Génesis 34:9 - Dios Iwene

⁹ Ja̧danö, ju'wibi, bakobe omukwatö yöbawö dujuno baikwö: Ökwödöma kwi̧tji̧muduwi ya̧dönö weköbaduwo di̧tji̧mu ömadöma tjilekwo baibanö tjemobö. Ja̧danö, ökwödöbi di̧tji̧mu ya̧dö nö wedena kwi̧tji̧mu ömadöma tjemobö.

Génesis 34:9 Referans Kwoze

Deuteronomio 7:3

Jobadökwö ja̧nö, jobadötjö kwilekwamuduwi batjibanö kwemaduwoko chömöledö, kwitji̧muduwi ya̧dönö jobadö tji̧tji̧munö tjemobö webökönaduwi, ja̧danö tji̧tji̧mu ya̧dönö kwi̧tji̧mu tjemobö webökönaduwi.

Génesis 27:46

Ikenama Rebecama Isaacnö o̧'wo̧ tjo̧bekwö budekwabijotö: —¡Ötjöwe! ¡Dakwö chö̧jakwajö bemi Heteo niji ya̧dökwö, Esaú eminawö̧kwöma¡ ¡Chöpöjödawö̧! ¡Ayö! Jacobbi bemi ya̧dötjö emitjö̧ma ¡debö chi̧'yoböma otiwena¡— budekwabinö jö̧ba̧lijotö Rebecama Isaacnö.

Génesis 19:14

Jejenö yötjawökwe Lotma labebö 'yi̧jetö i̧tji̧mu ju'winö tjȩmakwawö̧ tjö̧jobekwö yöbawö. Ichibö yöbawijetö: —Belöma labebaduwi jelobekwö. Bemima Isabenö Jo̧ Diosma söbebö loakobe— yöbawijetö. Jejenö yöawijayonö, omöna yöba̧lo̧, jö̧ba̧lö omukwatijadötö jobadöma, a̧ja̧kwökönö.

Génesis 6:2

Ja̧danö, ja̧ mölema baikwö baledijetö: Mölejȩnö ju̧kwadö ángelesdötjö sulabedö ángelesdöma böjȩnö ju̧kwadö ya̧dönö tjedemi, jwiinö otiwadö jö̧ba̧lö, tji̧lȩkwa̧munö tjemotö jö̧ba̧lö ösödijadötö. Jejenö tjösödobetjö̧ jobadö sulabedö ángelesdöma böjȩnö ju̧kwadö ya̧dönö emijadötö, jobadötjö bakwo̧nökwena tjösödokokwena.

Génesis 34:8

Ja̧danö, Jacob i̧tji̧mu ȩwa̧jadöma idöda tjölabi i̧sebökönö tjabe'dokwö Hamorkwö ko̧ko̧kwö bi̧jadötö. Ja̧danö, ko̧ko̧kwö ba̧nö yöba̧lijetö Hamorma: —Chitji̧ Shequemma omajadenö jwiinö ösödobe kwitjijunö. Atebakwö weköbojö chitji̧ ilekwo baibanö yöbawö chichatö

Génesis 34:10

Jejenö dö̧jobö kwösödaduwitjö̧ma otiwanö pjatatena. Okobe jwiinö bemi niji kwö̧jaduwoböma wetena, kwösödaduwenanö, ja̧danö, bemi niji okobe jwiinö tea iyö, emö kwekachaduwobö wetena, jejenö dö̧jobö kwösödaduwitjö̧ma. Ja̧danö, niji midö kwemaduwoböbi wetena, jejenö bakobe omukwatö weditjö̧ma di̧tji̧muduwinö tjemi̧ma— jö̧ba̧lijetö Hamorma.