Génesis 3:12 - Dios Iwene

¹² —Isuju. Ötjökwö jö̧jobö kwiyinoko jowinö wa̧ji̧tjö 'döbebö jiyitjö̧ chukwatö— jö̧ba̧lijetö iso̧ma.

Génesis 3:12 Referans Kwoze

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Romanos 10:3

Jau chömöledö, Dios öba a'otjö sulabe jwibadö batjibobö tjisakwijayonö, Dios ja̧i̧ma wajwibadö, jojodö sulabe jwibadö batjibobö ja̧i̧ma. Ja̧danö, ja̧ wajwibö, Dioskwö tjichibobö isakwadö, idöda ja̧tji̧da, idöda tjujulunöda. Ja̧danö, idöda tjujulunöda ja̧bö tjisakwobema, Dios jojodö sulabe jwibadö batjibobö ja̧i̧ma tjöpöjödobe chömöledö.

Diosnö ösödo̧ Job mikwo̧ usula emawina jawa 31:33

—Ju'wibi, jojodö ja̧biatji̧danö, sulabenö ja̧bajo̧, sulabenö jataja̧ tojö chujuninatjö̧ma Dios lȩebobö jȩna. Jau, jojodönö yebabinö omukwatö, –Jojodö sulabenö ja̧taja̧ tjöwaisitjö̧ma tjö̧dameakwena, chömöledö ötjönö tjöpöjödachibapji jö̧ba̧lö, 'wiinö ja̧nö, chejutjö labebökönö, yöbawökönö sulabenö jataja̧ chotojocha, –jö̧ba̧lö, sulabenö ja̧tijayonö, sulabenö ja̧bö̧kö̧sa i̧sebö chö̧jinatjö̧ma, Dios lȩebobö jȩna.

Lucas 10:29

Jo̧ba Moisés iwȩyudina ba̧ja̧do̧ma öwaisinobe, okobe deinö jojodönö ösödö̧kö̧sa jö̧ba̧lö. Jo̧kwaijayonö ju'wedönö öpöjödijayonö, omukwatinobe, jobadönö chöpöjödi̧ma sulökö, ötjö chömöledötjokobetjö̧ jö̧ba̧lö. Jejenö omukwatö, Jesúsnö abebö a̧ja̧kwinobe: —Chömöledöso̧nö chösödobö jo̧be jö̧ba̧lö laebi̧ma, ¿ditenö wanekwachobeda? ¿Didönö chösödobö wanekwachobeda? Okobe deinö jojodönö chösödobö laebokobe, ¿jö̧tö?— jö̧ba̧lö.

Proverbios 19:3

Ja̧danö, ju'wibi yötawa: Isabenö, bakwo̧ jweinö omukwatökönö ö̧jobetjö̧ itedada wene jwöbekwo̧. Jobekwö jo̧banö wene nöinö baledena iteda jawaijayonö Isabenö Jo̧nöda o'wo̧ sulinö edö labinö jwöbeba̧lo̧, ökwöda jawa, jö̧ba̧lö.

Génesis 2:18

Jemi ikenama: —Chedemi otiwökö iso̧ jo̧dawa'ye öjoböma. Jo̧kwaobetjö̧ chotidakwo̧sa pjajatakwujunö, itedadanö ichejekwujunö— jö̧ba̧lijetö Isabenö Jo̧ Diosma.

Génesis 2:22

Jö'i ometupasö'itjö Isabenö Jo̧ Diosma otidijetö isujunöma. Ikenama jobujunö isujunöma iyijetö iso̧nö.

Génesis 2:20

Jojoda okobe deinö a̧ji̧kwakwawedönöbi, mö köba̧lö ju̧kwadönöbi, tebonö ju̧kwadönöbi, mejenö ju̧kwadönöbi midijetö. Jo̧kwaijayonö okobe deinö imidajawö̧tjöma bakwujubi debijotö, itedadanö ichejekwuju, ja̧danö jo̧banö pjabatujuma.

Génesis 3:11

—¿Ti öba̧jadaja̧da ökwönöma kwa̧do̧ jwibö kwö̧ja jö̧ba̧löma? Kwukwoko jö̧ta̧linowitjö ¿kukwaji̧?— Isabenö Jo̧ Diosma abebö a̧ja̧kwökwe:

1 Samuel 15:15

Aebökwe, —Aaa, jobadö jwöbadöma jojodö kwabö juwö Diosnö tjiyakwawö̧. Jojodöma jobadönö amalecita jojodötjö 'döbebö tjichejebajabe. Obejadötjöbi, pa̧kayadötjöbi sule inesö otiwadönöda 'dötjebajabe, Kwösödökwe Isabenö Jo̧ Diosnö ösödö, kwabö juwö tjiyakobetjö̧. Ja̧danö ju'wedö Diosnö tjiyobö mikwawöködönö okobe deinö kwabawö lodajabe, —jö̧ba̧lö atadinobe Saulma.