Génesis 33:16 - Dios Iwene

¹⁶ Jo̧kwaobetjö̧, ja̧ mölema Esaúma ȩwa̧jijetö Seir nijibe.

Génesis 33:16 Referans Kwoze

Génesis 33:15

Jejenö jö̧a̧lökwe: —Jao kwatjö̧ma. Jo̧kwaobetjö̧ chömöayedötjö ju'wedönö chujuniba ökömanö ökwökwö tjȩwa̧jobö— jö̧a̧lijayonö Jacobma: —Chuluwo̧, tjo̧wi̧ otiwanö lȩlö̧jinö kwedajabe ötjönöma, ja̧da jwiinö otiwa. Kwömöayedönö kwujuniboböma jwia, junibökönuwi— jö̧ba̧lijetö Jacobma.

Génesis 33:17

Jo̧kwaijayonö Jacobma Esaú ö̧kömanö ȩwa̧jijökötö, Esaúnö yöa̧laja̧danö. Jelobekwö ojwe ö'öbö a̧li̧kwö ȩwa̧jijetö, Sucot mikwobekwö. Jobe ichibö eju otidijetö Jacobma, ömöledö tjabobö. Ja̧danö, löwötebiyabi otidijetö, a̧jwi̧mu tjabemi. Jobe imi, Sucot, jö̧ba̧löma, löwöte wanekwachobe. Jacob jobe löwötebiya otidinobetjö̧ jojodöma jemi mikwijadö, Sucot, jö̧ba̧lö.

Génesis 32:3

Ikenama Jacobma webijetö ömöayedönö yöbawö tji̧'yobö öpöe Esaú ö̧jobekwö, Seir mö'ösa'iju ju̧kwobekwö, Edom nijibe.

Jueces 16:5

Jejenö ösödiawö̧, filisteo jojodötjö inesö la'aka luwedöma Dalilanö yötja̧lakwawobö tji̧'yinobe, ja̧danö ichibajadö yötja̧linobe, —Sansonma ökwönö ösödobetjö̧, waisanö döyötö ja̧köbo, Sanson inesö ujulu jawa ökwönö yöawakobetjö̧, ujuluma detjö ichojobö jö̧ba̧lö. Jejenö ökwödö filisteo jojodö otiwanö jo̧banö dujuluwakwa̧ kwöwaisachibobö ja̧köbo, jo̧banö juluwö, otiwanö dunu'yakobetjö̧, döibajobö jwiinö. Jejenö pjakatitjö̧ma, otiwanö ökwönö dimidakwedösa, ökwödö inesö la'aka luwo̧kwena, bakwo̧nökwena mil cien plata ö̧pibiya dimidakwedösa, —jö̧ba̧lö Dalila pjajatobö atjebinobe.