Génesis 30:9 - Dios Iwene

⁹ Ja̧danö, Leama, tjo̧wi̧ tjemunö 'yatebokobe, jö̧ba̧lö, jömöayuju Zilpanö webijotö Jacobnö, jobujunö emobö Jacob jeluju ilekwo baibanö.

Génesis 30:9 Referans Kwoze

Génesis 30:4

Jo̧kwaobetjö̧ Raquelma webijotö jömöayujunö Jacobnöma, jobujunö emobö, Jacob jeluju ilekwo baibanö. Jacobma jobujunö emajo̧ ji̧jetö jobujukwö.

Génesis 30:17

Ja̧danö, Diosma Lea ajebi̧ma, jitji̧nö 'yajebobö pjaatobö a̧ja̧kwajabetjö̧ jobujuma metu'wo ji̧jotö. Ja̧danö, metu'wo ja̧juma Jacob itji̧ jelo̧nö emijotö, jobujutjö bakwamu luwo̧ baibanö 'yajebajawö̧ma.

Génesis 29:35

Jemi tupakwöma yemidanö metu'wo ji̧jotö Leama. Metu'wo ja̧ju jelo̧ jitji̧nö emijotö. Emajuma jö̧ba̧lijotö: —Babema Isabenö Jo̧ Diosnö ösödujusa— jö̧ba̧lijotö. Jejenö jö̧ba̧lö jemajökwenö midijotö Judá, jö̧ba̧lö. Jemi tupakwöma ji̧tji̧munöma 'yabebijökujutö.

Génesis 16:3

Jejenö baledijetö, Abram, Sarai domulataja o̧biya Canaánnö tjö̧ji̧ baledibajena. Ja̧ mölema Saraima iyijotö jömöayujunö Abramnö, jo̧ba ilekwo baibanö.

Génesis 30:8

Ja̧danö, Raquelma jö̧ba̧lijotö: —Ajayinö ötjökwö chöpöokwö labinö ölakwabikwawinö dö̧jajabe ichejekwa, Dios ötjönöbi chi̧tji̧munö iyobö. Babema ö'wiawinö chedokobe chöpöonö ötjöbi chi̧tji̧munö chujuna̧lobetjö̧— jö̧ba̧lijotö Raquelma. Jejenö jö̧ba̧lö jemajökwenö midijotö, Naftali, jö̧ba̧lö.

Génesis 30:10

Jemi tupakwö Zilpama, metu'wo jö̧ja̧ju emijotö Jacob itji̧nö.

Génesis 29:24

Labán ömöayuju, Zilpa mikwujunöma webijetö Lea jömöayuju baibanö.

Génesis 46:18

Jobadöma Jacob Zilpatjö itji̧mu̧, ö'dö̧dö. Zilpama Lea jabe'do Leanö iyinoko, mikwanö eminokoma. Jobujutjö, Jacob i̧tji̧mu, ö'dö̧dö okobe deinö dieciséisnö.