Génesis 27:33 - Dios Iwene

³³ Isaacma labinö tjö̧bawö jö̧ba̧lijetö: —Jo̧kwabetjö̧ ¿tida jo̧da 'böajökwenö söinö tobajo̧ ichejebajo̧ma? Jo̧ba ichejebaja̧ okobe jwiinö chukwatö kwichakwa̧ abönö. Kwanö kabatö chujunaja̧nötö Isabenö Jo̧ Dios jo̧banö dösölö̧jinö edö pjaatakwa̧ma. Isabenö, jo̧banö yöba̧lö chujunaja̧danö baledakobe jo̧banöma— jö̧ba̧lijetö Isaacma itji̧ abönö pöenö, Esaúnöma.

Génesis 27:33 Referans Kwoze

Romanos 11:29

Jau chömöledö, Diosma, Chiyocha jö̧a̧litjö̧ma jö̧a̧li̧danö iyo̧. Ja̧danö, Omudawö chujuna jö̧a̧litjö̧ma, omudawö juno̧, jö̧a̧li̧danö ja̧bo̧ Diosma.

Hebreos 11:20

Ja̧danö da'dömine Isaacma, Diosnö o̧'wo̧ wana̧lö ö̧jobetjö̧, i̧tji̧mu Jacobnö, Esaunö ju'winö baledakwa̧ wene yöawinobe, Diosma isabenö ökwönö pjaatakwo̧, jö̧ba̧lö.

Efesios 1:3

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.

Juan 10:10

Ja̧danö, naukwabo̧ma sulabenö ja̧oböda icho̧, o̧bȩja̧dönö önaukwoböbi, kwabö looböbi, jwiinö söbebö looböbi. Jo̧kwaijayonö ötjöma naukwabo̧ sulabenö ja̧oböda ichi̧danöma chichinokobe böjȩnö ju̧kwadö jojodönöma. Jojodö ba̧kwȩlö̧jatebö tjö̧ji̧ chiyobö chichijatö. Ja̧danö, jojodö jwiinö otiwanö tjuju̧kwobö chichijatö ötjöma— yöawinobe Jesúsma.

Diosnö ösödo̧ Job mikwo̧ usula emawina jawa 37:1

Tupakwö yöa̧linobe Eliuma: Böba ökwöi̧ a̧ja̧kwö, chomajade tjö̧awobe, ja̧danö chomajadema labinö döobe.

Diosnö ösödo̧ Job mikwo̧ usula emawina jawa 21:6

Jau chömöledö, isabenö yetjaibanö baledökwesa, ötjöbi chöbaledi̧ jawa omukwatö, jwiinö yebabinö jo̧sa, yebabinö omukwatö tjö̧bawo̧sa.

Génesis 25:23

Ja̧danö, ajebökwe labebö lobö yöbawijetö Isabenö Jo̧ Diosma: —Kukwa'wo okwama du̧ju̧taja tjemu tja̧jobe. Jobadöma, bakwo̧nökwena tjöwanekwachobe jobadötjö tupadanö jojodöma, wainökwena tjitebotenia tjuju̧kwakwedö. Jobadö kwi̧tji̧mutjö tupadanö jojodöma tjöpöjojodö batjibanö tjuju̧kwakwedö. Ja̧danö abönö pöetjö tupadanö jojodöma tjujuluwökakwedö, ö̧jawo̧tjö tupadanö jojodöda tjujuluwakwedö. Jejenöobetjö̧ abönö pöetjö tupadanö jojodöma ö̧jawo̧tjö tupadanö jojodö wetji̧da a̧ja̧kwö tjö̧jakwedö— jejenö Isabenö Jo̧ Diosma labebö lobö yöbawijetö Rebecanöma, ji̧tji̧mu̧ jukwa'wo okwa a̧jö labinö tju̧ku̧tja̧li̧ tjöwanekwachi̧ma.

Génesis 27:35

—Kwöjawo̧ma kwoma'a o̧pekwönö ichajabe Dios ökwönö dösölö̧jinö edö pjaatakwa̧ naukwö— jö̧ba̧lijetö.

Génesis 28:1

Ikenama, Isaacma jwöbijetö Jacobnö ichobö. Ichajo̧nö, Dios pjaatakwo̧, jö̧ba̧lö, baikwö webijetö: —Jacob, a̧ja̧kwitjö. Kwilekwonö bemi Canaán ya̧dötjö akeboko.