Génesis 29:3 - Dios Iwene

³ Ja̧danö, okobe deinö jobe ju̧kwadö tja̧jwi̧munö te'ada̧lakwawa jojodöma okobe deinö tjichibajena bakobe ja̧nö pjabatakwawö je'do a'onö inawa nöawa muchekwawama pjolatö lödiabijadötö. Pjolatö lödajadö ojwiyo wabö ojwiabijadötö tja̧jwi̧munö. Ja̧danö, owö katjatena inawama yemidanö muchebiabijadötö.

Génesis 29:3 Referans Kwoze

Génesis 29:2

Mejenö 'ya̧nö, ojwese'do jo̧be, jö̧ba̧lö edijetö. Je'do ö'öböma o̧bȩja̧döbi, chi̧wo̧döbi ba̧jijadötö, te'ada̧lakwawa jojodö wa̧medukwa tja̧jwi̧mukwena. Ja̧ mölema baikwö balediaijetö: Je'do jo̧bekwö okobe deinö o̧bȩja̧dönö, chi̧wo̧dönö öbibö 'yi̧abijadötö ojwiyo tjowobö. Ja̧danö, je'do a'onö inawa nöawa muchebiabijadötö.

Génesis 29:4

Ja̧danö, Jacobma jobekwö 'ya̧wibö abebö a̧ja̧kwijetö te'ada̧lakwawa jojodönöma: —Chömöledö, ökwödöma ¿dai jojodököbaduwa?— abebö a̧ja̧kwawö̧: —Ökwödöma Harán jojodösa— atadijadötö.

Éxodo 2:17

Ja̧danö, tjichajabe ökömanö ju'wedö o̧bȩja̧dönö te'ada̧ladöma ichijadötö. Jobadöma idöda tjite'ada̧lawö̧ abönö tjowobö a̧'dȩlijadötö, Reuel i̧tji̧munö jelöma a'dewö lobö. Ja̧danö, jobadönö jelöma a'dewö lotjiökwe a̧laibö pjabatijetö Moisésma, Reuel i̧tji̧munöma, idöda o̧bȩja̧dönö wabö iyö.

Jueces 5:11

Ojwe se'dotjö ko̧ko̧kwadö lo̧tji̧ a̧ja̧kwaduwi, jobadöma Isabenö Jo̧ otiwanö pjaatina jawa lo̧tjobe, iteda ömöledö israel jojodö pjei̧ comunidadnö ju̧kwadö tjujuluwobö pjaatina jawama. Isabenö Jo̧ ömöledö israel jojodöma, ditebo comunidad apjudebe kwebachö, ökwödönö jwötjinobe,

Génesis 29:8

—Ina dojwökö okobe deinö te'ada̧ladö tja̧jwi̧mukwö tjichibenanö kabatö. Tjichibena bakobe pjabatakwawö inawa pjolatö junö ojwiyo wabö dojwakobe da̧jwi̧munö— jö̧ba̧lijadötö.