Génesis 27:27 - Dios Iwene

²⁷ Jacobma abe'do ö̧jobekwö yö̧ne 'ya̧wibö du̧batijetö abe'donöma. Ja̧danö, Isaacma itji̧ Esaú ö̧kamijido̧danö omewiökwe, Isabenö bitema chitji̧ abönö pöe, jö̧ba̧lö, Isabenö Jo̧ Dios dösölö̧jinö edö pjaatakwa̧ junijetö Jacobnöda. Baikwö yöba̧lö junijetö: Isabenö ötjö chitji̧ma omewi̧nö otiwanö 'dö̧bekwo̧. Duluwo̧ Dios otiwanö pokwobö pjaatinayu batjodanö 'dö̧bekwo̧.

Génesis 27:27 Referans Kwoze

Hebreos 6:7

Chömöledö, wanedö yötawaduwakwö, batjonö wanedö, bakwo̧ Jesúsnö kabatibö 'yo̧ma yemidanö tjeachajoböma jwiobe, jö̧ba̧lö: Ja̧danö, bakwo̧ omukwati̧ balewachökönö tjebachajö̧kö̧ma batjonö pokwi̧nö wanekwachobe. Ju'wedöma batjo tjujuwinobe. Ikenama tjujuwinayu tjö'dawödinobe. Jemi ikenama tjö'dawödajayu sotjinobe tjujunobö. Jemi ikenama, jayu otiwanö tjujuninayunö ojwiyo nöinö o̧binobe. Ja̧danö, jemi tupakwö otiwanö pokwinobe, jojodö tjukwakwa̧ma. Ja̧danö Diosma, jayu otiwanö pokwayu edö ösödo̧, Biyu batjoma otiwa, jö̧ba̧lö.

Génesis 26:12

Ja̧danö, ja̧ o̧bama jobe ja̧nö Isaacma öbatjo ödebiya lödijetö. Ja̧ ödebiyatjö nöinö pokwijetö, Diosma Isaacnö dösölö̧jinö edö pjaatobetjö̧. Bakwade ödinatjö̧ cien jenanö ödebiyama baibijetö.

Hebreos 11:20

Ja̧danö da'dömine Isaacma, Diosnö o̧'wo̧ wana̧lö ö̧jobetjö̧, i̧tji̧mu Jacobnö, Esaunö ju'winö baledakwa̧ wene yöawinobe, Diosma isabenö ökwönö pjaatakwo̧, jö̧ba̧lö.

Génesis 27:15

Ikenama Rebecama jitji̧ abönö pöe Esaú ökamijido̧ o̧do okwatjö emö 'dubatijotö jitji̧ bajaliya luwo̧nö, Jacobnöma.

Génesis 27:26

Ikenama Isaacma jö̧ba̧lijetö itji̧nö: —Ötjö chö̧bobekwö yö̧ne ichibi ötjönö du̧kato chitji̧— jö̧a̧lökwe

Génesis 48:10

Ja̧danö, Jacobma öbajale otiwanö edijökötö pöeobetjö̧. Jo̧kwaobetjö̧ Joséma i̧tji̧munöma yö̧ne i̧sebijetö, abe'do ö̧bobekwö. Yöne jamatadönö wo̧batö du̧batijetö Jacobma, José i̧tji̧munöma.

Deuteronomio 33:13

—Ja̧danö Jose itji̧mu sasokwena jojodönö baikwö yöta̧la: Isabenö Jo̧ otiwanö jobadö tjitebo niji pjaatobö chösöda, mölejebetjö si̧li̧'idö tji'oli weobö chösöda, ja̧danö niji teebe ojwiobi otiwanö weobö chösöda,

Génesis 27:39

Jejenö aebiökwe abe'do Isaacma jö̧ba̧lijetö: —Chitji̧, a̧ja̧kwi biya̧ yöta̧lima: Ökwöma otiwanö pokwemi nijitjöma ödö kwö̧jakwo̧ja. Si̧li̧'i̧dö tjo'yoli lȩlöma ödö kwö̧jakwo̧ja̧.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.