yötawa: Ina sesenta o̧biya ichiböködö ya̧dö tji̧lȩkwa̧munö wobekwinadöma, yemidanö tji̧lȩkwa̧munö tjemobö jo̧be, ja̧danö tji̧tji̧munö 'yabebö bötjatö, tjeju jawa otidö tjö̧jo, Jesúsnö ösödadönö öpöjödadöma ökwödönö sulabenö yötja̧lapji jö̧ba̧lö.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Génesis 39:11

Ja̧danö, ju'wi möle Joséma uluwo̧ eju okwa tebachijetö otidö. Jo̧dawa'ye tebachijetö, ju'wedö uluwo̧ ömöayedöbi deinö.

Proverbios 23:28

Ja̧danö, jobadö ya̧döma 'naukwabidö 'dötjebobö tjite'ada̧li̧danö ömadönö te'ada̧ladö ötjibobö tjilekwobö̧kö̧jukwö sulabenö tjö̧jobö. Chitji̧, jobadönö kwösödoko.