Génesis 3:5 - Dios Iwene

⁵ Diosma öwaisa jowitjö kukwaduwitjöma otiwi̧bi sulabebi kwöwaisachibaduwakwedöja. Babema Diosda otiwi̧bi sulabebi̧ waiso̧ma. Jo̧kwaijayonö jowitjö kukwaduwitjöma ökwödöbi jejenö Dios öwaisi̧danö kwöwaisaduwakwedöja— jö̧ba̧lijetö a̧ko'dama.

Génesis 3:5 Referans Kwoze

2 Tesalonicenses 2:4

Jo̧ba Awetja ömöayo̧ma okobe deinö diosbedö ötjabiwö̧nö, ja̧danö okobe deinö jojodö tjösödawö̧nö öpöjödakwo̧, Jobadönötjö bajalekwönönö jo̧sa, jö̧ba̧lö. Ja̧danö, ju'wibi Dios weineju okwa tebachibö, öbamatakwo̧, Ötjödasa Diosma, jö̧ba̧lö.

2 Corintios 4:4

Jau chömöledö, yödawi̧ma isabenö öwawinö yödawobe, jo̧kwaijayonö öpöjödadöma böjȩ jojodö tjösödökwe Awetja omöna yöa̧li̧ tjösödobetjö̧ yödawi̧ tjöpöjödobe chömöledö. Jau chömöledö, wanedö yötawa: Awetjama jobadönö ja̧obe, tjomukwati̧nö yȩa'wo okwa tjö̧ji̧danö tjomukwatobö, otiwa jawa wene dejati̧ tjedapji jö̧ba̧lö. Jau chömöledö, Duluwo̧ Cristoma iteda Abe'do Diosdanö bakwainö jo̧, ja̧danö jojodönö salöinö idejatobö ösödo̧, jo̧banö ösödö tjö̧jibakobetjö̧. Jo̧ba salöinö idejati̧ wene otiwa jawa weneda yödawobe jojodönö chömöledö, jo̧kwaijayonö ja̧ salöinö dejati̧ tjedapji jö̧ba̧lö, Awetjama öpöjödadönö omöna yöa̧lobe.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

Mateo 6:23

jo̧kwaijayonö, kwöbajaleduwi sulitjö̧ma, okobe jwiinö kwiteba'oduwima yȩa'wo okwa jo̧bedanö ichejekwa, ¿jö̧tö? Ja̧danö chömöledö, Aaa, otiwanö edadösa jö̧ba̧lö kwomukwataduwijayonö sulabenö kwedaduwitjö̧ma, yȩa'wo okwa kwö̧jaduwi̧ma isabenö jwiinö yȩobe— jö̧ba̧lö yöawinobe.

Génesis 3:22

Ikenama Isabenö Jo̧ Diosma jö̧ba̧lijetö: —Iso̧, isuju waisachibakwawa towitjö tjukwajabetjö̧ otiwi̧bi sulabebi tjöwaisachibajabe, ökwödö döwaisi̧danö. Babema ja̧kwawa towi wa̧ji̧tjöbi tjukwitjö̧ma sulena, ba̧kwelöjatebö tjö̧jakwedö batjibanö. Jo̧kwaobetjö̧ jowitjö tjukwapji jö̧ba̧lö a'dewö lododönö, ba̧kwelö̧jatebö tjö̧jokobö— jö̧ba̧lijetö.

Génesis 3:10

—Chuju̧kwawajabe. Batjo ö'öbö kwichobe a̧ja̧kwö yetaibatö, cha̧do̧ jwibö chö̧jobetjö̧. Jo̧kwaobetjö̧ chujukwawatö— atadökwe:

Génesis 3:7

Ikenama waisachibijadötö tja̧di̧ju jwibö tjö̧jajabema. Jo̧kwayiawö̧ higuera towi öjiyatjö tja̧do̧danö di̧'yakwabinö a̧du̧kwijadötö, tjötabakwawobetjö̧.

Apocalipsis 13:14

Ja̧danö, Diosma jejenö i̧sebobö kaatibokobetjö̧, jo̧ba, böjȩ teebetjö labebajo̧ma, ojwe okwatjö labebajo̧ öba a'o ja̧nö, ujulu i̧sebobe chedijatö. Jejenö ujulu i̧sebiawö̧ jo̧ba omöna yöa̧li̧ ösödö, jojodöma jo̧ba wei̧ a̧ja̧kwö ju̧kwadö. Ja̧danö, ojwe okwatjö labebajo̧ o̧'wo̧ jawa tjotidobö webo̧ kwölöte'onö dȩawatjö̧ woachibajökwe o̧'wo̧ jawama.

