Génesis 27:4 - Dios Iwene

⁴ Ja̧danö, 'bököbajökwenöma söinö, ötjö chukwobö chösödi̧danö tobibö kwichejebo chukwo. Ja̧danö, chukwaja̧ ikena Dios dösölö̧jinö edö pjaatakwa̧ ökwönö chujunocha. Chitji̧, wotakwa̧ abönö jejenö chujunobö jö̧ta̧la ökwönö— jö̧ba̧lijetö.

Génesis 27:4 Referans Kwoze

Hebreos 11:20

Ja̧danö da'dömine Isaacma, Diosnö o̧'wo̧ wana̧lö ö̧jobetjö̧, i̧tji̧mu Jacobnö, Esaunö ju'winö baledakwa̧ wene yöawinobe, Diosma isabenö ökwönö pjaatakwo̧, jö̧ba̧lö.

Génesis 48:9

—Ötjö chi̧tji̧mu, Dios ötjönö iyinawö̧ bena Egiptonö chö̧jena— atadijetö Joséma. Ja̧danö, Jacobma jö̧ba̧lijetö Josénö: —Chö̧bobekwö yö̧ne ichejebidönö, Dios dösölö̧jinö edö pjaatakwa̧ chujunodönö— jö̧ba̧lijetö.

Génesis 49:28

Jobadö Jacob i̧tji̧muma Israel jojodö abönö ji̧nadö. Jacobma jobadönö yöbawijetö bakwo̧nökwena Dios pjaatakwa̧bi Dios lȩebakwa̧bi, bakwo̧nökwena tjemo jö̧tja̧li̧danö. Jejenö Jacobma woakwa̧ abönö yöbawijetö i̧tji̧munö, bakwo̧nökwena.

Génesis 27:25

Ikenama Isaacma abebijetö Jacobnö: —Chitji̧, kwakwawa iyitjö, 'bököbajökwenö chukwo. Ikenama Dios otiwanö kwö̧jobö ösödinö pjaatakwa̧ jawa chujunocha— abebijetö. Jo̧kwaobetjö̧ Jacobma ojo'do tojaja̧ iyijetö abe'donö. Ubasobu o̧'do̧bubi iyijetö owobö.

Lucas 24:51

Ja̧danö, ina Diosnö aebonö, tjö̧jelötjö labebö mölejȩbe kaekwajinobe.

Lucas 2:34

Jemi ikenama Simeonma Diosnö aebinobe, jobadönö pjaatobö, ja̧danö tjemu ojo'do Maríanö yöawinobe baikwö: —Bite tjemuma Dios 'da̧batö ujuninökwe, Israel jojodötjö ba̧jekwadö jo̧banö öpöjödö mebö metjakobetjö̧, ja̧danö ju'wedö jo̧banö ösödö tjo̧'wo̧ ösöwachibakobetjö̧. Jojodönö i̧sebotö jö̧ba̧lö Dios weinökwe bitema, jo̧kwaijayonö ba̧jekwadö jo̧banö tjöpöjödakobe.

Josué 22:6

Jejenö webö, Josuema Diosnö aebinobe jobadönö, ja̧danö Jordan bakwachödö tjitebobe tjȩwa̧jobö weinobe, ja̧danö weawö̧, tjejukwena tjȩwa̧jinobe.

Josué 14:13

Jejenö aebökwe, Josuema Diosnö aebinobe, Calebnö pjaatobö, ja̧danö Caleb aebaja̧danö iyinobe, —Hebron comunidadma Jefone itji̧ Calebnö wetobe itebo baibanö, Dios Calebnö chiyocha jö̧a̧lina badekwachinö, —jö̧ba̧lö.

Génesis 27:7

Mejebe 'bököbajo söinö tobajo̧ kwichejebiotjö chukwo. Wotakwa̧ abönö Isabenö Jo̧ Dios ökwönö dösölö̧jinö edö pjaatakwa̧ chujunocha ökwönö. Jejenö yöa̧latö kwabe'doma kwöpöenöma.

Génesis 28:3

Ikenama Isaacma Jacobnö Dios dösölö̧jinö pjaatakwa̧ jawa yöba̧lö junijetö: —Jwiinö Juluwo̧ Diosma kwi̧tji̧munö ba̧jekwadö 'yakebobö, ja̧danö ökwötjö tupadanö jojodöma tjöba̧jekwachobö dösölö̧jinö edö pjaatakobe. Jejenö ökwötjö tupadanö jojodöma ba̧jekwadö tjuju̧kwakwedö tjitebokwenia.

Génesis 27:31

Jo̧bama ȩwa̧jö, 'böajökwenö söinö tobajo̧ kwakwawa e'ewö 'yi̧jetö abe'do ö̧jobekwö. Ichibö jwöbijetö : —Chabe'do 'bötajökwenö kukwo bamati, kukwaja̧ ikena Dios ötjönö dösölö̧jinö edö pjaatakwa̧ma kwujunobö— jwöbijetö.

Génesis 27:27

Jacobma abe'do ö̧jobekwö yö̧ne 'ya̧wibö du̧batijetö abe'donöma. Ja̧danö, Isaacma itji̧ Esaú ö̧kamijido̧danö omewiökwe, Isabenö bitema chitji̧ abönö pöe, jö̧ba̧lö, Isabenö Jo̧ Dios dösölö̧jinö edö pjaatakwa̧ junijetö Jacobnöda. Baikwö yöba̧lö junijetö: Isabenö ötjö chitji̧ma omewi̧nö otiwanö 'dö̧bekwo̧. Duluwo̧ Dios otiwanö pokwobö pjaatinayu batjodanö 'dö̧bekwo̧.

Génesis 27:23

Isaacma wajwibijetö Jacob ö̧ji̧ma, ömamubi öwö'ye lo̧obetjö̧, bitema isabenö Esaú, jö̧ba̧lö. Jo̧kwaobetjö̧ omukwatijetö Jacobma, chitji̧ abönö pöenö Dios dösölö̧jinö edö pjaatakwa̧ chujunena, jö̧ba̧lö.

Génesis 24:60

Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

Génesis 27:5

Ja̧danö, Isaac ilekwo Rebecama jejenö Isaac Esaúnö yöa̧li̧ ju̧kwawö a̧ja̧kwa̧lijotö. Jo̧kwaobetjö̧ Esaú pjuawa 'böbö i̧'yajabe okobetjö

Génesis 27:9

Chi̧wo̧dö tjuju̧kwobekwö 'ya̧wi du̧ju̧tajanö otiwanö möayedönö kwemo. Kwemajawö̧nö kwichejebo söinö toto kwabe'do ösödi̧danö.

Génesis 27:14

Jejenö wejökwe 'ya̧jo̧ chi̧wo̧dönö emö ichejebijetö ojo'do jö̧jobekwö. Ja̧danö, jobujuma söinö tobijotö jilekwe ösödi̧danö.

Génesis 27:17

Ja̧danö, söinö tojaja̧bi, panbi iyijotö jitji̧ Jacobnö, abe'do ö̧jobekwö e'ewobö.

Génesis 27:19

—Ötjöma Esaúsa, ökwö kwitji̧ abönö pöesa. Ökwö weköbajökwenöma 'bötajabe. A̧laibö bamati kukwo 'bötajökwenö. Kukwaja̧ ikena Dios ötjönö dösölö̧jinö edö pjaatakwa̧ yöka̧lo— jö̧ba̧lijetö.