Génesis 37:33 - Dios Iwene

³³ jö̧tja̧lökwe Israelma kamijido̧ edö jö̧ba̧lijetö: —Bido̧ma chitji̧ ökamijido̧. ¡Ayö chitji̧we! Tebo luwo̧ma jo̧banö yö̧yö̧bö loajabe. Isabenö pjeikwena yö̧yö̧bö, lobö ukwajabe chitji̧nöma— budekwabinö jö̧ba̧lijetö

Génesis 37:33 Referans Kwoze

Génesis 44:28

Abönö pöema ötjö chö̧jelöma deobe. Isabenö tebo luwo̧ pjeikwena yö̧yö̧bö̧ lobö ukwinena, wajwita. Jemi tupakwöma yemidanöma chedinokobe jo̧banöma.

Génesis 37:20

Kwabö lobö laju okwa jadonö. Jemi ikenama yödawo, ¡Ayö! Tebo luwo̧ okobe jwiinö ukwajabeta döjawo̧nöma, jö̧ba̧lö. Jejenöma jo̧ba i̧'wi̧dikwinama jweinöma baibökakobe— jö̧ba̧lijadötö José öpöedöma.

Juan 13:7

—Pedro, kwömasapa chidichi̧ma babema wajwiköbijayonö ju'winö kwöwaisachibakobe—Jesúsma jö̧a̧liökwe:

Proverbios 14:15

Ju'wibi yötawa: Jweinö omukwatö̧kö̧ma, okobe jwiinö jo̧banö yötja̧li̧ma a̧ja̧kwö ösödo̧, otiwa, jö̧ba̧lö. Jo̧banöma sulabenö yötja̧lijayonö, otiwa, jö̧ba̧lö omukwato̧, wajwiobetjö̧. Ja̧danö, jelo̧nöbi yötawa: Ö'wiyawakwawönö omukwato̧ma i̧'yakwa̧ abönö jweinö omukwato̧, jweinö i̧'yakobetjö̧.

2 Reyes 2:24

Jobekwö obö yötja̧liökwe, jalachibö jobadönö yöa̧linobe Eliseoma, —Isabenö Jo̧ lȩebakwawö̧ja, —jö̧ba̧lö. Jemi ikenama, tebotjö ojwe yawidö ya̧dö du̧ju̧tajama labebö, jobadö möayedönö metjibinobe, ja̧danö möayedötjö cuarenta y dosbedönö nöinö suli̧ tjöwaedinobe.

1 Reyes 13:24

Ja̧danö, jobetjö ȩwa̧jö, Juda nijibe ȩwa̧jemi ja'ötjö, didibama jo̧banö meibinobe, ja̧danö jo̧banö kwabö loinobe. Jo̧kwaijayonö, jo̧banö kwabö loijayonö, iteba'o ukwinokobe, ja̧danö bulunö meibinokobe didibama. Kwabö loajökwe, Dios yöawi̧ yöbawo̧ iteba'oma, mananö bi̧nobe, ja̧danö iteba'o ö'öbönö, didibabi, bulubi sule ja̧nöda ö'öbönö tjö̧jinobe.

Génesis 37:32

Jemi ikenama José otiwado̧ ökamijido̧aja̧do̧ e'ewö ȩwa̧jijadötö tjabe'do ö̧jobekwö tjejube. Ichibö José ökamijido̧ i̧sebijadötö tjabe'donö. Ja̧danö jo̧banö jö̧ba̧lijadötö: —Dabe'do. Bido̧ kamijido̧da döbadekwajatö. Kwitji̧ José ökamijido̧ena. Otiwanö edi kwitji̧ ökamijido̧ojobö —

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Génesis 44:20

Jejenö abebö kwa̧ja̧kwitjö̧ datadijatö, Jau dujuna̧lobe dabe'donöbi jo̧ba itji̧ bajalia luwo̧nöbi, ina möayo̧nö dabe'do pöe 'yaebinökwe. Ja̧danö jo̧ba öpöekwö jobadö sule dujutajada bakwuju jitji̧mu̧ma. Jo̧kwaijayonö jo̧ba öpöema woinobe. Woinobetjö̧ jobuju ji̧tji̧mutjö jo̧bada 'yaba̧lo̧ma. Ja̧danö, dabe'doma jwiinö ile niebökwe jo̧banöma, jö̧ba̧lö. Chuluwo̧ jejenö datadijatö ökwönöma, dömöledönö abebö kwa̧ja̧kwitjö̧— jejenö Judáma yöbawijetö Josénöma. Ina yöbawijetö:

Génesis 48:11

Ikenama Jacobma jö̧ba̧lijetö Josénö: —Chitji̧, ajayinöma, isabenö yemidanöma chitji̧ Josénö 'yaba̧lo̧nö chedökakobe, jö̧ba̧lö, chomukwatijatö. Jo̧kwaijayonö babema Diosma pjaatajabetjö̧ sule ökwönödamaö̧kö̧ kwi̧tji̧mu̧nöbi chedobe— jö̧ba̧lijetö Jacobma itji̧ Josénöma.