Génesis 36:8 - Dios Iwene

⁸ Ja̧danö Esaú, ju'wi imi Edom mikwo̧ma, jelobekwö 'ya̧jo̧ Seir nijinö ji̧jetö, mö'ösa'iju la'aka ba̧ba̧lawena.

Génesis 36:8 Referans Kwoze

Génesis 32:3

Ikenama Jacobma webijetö ömöayedönö yöbawö tji̧'yobö öpöe Esaú ö̧jobekwö, Seir mö'ösa'iju ju̧kwobekwö, Edom nijibe.

1 Crónicas 4:42

Ju'wibi jobadö Simeonsaso ölakwabikwawa jojodötjö, quinientosbedöma Seir mösa'obe tji̧'yinobe. Isi itji̧mu Pelatias mikwo̧bi, Nearias mikwo̧bi, Refaias mikwo̧bi, Uziel mikwo̧bi jobadönö öbibö jwetjebonö,

Josué 24:4

ja̧danö Isaacnö itji̧mu du̧ju̧tajanö 'yaebobö chiyijatö, Jacobnöbi, Esaunöbi. Ja̧danö, Esaunö chiyijatö, Seir mösa'o jȩmi niji ö̧jobö, jo̧babi itji̧mu tupadanö jojodöbi. Ja̧danö Esau jobe ö̧jonö, Jacobbi, itji̧mubi Egipto nijibe tji̧'yinobe, jobe tjö̧jobö.

Deuteronomio 2:5

jobadökwö kwölakwabikwawaduwapji jö̧ba̧lö. Jobadö tjitebo Seir mösa'oma, ötjöma jobadö Esau itji̧mu tupadanö jojodönöda chiyijatö, tjitebo baibanö jobe tjö̧jobö, ja̧danö tjitebo niji ja'yubebi ökwödö israel jojodönö chiyökakwo̧sa. Jo̧kwajabetjö̧ jobadökwö kwölakwabikwawaduwobö jwiobe.

Génesis 36:1

Biya̧ chiwȩyudi̧ma Esaú i̧tji̧mu tjimibiya, ja̧danö Esaútjö tupadanö jojodö tjimibiya. Esaúma ju'wi imi Edom, jö̧ba̧lö mikwijetö.

Génesis 14:6

Ja̧danö ju'wedönöbi, horeo jojodönö ölakwabikwawö juluwijadötö, mö'ösa'iju Seir mikwa'iju ju̧kwobetjö Parán niji tebo jwiena ö'öbö tjichibenanö.

Génesis 36:9

Jejenöobetjö̧, Esaútjö tupadanö jojodöma jobe, Seir nijinö ju̧kwijadötö, mö'ösa'iju la'aka ba̧ba̧lawena. Jobadöma edomitas jojodö, jö̧ba̧lö mikwinadö. Jobadöma Esaúnö, da'dö jö̧ba̧lö, öbabijadötö. Ja̧danö Esaútjö tupadanö jojodöma bidö:

Deuteronomio 2:4

ja̧danö lakebaduwakwa̧ abönö, baikwö weköbo israel jojodönö: Isabenö Jo̧ma ökwödönö yöawobe, babema kwömöledöduwi Esau itji̧mu tupadanö jojodö tjitebo ö'wejenö kwöbaledaduwobö jo̧be. Ja̧danö, jejenö kwöbaledaduwiawö̧, jobadöma yetjabikobe ökwödönö, jo̧kwajabetjö̧ teada̧lönö kwö̧jaduwo,

Deuteronomio 2:22

Ja̧danö, amonitas jojodönö pjaati̧danö, Seirnö ju̧kwadö Esau itji̧mu tupadanö jojodönöbi pjaatinobe. Jobadönö pjabatö, Seir nijinö ajayinö ji̧nadö horeos jojodönö söbebö loinobe, tjiteboinemi nijima, idöda tjitebo niji baibanö tjemobö, ja̧danö babe mölebi baibanö, ina jobe tju̧ju̧kwobe Esau itji̧mu tupadanö jojodöma.

Génesis 25:30

Ja̧danö, jo̧bama abebijetö öjawo̧nö: —Chöjawo̧, a̧wi̧chö̧löja. I̧ya jȩlu̧wa̧ duwi̧ iyitjö chukwo—abebijetö. Jejenö Esaúma, duwi̧ iyitjö, jö̧ba̧lö, aebobetjö̧ Esaúnöma, Edom, jö̧ba̧lö, ötjabinökwe jojodöma. Ja̧danö Edom, jö̧ba̧löma, duwi̧, jö̧ba̧lö, yöawobe.

Génesis 32:4

Baikwö yötjawobö webijetö: —Ötjö chuluwo̧ Esaúnöma baikwö yökawaduwo, ötjö yötja̧li̧ma: Chuluwo̧, ötjö Jacob, dokwa, jö̧ba̧lö, atebobe ökwönö. Ötjöma Labánkwö lekwe o̧biya baledinö ji̧na babeda chȩwa̧ja.

1 Samuel 14:47

Saul israel jojodö la'aka tjuluwo̧ baibaja̧ ikena, okobe deinö israel jojodö tjöpöjojodönö ölakwabikwawö ö̧jinobe, bakwachobebi, jelobekwöchobebi tjitebokwena jojodönö. Moab jojodönöbi ölakwabikwawö, ja̧danö Amon jojodönöbi ölakwabikwawö, Edom jojodönöbi ölakwabikwawö, Soba niji la'aka luwedönöbi ölakwabikwawö, filisteo jojodönöbi ölakwabikwawö ö̧jinobe. Ja̧danö, okobe jwiinö ölakwabikwawö ö̧jinama, israel jojodö tjöpöjojodönö ujuluwinobe.