Génesis 33:18 - Dios Iwene

¹⁸ Ju'wi möle Jacobma Sucottjö labebö otiwanö ȩwa̧jijetö Canaán nijibekwö, itebobe. Jacobma Labán itebo Padán-aramtjö ȩwa̧jö Canaán nijibe, iteda itebobe ichibijetö. Jobe ichibö i̧sa̧do debatö eju otidijetö mejenö, Sequem comunidad ö'öbö.

Génesis 33:18 Referans Kwoze

Hechos 7:16

Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö.

Jueces 9:1

Ja̧danö, Gedeon ö'wö baibaja̧ ikenama, itji̧ Abimelecma iteda ojo'do jömöledöbi, jömöledösaso jojodöbi tjö̧jobekwö i̧'yinobe, Siquen comunidadbe. Ichibö, jobadönö yöa̧linobe baikwö:

Josué 24:1

Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.

Juan 4:5

Ja̧danö Samaria nijinö, Sicar comunidadnö ichibinobe, Jacob itji̧ Josénö iyinemi niji yöneawinö.

Génesis 25:20

Isaacma cuarenta a̧yo bo̧ Betuel itjijunö, Rebeca mikwujunö, emijetö ilekwo baibanö. Betuel, arameo jojoma, Padan-aramnö ji̧jetö. Rebecama Labán öjawuju.

Juan 3:23

Ja̧danö, Juanbi jelobetjö, Enón mikwelö, ichajadönö ojwenö bu̧datiainobe. Enónma Salim mikwemi yöneawemi. Jobe ojwebiya li̧nobe.

Génesis 46:15

Jobadö Jacob i̧tji̧mu, Rubén, Simeón, Leví, Judá, Isacar, Zabulón Leatjö i̧tji̧muma, Padan-aramnö ja̧nö 'yaebinawö̧. Itjijunöbi 'yabebijetö Jacobma Leatjö, Dina mikwujunö. Ja̧danö okobe deinö Jacob, Leatjö itji̧mu, ö'dö̧dö treinta y tresnö.

Génesis 35:9

Ja̧danö, Jacob, Padan-aramtjö̧ ȩwa̧jajo̧ma Betelnö ji̧jetö. Jobetjö Diosma yemidanö Jacobnö öwawachö, dösölö̧jinö edö pjabato̧sa, jö̧ba̧lö.

Génesis 28:2

Babeda 'ya̧wi Padan-aram nijibe. Jobe ichibö kwojo'do jabe'do, Betuel ejube kwi'yo. Jobetjö, kwojo'do jöpöe Labán i̧tji̧mu ya̧dötjö kwilekwonö akebo— webijetö.

Génesis 12:6

Ichibajadöma okobe jwiinö Canaán nijinö kwebachijadötö, Siquem comunidad tjichibenanö kabatö. Jobema towi nöowi ji̧jetö Moré mikwowi. Ja̧danö, ja̧ mölema jobema Canaán jojodöbi ju̧kwijadötö.

Génesis 37:13

Tji̧'yinobe okobetjö Israelma webijetö Josénö: —Siquembe kwi'yo kwöpöedö tjö̧jobekwö— weökwe: —Jau chi̧'yocha— atadijetö.

Génesis 48:7

Ina yöbawijetö: —Chitji̧, kwojo'donö Raquelminenöma omukwatö kwi̧tji̧mu Efraínnö, Manasésnö 'da̧batö chujuna, ötjö chi̧tji̧mu̧, jö̧ba̧lö. Jobujuma ¡Ju'wedö ji̧tji̧munö 'yajebinowe! Damötjö, Mesopotamiatjö dȩwa̧jemi ja'ötjö jobujuma ö'wö bajibijatö, Canaán niji Efrata comunidad yö̧neawelö. Ö'wö bajibitjö̧ ¡chilekwowe! jö̧ba̧lö, jwiinö cho̧'wo tjo̧tekwijatö. Wobajunö jenada cho̧tjijatö, Efrata comunidad 'yakwawama ö'öbö— yöbawijetö Jacobma Josénö. Babe mölema ja̧ comunidadma Efrata, jö̧ba̧lö, ötjabokobe, Betél, jö̧ba̧lö ötjabobe.

Génesis 31:25

Ja̧danö, Jacobma Galaad niji mö'ösa'iju jena o̧donö ji̧jetö, isa̧do̧tjö debatö otidajejunö. Labán, iteda ömöledö Jacobnö lubö ichajadöma jobe, Jacob ö̧jemi pjeanö isa̧do̧tjö debatö ejunö otidö ji̧jadötö.