Génesis 35:18 - Dios Iwene

¹⁸ Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Génesis 35:18 Referans Kwoze

Hechos 7:59

Tjikwawökwe Estebanma Uluwo̧nö jwöbijetö, Chuluwo̧ Jesús, cho̧'wo̧ luwo̧nö emi, jö̧ba̧lö.

Lucas 23:46

ja̧danö Jesúsma labinö jwöbeba̧lö jö̧a̧linobe: —Chabe'do, cho̧'wo̧ luwo̧nö chiyakwö, ötjönö kwite'ada̧lobö— jö̧ba̧lö jwöeba̧linobe. Ja̧danö, jejenö jwöbeba̧lajo̧ juluwanö ö'wö baibinobe.

1 Crónicas 4:9

Ja̧danö Juda itji̧mu tupadanö jojodötjö bakwo̧ma Jabes mikwo̧, ja̧danö okobe deinö ju'wedö yöne ömöledötjö bajalekwönönö otiwanö tjomukwatökwe ö̧jinobe Jabesma. Jabes ojo'do jo̧banö jemenama, nöinö inia tjöjinobe, jo̧kwajabetjö̧ jemajökwenö Jabes jö̧ba̧lö jimidinobe, inia tjöawa, jö̧ba̧lö.

Lucas 12:20

Jo̧kwaijayonö, jejenö omukwatijayonö Diosma jo̧banö yöa̧linobe: Ökwöma wajwibö omukwato̧ja, biya̧da yö̧teda woköbakwo̧ja. Ja̧danö jejenö woköbaja̧ okobema, nöinö kwujuna̧li̧ma ¿ti ujuna̧lakwa̧da? Kwujuna̧li̧ma ¿ökwönö pjaatakwa̧ji̧?— jö̧ba̧lö wanedö yöawinobe.

Éxodo 12:7

Ja̧danö, 'wibebö kwaköbajaduwawö̧ tjökwösobutjö apjudesötenö dukebaduwo, apjude jawa ö'diyanöbi bakwachakwadanö, möakwöchobe jawanöbi itebiya kukwaduwakwa̧ ejubiyanöma.

Génesis 43:14

Diosnö, Jwiinö Juluwo̧ Diosnöma atebocha ökwödönö pjaatobö, ja̧danö la'aka luwo̧ma ökwödönö lȩlö̧jinö edobö, ja̧danö, Simeónnöbi, Benjamínnöbi tjeatobö. ¡Dakwö jö̧ta̧lakwajö! Chi̧tji̧mu debi baibitjö̧ma, debi baibena— jö̧ba̧lijetö Jacobma i̧tji̧munöma.

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Génesis 42:4

Jo̧kwaijayonö José öjawo̧ Benjaminnöma webijökötö Jacobma jo̧banö sulabenö baledapji jö̧ba̧lö.

Génesis 30:1

Raquelma, ötjöwe, tjemu debujusa, ja̧danö Jacob i̧tji̧munö 'yatebökakwujusa, jö̧ba̧lö ö'wiawinö edijotö jöpöo Leanöma ji̧tji̧mu ö'wejemu luwanö 'yajebioko. Jo̧kwaobetjö̧ Jacobnö jö̧ba̧lijotö: —Chilekwe ötjökwö kwö̧jo metu'wo batibobö, kwi̧tji̧munö 'yatebinö. Isabenö tjemu debujuchitjö̧ma debö chi̧'yena— jö̧ba̧lijotö.

Génesis 35:17

Ja̧danö tjemunö jemibena Raquelnöma suli̧ baibanö jwiinö niijetö. Ja̧danö tjemunö tjemobe te'ada̧lakwawa jojosujuma Raquelnö, jwiinö niatibokonöma jö̧ba̧lijotö: —Kwo̧'wo̧ ösöwanö jawi. Babema jelo̧ kwitji̧nö kwuju̧na̧lobe — jö̧ba̧lijetö.

Génesis 35:19

Jejenö wobijotö Raquelma, ja̧ mölema. Wobajujunö o̧tjijetö Efrata comunidad, babe mölȩ Belen mikwemi 'ya̧kwawama ö'öbö. Babebi ja̧ma mana Jerusalénbe dötewama.

Génesis 35:24

Ja̧danö, ilekwo Raqueltjö i̧tji̧mu̧ma bidö: Abönö pöe José, ikena luwo̧ Benjamin.

Génesis 49:27

Ikenama Jacobma yöbawijetö bajaliya luwo̧ Benjamínnö: —Benjamín, ökwötjö tupadanö jojodöna tebo a̧wi̧li̧dö jwiinö labidö tjukwobö isakwedödanö tjölabikwedö. Yȩayi̧ma tjöpöjojodönö kwabö lotjakwedö. Ja̧danö yi̧benama kwabö lotjajawö̧ tjiteatjö emibö tjömöledönö tjiyabikwedö— yöbawijetö Jacobma.