Génesis 32:2 - Dios Iwene

² Jacobma jobadönö edö, Bemima Dios weawö̧ guardia jojodö ángelesdö tjujukwemi, jö̧ba̧lö jobe midijetö, Mahanaim, jö̧ba̧lö.

Génesis 32:2 Referans Kwoze

2 Samuel 2:8

Ja̧danö, Juda jojodö Davidnö la'aka tjuluwo̧ baibanö tjujunijayonö, ju'wedö israel jojodöma jelo̧ ömöayedö baibanö tjö̧jinobe. Saul ömöayedö ölakwabikwawa jojodö tjuluwo̧, Abner mikwo̧ma, Saul itji̧ Isboset mikwo̧nö öbibö, Majanayin comunidadbe i̧'yinobe,

Josué 21:38

Ja̧danö Gadsaso jojodöbi tjitea niji tjiyinobe, tjöeba̧lakwawa comunidad Ramot de Galaadbi, Majanayin comunidadbi,

Josué 5:14

Abebö a̧ja̧kwökwe, —Ötjöma ökwödötjöbi, kwöpöjojodötjöbi jojobö̧kö̧sa, ötjöma Isabenö Jo̧ ömöayedö ölakwabikwawa jojodötjö tjuluwo̧sa, ja̧danö mölejebetjö kwö̧jobekwö chichajabe, —jö̧ba̧lö atadinobe. Atadökwe, Josuema öba nijakwö öbamatinobe, ichajo̧nö ösödö, ja̧danö abebö a̧ja̧kwinobe, —Chuluwo̧, kwömöayo̧sa, weawa yöbawitjö̧, a̧ja̧kwö ja̧tobö, —jö̧ba̧lö.

Lucas 2:13

Ja̧danö, jejenö yöbawö kaatenama, juluwanö jo̧bakwö yelösöda ba̧jekwadö ju'wedö Dios ömöayedö ángelesdöbi tjöwawachibinobe, ja̧danö Diosnö ösödö baikwö yötja̧linobe:

1 Reyes 2:8

—Ja̧danö jelo̧nöbi yöta̧lakwö chitji̧: Benjaminsaso jojo Simi mikwo̧nöbi lȩkebobö ja̧kobe. Jo̧ba sulabenö ja̧ina kwo̧'wo jwikiboko chitji̧, Majanayinbe di̧'yinenama, jwiinö sulabenö yöa̧linobe ötjönö, –David, chöpöjödökwe mikwawö̧kö̧ja, Dios ökwönö lȩebobö chösöda, –jö̧ba̧lö. Absalonnö juluwajadö, yemidanö Jerusalenbe dȩwa̧jenama, Jordan ojwetjö ötjönö öbadekwajobö ichinobe, ja̧danö jejenö ichi̧tjö̧, Isabenö Jo̧ öba a'otjö jo̧banö yöbawö chujunijatö, –Ötjö Davidma la'akatjöda kwölöte'onö kwabö lotökakwo̧sa ökwönö, –jö̧ba̧lö.

Daniel 10:20

Yöta̧liökwe, ángelso̧ma yöa̧linobe: —Daniel, ¿bai edö chichaja̧ kwöwaisiji̧ tajawedö chichaja̧jö jö̧ba̧lö? Baikwö yötawakwö, Dios isabenö wene wȩyukwa'ye laebi̧ jawa ökwönö yötawobö chichajabe, ja̧danö yöbawajo̧, juluwanö tjebachajö o̧'wo̧ luwo̧ sulabo̧ Persia luwo̧kwö ölakwabikwawö chö̧jobö ja̧kobe. Ja̧danö, jo̧bakwö kwakwabakwawö katatajenama o̧'wo̧ luwo̧ sulabo̧ Grecia luwo̧ ichakobe. Ökwödö Israel jojodönö inesö te'ada̧lakwawa luwo̧ ángel Miguelma ötjönö pjaatakobe, jo̧kwaijayonö ökwödö du̧jutajada 'diinö ja̧nö tjöbeba̧lö kwakwabakwawö te'ada̧ladösa— jö̧ba̧lö yöa̧linobe ángelma.

2 Reyes 6:17

Ikenama Diosnö aebinobe Eliseoma, baikwö: —Chuluwo̧ Isabenö Jo̧, ökwönö ateba, bite chömöayo̧ öbajalebiya po̧kebobö, otiwanö edakobetjö̧, —jö̧ba̧lö. Ja̧danö, aebökwe, Isabenö Jo̧ma Eliseo ömöayo̧ öbajalebiya po̧ebinobe, ja̧danö po̧ebenama, bakwachobetenia edö, okobe jwiinö ja̧ comunidad mösa'o ba̧kwemeachibanö Dios ömöayedö ölakwabikwawadönö edinobe, ökwölatjö otikwedö kabayudönöbi, kolukiyabi. Eliseonö tjösawö tjötjeba̧lobe edinobe Eliseo ömöayo̧ma.

1 Reyes 4:14

Ido itji̧ Ajinadab mikwo̧ma, Majanayin comunidad la'aka luwo̧ ö̧jinobe.

2 Samuel 2:12

Ju'wi möle Abnerma uluwo̧ Isboset ömöayedö ölakwabikwawa jojodönö öbibö, Majanayin comunidadtjö labebö, Gabaon comunidadbe i̧'yinobe.

1 Crónicas 12:22

Mölekwena ju'wedöbi, ju'wedöbi Davidkwö babibö, ömöayedö batjibinobe. Isabenö ba̧jȩkwadö Davidkwö batjibinobe, ömöayedö ölakwabikwawa jojodöma ba̧jȩkwaso, Dios ömöayedö ölakwabikwawaso ba̧jȩkwi̧danö tjö̧ba̧jȩkwenanö.