Apocalipsis 13:4

Ja̧danö, jobadöma toba'dadanöso̧nöbi nöinö ösödadö, ojwe okwatjö labebajo̧nö iteda ujulu iyiawö̧, la'aka luwo̧ baibanö. Ja̧danö, ojwe okwatjö labebajo̧nöma edö, ¡Ayö! Bitema jwiinö juluwo̧, jo̧badanö juluwo̧ma deobe, jö̧ba̧lö, tjösödobe chedijatö. Ja̧danö, ¿Tida jo̧banötjö o̧penönö juluwo̧ma? ¿Tida jo̧banö kwabö lobo̧ma? ¿Tida jo̧banö ujuluwakwo̧ma? Deobe, jö̧ba̧lö, ojwe okwatjö labebajo̧nö tjösödobe chedijatö.

Daniel 4:30

Ja̧danö, edö, yöa̧linobe itedada, isabenö biya̧ inesö otiwobe comunidad Babiloniama, ötjöda otiwanö chotidajabe, yöbawö weti̧ comunidad baibanö. Ötjöda chujulunö otiwanö chotidajabe, chujulu otiwanö öwawobö, okobe deinö edö ötjönö tjöwaisobö, Nabucodonosorma isabenö jwiinö juluwo̧ jö̧ba̧lö, yöa̧linobe Nabucodonosorma itedada.

Isaías 14:14

Jau, ojwiyo o'wiju möemitjö bajalekwönönö katekwakwo̧sa, ja̧danö Okobe Jwiinö Juluwo̧ Diosdanö batibanö ja̧takwo̧sa, –jö̧ba̧lö yöka̧linobe.

1 Reyes 22:6

Aebökwe, israel la'aka luwo̧ Acabma Dios yöawi̧ yöbawadönö o̧ko̧kodinobe, cuatro cientos jenanö ba̧jȩkwadö yöbawadönö. Ko̧ko̧dajo̧, jobadönö abebö a̧ja̧kwinobe: —Dakwö weobeda Diosma, Ramot Galaadbe ölakwabikwawö chi̧'yobö jo̧beji̧? Ölakwabikwawö chi̧'yobö jwiobeji̧? —jö̧ba̧lö. Abebö a̧ja̧kwawö̧, —Jau, ölakwabikwawö kwi̧'yo, ja̧danö duluwo̧ Diosma ökwö la'aka duluwo̧ kwujuluwobö pjaatakwo̧, —jö̧ba̧lö tjatadinobe.

Éxodo 20:7

Ja̧danö, ju'wibi wetaduwakwö: Ötjö chimima sulabenö omukwatö yöka̧laduwoko, ötjöma Isabenö Jo̧chobetjö̧, ökwödö Kwösödaduwökwe Dioschobetjö̧. Ötjö chimi sulabenö omukwatö yöba̧lo̧nö lȩtebakwo̧sa.

Éxodo 5:2

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Daniel 6:7

Ökwödö okobe deinö yöbawö weköbena ju̧kwadö presidentebedöbi, gobernadorbedöbi bakobe omukwatö dujunajabe, otiwanö jojodönö weköbakwa̧ma. Isabenö otiwo̧ duluwo̧ja, diosdanöbo̧ja duluwo̧. Jo̧kwajabetjö̧ diosdanöbo̧ kwö̧jobetjö̧, isabenö ökwönöda tjo̧'wo̧ wana̧lö atjebobö jo̧be, treinta möle baledibanö. Jo̧kwajabetjö̧ jojodönö weawa kwiwȩyudo baikwö: Diosbedötjö bakwo̧nöbi, jojodötjö bakwo̧nöbi jojodö atjebobö jwiobe, sule inesö la'aka luwo̧ Daríonöda tjo̧'wo̧ wana̧lö atjebobö jo̧be treinta möle baledibanö. Ja̧danö bakwo̧ jelo̧nö o̧'wo̧ wana̧lö aebitjö̧ma, didibadö tja̧jaju i̧lȩdo̧nö jabö lotjakwo̧ jö̧ba̧lö kwiwȩyudo duluwo̧.

Génesis 2:9

Ja̧danö, Isabenö Jo̧ Diosma towibiya okobe jwiinö ju'wiowibi, ju'wiowibi, otiwi̧owibiya, ja̧danö wa̧ji̧ kwakwawanö o̧ti̧owibiya pokwobö ja̧bijetö. Ja̧danö ja̧yu ö'wejenö bakwowi, ja̧kwawa towi ji̧jetö. Jowitjö kwadöma ba̧kwelöjatebö tjuju̧kwakwedö. Ja̧danö, jelowibi ji̧jetö jayu ö'wejenö, otiwi̧bi sulabebi waisachibakwawa towima. Jowitjö kwadöma otiwi̧bi sulabebi̧ tjöwaisachibakwedö.