Génesis 34:21 - Dios Iwene

²¹ Ja̧danö Hamor yöba̧lijetö: —Jobadöma otiwanö ökwödökwö wene jwiinö tjuju̧kwobe. Jo̧kwaobetjö̧ otiwa bena ökwödö ditebonö tjuju̧kwoböma. Ja̧danö, ökwödönö tea tjiyoböbi, tjemoböbi otiwa. Bemima jalobe, ökwödöbi jobadöbi duju̧kwobö. Ja̧danö, tji̧tji̧mu ya̧dö nö demaduwo di̧tji̧mu ömadö tjilekwo baibanö tjemobö. Ja̧danö, ökwödöbi di̧tji̧mu ya̧dö nö wedo jobadö tji̧tji̧mu ömadö tjilekwo baibanö tjemobö.

Génesis 34:21 Referans Kwoze

Génesis 34:20

Ikenama Shequemma abe'dokwö comunidad la'aka luwedö teachakwawemi tjö̧bobekwö 'ya̧nö yöbawijadötö jobadönöma, Jacob, Jacob i̧tji̧mu atjebinama.

Génesis 34:22

Jo̧kwaijayonö bakwöta jawada atjebobe ökwödönö ömadönöma, jobadökwö bakwaso jojodödanö dö̧jobö. Ökwödö ömadönöma dötade bajale jawa o̧diju 'widekwö lodobö atjebobe— yöbawijetö—.

Génesis 34:10

Jejenö dö̧jobö kwösödaduwitjö̧ma otiwanö pjatatena. Okobe jwiinö bemi niji kwö̧jaduwoböma wetena, kwösödaduwenanö, ja̧danö, bemi niji okobe jwiinö tea iyö, emö kwekachaduwobö wetena, jejenö dö̧jobö kwösödaduwitjö̧ma. Ja̧danö, niji midö kwemaduwoböbi wetena, jejenö bakobe omukwatö weditjö̧ma di̧tji̧muduwinö tjemi̧ma— jö̧ba̧lijetö Hamorma.

Génesis 42:34

Kwichejebaduwo kwöjawo̧duwinö baikwö, chöwaisobö, Isabenö bidöma jweinö yöba̧ladö, jö̧ba̧lö. Kwöjawo̧duwinö kwichejebaduwitjö̧ma kwömöledöso̧ ka̧lela bo̧nö tjetatocha. Jejenö ötjö weti̧ otiwanö kwa̧ja̧kwaduwitjö̧ma bemi nijinö ja̧nö, tea iyöbi, emöbi kwuju̧kwaduwakwedöja, jö̧ba̧lö. Jejenö jö̧a̧lijatö Egipto niji la'aka luwo̧ma ökwödönöma— jejenö yöbawijadötö José öpöedöma tjabe'donöma.