Génesis 32:31 - Dios Iwene

³¹ Ikenama ju'wi dewachö jawo̧ laebena Jacobma labebijetö jelö Penieltjö. Jiko, jiko 'yi̧jetö isȩ'bo niiökwe.

Génesis 32:31 Referans Kwoze

2 Corintios 12:9

Jo̧kwaijayonö baikwö atadinobe chömöledö: —Jo̧kwada, ja̧tjö kwö̧jibinö pjatatökö Pablo, jo̧kwaijayonö ja̧ nii̧tjö bajalekwönönö mikwa jwiinö lȩlö̧jinö pjatatakwö, ökwö kwujulu jwienama, ötjöda chujulu öwaetjöda öwawobetjö̧— jö̧ba̧lö atadinobe Duluwo̧ma. Ja̧danö, ötjö chujulu jwiena Duluwo̧ ujuluda öwawobetjö̧, ötjöma isabenö cho̧'wo̧ ösöwanö yöta̧lobe, chujulu jwii̧ma otiwa, jö̧ba̧lö, ötjönötjö Cristoma iteda ujulunö otidakobetjö̧.

Jueces 8:8

Ikenama, Gedeonma jemi tupakwö madianitas jojodönö lubö i̧'yinobe, Peniel comunidadbe ichibanö, ja̧danö Sucot jojodönö aebaja̧danö Peniel jojojodönöbi pan tjiyobö aebinobe, ja̧danö aebawö̧, Sucot jojodö tjatadaja̧danö, bakwainö sulabenö tjatadinobe.

Génesis 32:25

Ja̧danö, öwawachajo̧ma Jacobkwö jisabikwawö, Bitema ötjönö ujuluwa ichejekwa, jö̧ba̧lö, labinö 'dobijetö Jacobnö, isȩ'bonö, iwe'o jiachajinö .

Génesis 19:23

Ikenama ja̧wo̧ ida̧ökö laebajena Lotma, ilekwokwö, i̧tji̧mukwö ichibijetö Zoarnöma.

Génesis 19:15

Ja̧danö, dewachenama ángelesdöma labinö webijadötö Lotnöma: —Lot, a̧la̧ibi. Juluwanö kwilekwonö, kwi̧tji̧munö öbibö lakebo okwödö debö kwi̧'yaduwapjii söbebö lodenama— webijadötö.

Génesis 32:32

Ja̧danö, ja̧ möletjö̧ babe möle ichenanö Israeltjö tupadanö jojodöma tjukwokobe isȩ'bo iwe'onö pöanima, jenama Jacobo isȩ'bo iwe'o jiachajinö kwainobetjö̧.

1 Reyes 12:25

Israel jojodötjö inesö la'aka luwo̧ babibajo̧, efrain niji mösa'iju jȩmi comunidad Siquen 'diinö tjöbebö otidinobe Nebat itji̧ Jeroboanma, ja̧danö jobe ö̧jinobe, iteda webö ö̧jemi comunidad baibanö. Ikenama, ja'yubenö lekwajabetjö̧, jobetjö labebö, Peniel comunidadbe i̧'yinobe, ja̧danö Peniel comunidadbi 'diinö tjöbebö otidinobe.

1 Reyes 18:26

Weawö̧, israel jojodö tjiyajökwe pakayaso̧nö emibö, iyawa baibanö tjotidinobe, jadanö yȩayi jamatö, möle ja'ö baibanö tjösödökwe Baalnö jwötjeba̧linobe, —Duluwo̧ Baal, adebökwe, kwatado, —jö̧ba̧lö. Jo̧kwaijayonö, lekwe jwötjeba̧lijayonö, Baal iwene ökwöinokobe, bakwo̧bi atadinokobe. Yȩayi baledibanö, tjösödökwe Baalnö iyawöte söpödö, dödöbö jwöbeba̧lö, tjösödökwe Baalnö atjeba̧linobe, atjebi̧ a̧ja̧kwö, ökwöla önötedobö.

Génesis 16:13

Ja̧danö, Isabenö Jo̧ Dios jejenö yöawoko Agarma Diosnö öbabijotö, ötjönö edö te'ada̧lo̧ Dios, jö̧ba̧lö. Ja̧danö yöba̧lijotö, ¡Ayö! Ötjöma Diosnö chedajayonö ina 'yaba̧lujusa, jö̧ba̧lö.

Éxodo 24:10

Nöchajadöma idöda, Israel jojodö tjösödökwe Diosnö edijadötö. Ja̧danö, Dios ömasapa teebekwöchobe, nijakwö ö̧jatemi zafiro mikwawa inawiyama nijinö bijetö, ja̧linö. Ja̧ ö'wiyama mölejȩbe wajuwanö ö'dö̧wi̧danö ö̧'döwinö öwawijetö.

Éxodo 24:11

Ja̧danö, okobe deinö nöchajadöma Moisés, Aarón, Aarón itji̧mu̧, Israel jojodötjö la'aka luwedö Diosnö tjedijayonö tjedaja̧ mikwama lȩbebijökötö Diosma. Ja̧danö, nöchajadöma bakobe ba̧nö kwanöbi kwijadötö, ja̧danö owöbi owijadötö.

Deuteronomio 5:24

Ja̧danö ichibajadö yöka̧linaduwobe: –Moises, duluwo̧ Isabenö Jo̧ Diosma iteda ujulu, iteda inesö salöinö ujuluma ökwödönö i̧sȩbajabe, ja̧danö iteda iwene ökwölatjö ökwöobe da̧ja̧kwajabe. Babe möle edö döwaisachibajabe, Dios iwene ökwöinö jojonö yöa̧lonö, debö 'yö̧könö ina 'ya̧alena, jö̧ba̧lö.

Deuteronomio 5:26

Jau Moises, okobe deinö bö̧jȩ jojodötjö bakwo̧bi deobe, 'yaba̧lo̧ Dios yöawobe ökwöi̧ a̧ja̧kwina, ina 'yaba̧lo̧ma, jo̧kwajabetjö̧ tupakwö Dios iwene ökwöi̧ da̧ja̧kwitjö̧ma, dedemi ö'wö badibena.

Jueces 6:22

Jejenö balediökwe, Gedeonma öwaisachibinobe, —Angeldanö ichejekwo̧ Isabenö Jo̧nöda chedajabeta, —jö̧ba̧lö, ja̧danö öwaisachibajo̧, yöa̧linobe, —Isabenö Jo̧ Dios, ötjöwe, angeldanö ichejekwo̧ Isabenö Jo̧nöda chedajobetjö̧, ötjöwe, debö chi̧'yena, —jö̧ba̧lö.

Jueces 6:23

Jo̧kwaijayonö Isabenö Jo̧ma Gedeonnö yöawinobe, —Wene jwiköba, yebabökönui, ötjönö kwedajayonö, woköbökakwo̧ja, —jö̧ba̧lö.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.