Génesis 32:14 - Dios Iwene

¹⁴ Ja̧danö, chi̧wo̧dötjö, o̧bȩja̧dötjö̧ ya̧dönö doscientoskwena 'da̧batö junijetö. Ja̧danö, ömadönöma veintekwena 'da̧batö junijetö.

Génesis 32:14 Referans Kwoze

Diosnö ösödo̧ Job mikwo̧ usula emawina jawa 42:12

Isabenö otiwanö Jobnö iyinobe Isabenö Jo̧ma. Usula emawakwa abönö otiwanö iyinatjö bajalekwönönö, usula emawaja̧ o̧pe jwiinö otiwanö iyinobe. Jejenö otiwanö iyiökwe, obejadö catorce milbedönö ajikwinobe Jobma, ja̧danö camellodö seis milbedönö ajikwinobe, ja̧danö pakayadö dos milbedönö ajikwinobe, ja̧danö bu̧lu̧dö ya̧dönö, milbedönö ajikwinobe.

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Deuteronomio 8:18

Baikwö jweinö kwomukwataduwo jö̧ka̧laduwi̧ yötawaduwakwö chömöledö, –Otiwanö chujuna̧li̧ma chuluwo̧ Isabenö Jo̧ Diostjö ichi̧, –jö̧ba̧lö. Jau chömöledö, kwuluwo̧duwi Diosma damötjö da'dödönö yöbawö ujuninobe, ökwödönö pjaatakwa̧ma, ja̧danö jejenö yöbawö ujunina badekwachakobetjö̧, babe inesö otiwanö pjaati̧ ökwödönö pjaatobe.

1 Samuel 25:2

Ja̧danö jobe Maon comunidadnö bakwo̧ ö̧jinobe, yöne comunidad Carmeltjö niji junalo̧. Jo̧bama nöinö juna̧lo̧ ö̧jinobe, a̧jwi̧munö ba̧jȩkwadönö ujuna̧linobe, obejadötjö tres mil jenanö, ja̧danö chivodötjö mil jenanö. Ja̧danö, ja̧ möle jo̧bama ömöayedökwö a̧jwi̧mu obejadö tjöwö'ye 'wibö otidö ö̧jinobe, Carmel comunidadtjö.

Génesis 31:16

Jo̧kwaobetjö̧ baikwö domukwata: Diosma dabe'do ajwimutjö 'döbebö ökwönö iyinawö̧ma dabe'do ökwödönö umusidinawö̧. Jau, ökwödöda dajwimu, ja̧danö ditji̧mu tja̧jwimu, dabe'do ökwödönö umusidinawö̧ma. Jo̧kwabetjö̧ chilekwe, Dios wei̧danö a̧ja̧kwö dȩwa̧jo— jö̧ba̧lijadötö Jacob ilekwamuma.

Génesis 31:9

Jejenö Diosma pjaatinobe ötjönöma, kwabe'doduwi a̧jwi̧mutjö 'döbebö iyö ötjö cha̧jwi̧mu batjibanö— jö̧ba̧lijetö Jacobma i̧lȩkwa̧munö. Ina jö̧ba̧lijetö:

Génesis 30:43

Jejenö Jacobma jwiinö juna̧lo̧ babibijetö. Jo̧bama o̧bȩja̧dönö, chi̧wo̧dönö, ka̧mȩyu̧dönö, bu̧lu̧dönö, ömöayedö ömadönöbi , ya̧dönöbi ba̧jekwadönö ju̧na̧lijetö.

Génesis 31:10

—Ja̧danö, belö o̧bȩja̧dö, chi̧wo̧dö tji̧tji̧kwobe ja̧wo̧ baledena chi̧'wi̧dinö chedijatö chi̧wo̧dönö, ömadönö ya̧dönö i̧tji̧kwö tjö̧jobekwö. Ja̧danö, okobe deinö jobadö chi̧wo̧dö ömadöma, wȩyu̧wadönöda chedijatö, chi̧'wi̧dinö.

Génesis 32:13

Ikenama jenada abijadötö Jacoba, jo̧bakwö ichajadöma. Ju'wi dewachö wilubö Jacobma a̧jwi̧mutjö̧ wainö 'da̧batö junijetö, Esaúnö iyakwawö̧nö.

Génesis 32:15

Ja̧danö, ka̧mȩyu̧dö ya̧dö, tji̧tji̧munö juna̧ladönöma tji̧tji̧mukwö treintanö 'da̧batö junijetö. Ja̧danö, pa̧ka̧yö̧tjö cuarentanö ya̧dönö, dieznö ömadönö 'da̧batö junijetö. Ja̧danö, bu̧lu̧dötjö̧ veintenö ya̧dönö, dieznö ömadönö 'da̧batö junijetö.

Génesis 33:11

Jo̧kwaobetjö̧ chiyi̧ma kwemobö chösöda Diosma ötjönö lȩlö̧jinö edö pjaatajabetjö̧, nöinö juna̧lo̧ batibanö— jö̧ba̧lijetö Jacobma Esaúnöma. Jejenö dösölö̧jinö jö̧a̧lökwe emijetö Jacob iyajawö̧nöma.

Génesis 43:11

Ikenama tjabe'doma jö̧ba̧lijetö i̧tji̧munö: —Jau kwatjö̧ma, chitji̧nö kwe'ewaduwitjö̧ma kwe'ewaduwo. Jo̧kwaijayonö, kwiyaduwakwa̧ e'ewö kwi̧'yaduwo. Tu̧da'wiju okwa anibö ditebotjö otiwa jawa e'ewaduwi, la'aka luwo̧nö kwiyaduwakwa̧. Ja'yubeda wa̧yobi, ja'yubeda söinö o̧mȩwi̧bi, masibi e'ewö kwi̧'yaduwo.

Proverbios 17:8

Ja̧danö, ju'wibi yötawa: Bakwo̧ balada juna̧lo̧ma sulabenö omukwatena, A̧a̧a̧, luwo̧nö balada chiyitjö̧ma ötjö jo̧banö ateba̧li̧danö ja̧ena, jö̧ba̧lö. Isabenö, jo̧ba balada juna̧lo̧ma sulabenö omukwatö luwedönö balada iyobetjö̧, okobe jwiinö ösödi̧danö baledakobe.