Génesis 30:8 - Dios Iwene

⁸ Ja̧danö, Raquelma jö̧ba̧lijotö: —Ajayinö ötjökwö chöpöokwö labinö ölakwabikwawinö dö̧jajabe ichejekwa, Dios ötjönöbi chi̧tji̧munö iyobö. Babema ö'wiawinö chedokobe chöpöonö ötjöbi chi̧tji̧munö chujuna̧lobetjö̧— jö̧ba̧lijotö Raquelma. Jejenö jö̧ba̧lö jemajökwenö midijotö, Naftali, jö̧ba̧lö.

Génesis 30:8 Referans Kwoze

Mateo 4:13

Ajayinöma Nazaret comunidadbe ȩwa̧jinobe, ikenama jobetjö labebö Capernaúm comunidadbe ja̧nö i̧'yinobe. Jobe Capernaúmma, o̧pesobu nöobu Galileasobu ö'öbö comunidad, ja̧danö Israel jojodötjö Zabulónsaso, ja̧danö Neftalísaso jojodö tjitebo.

Génesis 49:21

Ikenama Jacobma yöbawijetö itji̧ Naftalinö: —Naftali, ökwötjö tupadanö jojodöma ya̧masuju mejenö juluwanö, mebökönö ö'öba̧lujudanö ö'ötja̧lakwedö. Ja̧danö, jo̧badöma tji̧tji̧munö jwiinö otiwadönö 'yatjebakwedö— yöbawijetö Jacobma itji̧ Naftalinö.

1 Samuel 14:15

Ja̧danö kwabawö lotjiawö̧, jemi filisteo tjabemi ju̧kwadöma tjö̧bawö yetjaibinobe, ja̧danö mejenö ju̧kwadöbi tjö̧tja̧winobe, ja̧danö okobe deinö filisteo jojodö yebaibö, tjö̧tja̧winobe. Filisteo tjabemi ju̧kwadöbi, tjabelö labebö Israel jojodönö tjujuluwobö 'ya̧jadöbi tjö̧bawö yetjaibinobe. Ja̧danö Diosma niji̧bi tjö̧awobö weinobe, okobe deinö filisteo jojodö jwiinö yetjaibanö, —Dakwö ja̧dakwajö, —jö̧ba̧lö.

Deuteronomio 33:23

—Ja̧danö Neftalisaso jojodönö baikwö yöta̧la: Isabenö Jo̧ otiwanö pjaatawö̧, Neftalisaso jojodönö. Jobadönö dösölöjinö ösödo̧ Isabenö Jo̧ma, ja̧danö tjitebo tjemakwa̧ nijima, Galilea o̧pesobu nijibi, jemi a̧li̧kwö nijibi tjemakwedö.

Éxodo 9:28

¡Ayö, Isabenö Jo̧ ökwödönö lȩebi̧ma do̧'wo 'dibachibö dö̧jökenanö. Abebinö tjoduwi̧bi, böbanöbi weökönö. Kaatakwawena wetocha betjö lakebaduwobö, benada Egiptonö kwö̧jaduwokobö— jö̧ba̧lijetö faraónma.

Génesis 46:24

Jacob ikena itji̧, Bilhatjö itji̧ma Neftalí. Neftalí i̧tji̧mu ömadöma bidö: Jahzeel, Guni, Jezer, Silem.

Génesis 35:25

Ja̧danö, Raquel jömöayuju Bilha mikwujutjö i̧tji̧muma bidö: Abönö pöe Dan, ikena luwo̧ Naftali.

Génesis 23:6

—Duluwo̧ a̧ja̧kwi, ökwönö, juluwo̧ la'aka luwo̧, jö̧ba̧lö, otiwanö dedökweja. Bemi, i̧lȩdo̧ jemitjö̧ o̧penönö otiwemi kwödojö kwilekwonöma. Ökwödötjö bakwo̧bi dea, i̧lȩdo̧ chiyökö jo̧banö, jö̧ba̧lo̧ma— atadijadötö.

Génesis 30:7

Ja̧danö, Bilhama jemi tupakwöma yemidanö metu'wo ji̧jotö. Metu'wo ja̧ju jelo̧nö emijotö, Jacobtjö ikena itji̧nö.

Génesis 30:9

Ja̧danö, Leama, tjo̧wi̧ tjemunö 'yatebokobe, jö̧ba̧lö, jömöayuju Zilpanö webijotö Jacobnö, jobujunö emobö Jacob jeluju ilekwo baibanö.