Génesis 3:20 - Dios Iwene

²⁰ Ikenama Adánma midijetö ilekwonö, Eva, jö̧ba̧lö, okobe deinö böjȩ ba̧kwemeachibanö ju̧kwadö la'aka tjojo'doobetjö̧

Génesis 3:20 Referans Kwoze

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

Génesis 2:23

Ja̧danö, jojoma isujunö edinö jö̧ba̧lijetö: —Bisuma ötjö chiwe'ijudanö, chitebiyadanö ichejekwuju. Ja̧danö, isuju, jö̧ba̧lö ötjabikwuju iso̧tjö otikwujuja̧tjö— jö̧ba̧lijetö jojoma.

Génesis 5:29

Jo̧ba itji̧nö midijetö Noé, jö̧ba̧lö. Ja̧ imi, Noé jö̧ba̧löma baikwö wanekwachobe: Bitema ökwödönö pjaatakwo̧. Jo̧bama bemi niji, Isabenö Jo̧ leebinemi labinö dotodi̧tjö dö'wachobö pjaatakwo̧, jö̧ba̧lö. Jejenö jö̧ba̧lö, wanekwachobe ja imi, Noé jö̧ba̧löma.

Génesis 2:20

Jojoda okobe deinö a̧ji̧kwakwawedönöbi, mö köba̧lö ju̧kwadönöbi, tebonö ju̧kwadönöbi, mejenö ju̧kwadönöbi midijetö. Jo̧kwaijayonö okobe deinö imidajawö̧tjöma bakwujubi debijotö, itedadanö ichejekwuju, ja̧danö jo̧banö pjabatujuma.

Hechos 17:26

Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

1 Samuel 1:20

ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.

Éxodo 2:10

Ju'winö tjemuma tjo̧wi̧ pöe baibajenama ojo'doma faraón itjijunö iyö 'yi̧jotö jo̧banö, faraón itjiju jitji̧ baibanö. Faraón itjijuma midijotö tjemunö, Moisés, jö̧ba̧lö, ojwetjö tötebajökwe, jö̧ba̧lö.

Génesis 35:18

Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Génesis 16:11

Yötawakwö. Ökwöma metu'wo jujuja. Ja̧danö, kwitji̧nö kwemakwujuja, Ismael, jö̧ba̧lö kwimidakwo̧nöma. Agar, Isabenö Jo̧ Diosma usula emawö kwubudekwi̧ a̧ja̧kwobetjö̧ jejenö kwimidakobe kwitji̧nö, Ismael jö̧ba̧lö.

1 Timoteo 2:13

Jau Timoteo, baikwö labebö lobö yötawa. Diosma abönö Adánnö otidinobe, ikenama, jo̧banö otidaja̧ ikena, jojosujunö Evanö otidinobe, ¿jö̧tö? Ja̧danö, jejenöobetjö̧, ya̧dö 'wi̧inö banö tja̧ja̧kwa̧lobö jo̧be.

Génesis 3:21

Ikenama Isabenö Jo̧ Diosma otidijetö tebo luwo̧ isȩdo̧tjö Adánbi ilekwobi tjökamisi baibanö. Otidajo̧ jobadönö 'dubatijetö.