Génesis 35:22 - Dios Iwene

²² Jobe ja̧nö, Israel itji̧ Rubénma abe'do ömöayuju, ilekwonö eminoko Bilha mikwujukwö ji̧jetö., Ja̧danö, Israelma ju'wedö yötjawi̧ a̧ja̧kwijetö, kwitji̧ sulabenö ja̧ajabe kwilekwokwö, jö̧ba̧lö yötjawi̧ma. Baikwö laebobe Jacob i̧tji̧mu̧ ömadö a̧li̧nösamutjö̧ dujutajanö tjimibiya:

Génesis 35:22 Referans Kwoze

1 Crónicas 5:1

Israel itji̧ abönö pöema, Ruben mikwo̧. Ja̧danö, itji̧ abönö pöe ö̧jinobetjö̧, Israel itji̧mu tupadanö jojodö tjimibiya wȩyukwa'yenö, jo̧ba imida abönö laebo jö̧a̧linobe. Jo̧kwaijayonö, Rubenma sulabenö iteda abe'do ilekwokwö ö̧jinobe, taba lö̧ji̧ saminö, jo̧kwajabetjö̧ abönö pöe emo jö̧a̧linama, iteda öjawo̧ Jose itji̧munö baledinobe. Jo̧kwajabetjö̧, Rubenda abönö pöe ö̧jinajayonö, jo̧ba imi abönö laebokobe, Israel itji̧mu tupadanö jojodö tjimibiya wȩyukwa'yenö.

1 Corintios 5:1

Chömöledö, jwiinö suli̧ jawa cha̧ja̧kwobe ökwödönö, ökwödö kwö'da̧deduwitjö bakwo̧ ilekwobökujukwö ja̧i̧ wenema. Jau chömöledö, baikwö cha̧ja̧kwinobe: Ökwödö Jesúsnö ösödadötjö bakwo̧ma iteda abe'do ilekwonö ja̧bö jo̧ jö̧ba̧lö. Jejenö jwiinö sula chömöledö, ja̧danö böjȩ jojodö Diosnö öpöjödadöbi jejenö ja̧böködö, jwiinö sula jö̧ba̧lö.

2 Samuel 20:3

Jejenö Davidma Jerusalenbe ȩwa̧jö, ejube ichibinobe. Ja̧danö, ejube ichibö, ilekwamu domulatajabedö, eju tjiteada̧lobö ujunibinawönö jelejunö pjolatö ujuninobe. Jelejunö pjolatö junö, ipje'datinobe jobadönö, ja̧danö teada̧ladönö ujuninobe, ilekwamubajadönö tjiteada̧lobö. Ja̧danö, jemi tupakwö ba̧kwelöjatebö tju̧kwa iyö iteada̧lijayonö, la'akatjöda yemidanö jobadökwö ö̧jinokobe, bidönö Absalon sulabenö 'da̧'da̧bö ö̧jinawö̧, jö̧ba̧lö. Jo̧kwajabetjö̧, jejenö ipje'datajawö̧, jobe tjilekwamu wobö tjujunibinawö̧danö tjö̧jinobe, ö'wö batjibenanö kabatö.

Apocalipsis 21:14

Ja̧danö, tjöekwemi teebema, inawiya ö̧wiyawi bo̧be, a̧li̧nösamutjö döwölatajanö. Ja̧ öwiyanöma Obeja Itji̧danö Jo̧ weinawö̧ tjimibiya wȩyukwa, bakwawakwena.

Hechos 7:8

Ina yöbawijetö: —Ikenama Diosma webijetö Abrahamnöma, jo̧banöbi ömöledönöbi okobe deinö ömadönöma tjötade bajale jawa o̧di̧ju 'wibebö lotjobö. Ja̧ 'wibebö loawama Dios webijetö jobadönöma, tjomukwatobö Dios jobadönö yöbawö ujunina wene, iteda isabenö iyakwa̧ wenema. Ja̧danö, Abrahamma itji̧ Isaacnö ojo'do jemaja̧ tupakwö jelemutjö wa̧pötakwa möle baledibajena itji̧ ötade bajalesado̧ 'wibebö lobijetö. Ja̧danö, Isaacbi itji̧ Jacobnö, ötade bajalesado̧ 'wibebö lobijetö. Ja̧danö, Jacobbi i̧tji̧mu tjötade bajale jawa o̧di̧juma 'wibebö lobijetö, okobe deinö, a̧li̧nösamutjö du̧ju̧tajanö i̧tji̧munöma. Jobadö a̧li̧nösamutjö du̧ju̧tajanö jojodö, Jacob i̧tji̧muma, israel jojodötjö ajayinö ji̧nadö—yöbawijetö Estebanma—.

Génesis 35:18

Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Éxodo 2:1

Ja̧ mölema Israel jojodötjö bakwo̧, Levítjö tupadanö jojoma ilekwonö emijetö. Ilekwobi Levítjö tupadanö jojosuju.

Deuteronomio 27:12

—Chömöledö, Jordan ojwe pebibajadö, yötawaja̧danö Ebal mösa'obe kwi̧'yaduwenama, baikwö ja̧köbaduwakwa̧ wetaduwakwö: Ökwödö israel jojodötjö Simeonsaso jojodöbi, Levisaso jojodöbi, Judasaso jojodöbi, Isacarsaso jojodöbi, Josesaso jojodöbi, Benjaminsaso jojodöbi Ebal badeibösa'o Guerizin mösa'onö tjöjamatobö ja̧kobe, otiwanö Dios wei̧ kwa̧ja̧kwaduwiökwe pjaatakwa̧ jawa yötjawobö.

Deuteronomio 27:20

Ja̧danö, –Bakwo̧ iteda abe'do ilekwokwö sulabenö bakobe baibitjö̧ma, sulabenö iteda abe'do a̧do̧ jwii̧ i̧sȩbobedanö jo̧be, ja̧danö Dios lȩebakwo̧ jo̧banöma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö ja̧kobe.

Jueces 5:14

Efrainsaso jojodö tjitebo, damötjö̧ amalecita jojodö tjö̧jinelö otiwanö tjichinobe, ökwödö Benjaminsaso jojodö kwökömanöduwi tjichinobe. Maquir itji̧mu tupadanö jojodötjö ölakwabikwawa jojodö tjuluwedö tjichinobe, ja̧danö Zabulonsasotjö inesö ölakwabikwawa jawa la'aka luwedö tjichinobe, otiwanö.

1 Samuel 2:22

Elima jwiinö pöe baibinobe. Ja̧danö, pöe ja̧nö, Eli̧ma iteda i̧tji̧mu sulabenö ja̧bö tjö̧ji̧ wene a̧ja̧kwiainobe, baikwö: —Eli i̧tji̧mu Diostjö jojodötjö tjö'da̧de pjabatadöma isabenö sulabenö ja̧badö israel jojodönö, ja̧danö ju'wibi Dios eju apjude pjeanö otidadö ya̧dönö sulabenö 'da̧'da̧bö ju̧kwadötö, —jö̧ba̧lö a̧ja̧kwinobe Elima.

2 Samuel 13:21

La'aka luwo̧ Davidma baledaja̧ wene a̧ja̧kwinobe, ja̧danö a̧ja̧kwö nöinö ödameakwinobe.