Génesis 38:1 - Dios Iwene

¹ Ja̧danö, Josénö tjiyaja̧ tupakwö, José öpöedötjö bakwo̧, Judáma öpöedö tjö̧jelö, mö'ösa'iju jelöma yutubö Adulam comunidadbe 'yi̧jetö, jelo̧ Hira mikwo̧ ejunö ö̧jobö.

Génesis 38:1 Referans Kwoze

2 Reyes 4:8

Ja̧danö, ju'wi möle Eliseo jelobe kwebachö i̧'yenama, Sunem comunidadbe ichibinobe. Ja̧danö, jobe ichibioko, jobe ju̧ju̧ nöinö juna̧lujuma, Eliseonö ja̧debinobe, jejutjö ukwobö. Ja̧danö, jemi ikenama, jelobekwö kwebachö, Sunem comunidadbenö öbaledenama, ba̧kwelöjatebö jejube tebachö ukwiainobe.

1 Samuel 22:1

Jejenö balediökwe, Davidma Gattjö döbibajö, inawa ötöla Adulam mikwölabe janö i̧'yinobe. Ja̧danö, David yö̧ne ömöledöbi, ju'wedö ömöledöbi jobe inawa ötölanö ö̧ji̧ wene a̧ja̧kwö, jo̧bakwö ja̧nö tji̧'yinobe.

Proverbios 13:20

Ju'wibi yötawa: Bakwo̧ ba̧kwȩlö̧jatebö jweinö omukwatadökwö ko̧ko̧kwö ö̧jitjö̧ma jo̧babi jweinö omukwato̧ ö̧jakwo̧. Jobekwö ö̧jokobe omukwatöködökwö ko̧ko̧kwö jo̧ma. Omukwatöködö ba̧kwȩlö̧jatebö ko̧ko̧kwö jo̧ma usula emawö ö̧jakwo̧.

Josué 15:35

Jarmut comunidadbi, Adulán comunidadbi, Soco comunidadbi, Azeca comunidadbi,

Proverbios 9:6

Ja̧danö, duluwuju jweinö omukwatö ja̧kwawa jojosujuma ökwödönö baikwö jwebebö yöbawuju: —Ökwödö ajayinö wajwibö kwö̧jinaduwa kabatibö kwöbalewachaduwo otiwanö kwö̧jaduwakobetjö̧. Jobekwö kwö̧jaduwo kwöwaisaduwakobetjö̧ di̧ya sulojobö jö̧ba̧lö, di̧ya otiwojobö jö̧ba̧lö — jobekwö jwebebö yöbawuju jweinö omukwatö ja̧kwawa jojosujuma ökwödönöma, ichaduwi tekachaduwo jö̧ba̧lö— jobekwö yötjawinobe jweinö omukwatö ja̧kwawa wanekwachuju jömöayedö ya̧döma.

2 Samuel 23:13

Ju'wi imiame, jojodö batjo̧ wa̧ji̧ tjemenanö jenanö, David ömöayedö inesö juluwadötjö wamedukwa David ö̧jobekwö tji̧'yinobe, inawa ötöla nööla Adulan ötjaböla ö̧jenama. Ja̧ möle filisteo jojodö ölakwabikwawadöma Refayin wabekonö tjö̧jinobe,

Jueces 4:18

Ja̧danö, jejenö jejube ichibioko, Jaelma jeju sabana'wotjö otikwejutjö labebö, Sisaranö yöja̧linobe, —Chuluwo̧, yebabökönui, cheju okwa wene jwiinö tebachi, tjöbadekwapji jö̧ba̧lö pjatatocha, —jö̧ba̧lö. Yöja̧lökwe, jeju okwa teachinobe Sisarama, ja̧danö jeju okwa ju̧kwawö tebachajo̧nö jumuchebinobe Jaelma, sabana'wonö.

Josué 12:15

Libná comunidad la'aka luwo̧nöbi, Adulán comunidad la'aka luwo̧nöbi,

Génesis 38:12

Ja̧danö, ju'wi möle, lekwe möle baledinena Judá ilekwo, Súa itjijuma wobijotö. Judáma ilekwo wojaiökwe o̧'wo̧ tjo̧ekwi̧ söawena ömöayedönö, a̧jwi̧mu o̧bȩja̧dö tjöwö'ye 'wibadönö edö 'yi̧jetö. Ja̧danö, ömöledöso̧ Hira mikwo̧, Adulam comunidad jojokwö 'yi̧jetö.

Génesis 38:20

Jemi ikenama Judáma webijetö ömöledöso̧, Adulam comunidad jojonö Tamar jö̧jobekwö i̧'yobö̧, a̧jwi̧mu chi̧wo̧ möayo̧nö e'ewö iyö. Ja̧danö abebijetö, jobujunö chiyaja̧ma seyu, jayu nöawasopja, chotokwa'o emibö kwichejebo, jö̧ba̧lö. Jejenö weökwe 'ya̧jo̧ma jobe ichibö isakwemi debijotö jobujuma, Judá ö̧jajokoma.