Génesis 30:4 - Dios Iwene

⁴ Jo̧kwaobetjö̧ Raquelma webijotö jömöayujunö Jacobnöma, jobujunö emobö, Jacob jeluju ilekwo baibanö. Jacobma jobujunö emajo̧ ji̧jetö jobujukwö.

Génesis 30:4 Referans Kwoze

2 Samuel 12:11

Tupakwö yöawinobe Natanma, Davidnö: —Jau David, isabenö wene ja̧kobe bemi tupakwöma, baikwö laebobe Isabenö Jo̧ ökwönö yöawi̧ma: –Isabenö yö̧ne kwömöledötjö wene baibobö wetocha David, ja̧danö kwilekwamunö 'döbebö, jelo̧ kwömöledöso̧nö chiyocha, ja̧danö jo̧bama waapji ö̧jakobe kwilekwamukwö, kwömöayedöbi, ökwöbi baledi̧ kwöwaisaduwinö.

Génesis 35:22

Jobe ja̧nö, Israel itji̧ Rubénma abe'do ömöayuju, ilekwonö eminoko Bilha mikwujukwö ji̧jetö., Ja̧danö, Israelma ju'wedö yötjawi̧ a̧ja̧kwijetö, kwitji̧ sulabenö ja̧ajabe kwilekwokwö, jö̧ba̧lö yötjawi̧ma. Baikwö laebobe Jacob i̧tji̧mu̧ ömadö a̧li̧nösamutjö̧ dujutajanö tjimibiya:

Génesis 33:2

Ja̧danö, ömöayedönö tji̧tji̧mukwö webijetö abönö tjöjamatobö. Jobadö tjö̧kömanö Leanö ji̧tji̧mukwö jöjamatobö webijetö. Ja̧danö Raquelnö ö̧kömabe jöjamatobö webijetö jitji̧ Josékwö.

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Génesis 25:1

Abrahamma jeluju ilekwonö emijetö, Cetura mikwujunö.

Génesis 22:24

Jeluju ilekwo, Reúma mikwujuma bidönö ö'wejemu luwanö 'yabebijotö: Tebanö, Gahamnö, Tahasnö, Maacanö.

Génesis 21:10

Jo̧kwaioko Sarama Abrahamnö webijotö: —Chilekwe, a'dewö lobi chömöayujunöma, jitji̧kwöda. Chöpöjöda jitji̧ma ö'wö bakibaja̧ okobe ökwö kwitea kwujunibi̧tjö emoböma. Chitji̧ Isaacda ökwö kwiteaja̧ma emakwo̧— jö̧ba̧lijotö.

Génesis 16:2

Ja̧danö, Sarai tjemu dejobetjö̧ Abramnö jö̧ba̧lijotö: —Abram, Isabenö Jo̧ Diosma tjemunö iyokokosa. Jo̧kwaobetjö̧ ötjö chömöayujukwö ja̧wi, jobujutjö kwi̧tji̧munö, ötjö chi̧tji̧mudanö baibanö chöbötjatocha— jö̧ja̧liökwe jejenö, Sarai weji̧danö a̧ja̧kwijetö Abramma.

Génesis 30:5

Jemi tupakwöma jobuju Bilhama metu'wo ji̧jotö. Metu'wo ja̧juma Jacob itji̧nö emijotö.

Génesis 29:29

Ja̧danö, ömöayujunöbi, Bilha mikwujunö webijetö Labánma, Raquel jömöayuju baibanö.

Génesis 46:25

Jobadö okobe deinö Jacob Bilhatjö i̧tji̧mu, ö̧'dö̧dö sietenö. Ja̧danö Bilhama Raquel jömöayuju, jabe'do Raquelnö iyinoko.