Jacobma abe'do ö̧jobekwö yö̧ne 'ya̧wibö du̧batijetö abe'donöma. Ja̧danö, Isaacma itji̧ Esaú ö̧kamijido̧danö omewiökwe, Isabenö bitema chitji̧ abönö pöe, jö̧ba̧lö, Isabenö Jo̧ Dios dösölö̧jinö edö pjaatakwa̧ junijetö Jacobnöda. Baikwö yöba̧lö junijetö: Isabenö ötjö chitji̧ma omewi̧nö otiwanö 'dö̧bekwo̧. Duluwo̧ Dios otiwanö pokwobö pjaatinayu batjodanö 'dö̧bekwo̧.
Génesis 27:15 - Dios Iwene15 Ikenama Rebecama jitji̧ abönö pöe Esaú ökamijido̧ o̧do okwatjö emö 'dubatijotö jitji̧ bajaliya luwo̧nö, Jacobnöma. Gade chapit la |
Génesis 27:15
5 Referans Kwoze
—Chömöledö, te'ada̧lönö kwö̧jaduwo, Moisés iwȩyudina ba̧ja̧dadöma isabenö labidö tjö̧jobetjö̧. Jobadöma mikwawadösa jö̧ba̧lö kamijido̧ otiwado̧ ödöado̧ 'dubawö kwetjachobö ösödadö, ja̧danö kwakwawa iyawejube kwetjachenama, jojodö otiwanö edö, ba̧ja̧dakwawa luwo̧ jö̧ba̧lö jojodö yötja̧lobö ösödadö, ja̧danö ba̧nö tja̧ja̧kwa̧lejutjö luwedö tjö̧bena tjö̧bobö ösödadö, ja̧danö pjiestatjö luwedö tjö̧bena tjö̧bobö ösödadö.
Jejenö yöa̧lijayonö, isabenö chitji̧ kwö̧joböma mikwawö̧kö̧ja jö̧ba̧löma atadinokobe abe'doma. Itji̧nö ösödö ömöayedönö weinobe: Juluwanö ichejebaduwi inesö otiwado̧ jeledo̧tjö bajalekwönönö otiwado̧ kamijido̧ma, ja̧danö ja̧do̧nö bite chitji̧nö 'dubataduwi. Ja̧danö tjötö'anö nönawakwawabi, ötö'anö nönaduwi, ja̧danö sapatu ömasapiyanö 'dubataduwi, isabenö bitema ötjöda chitji̧obetjö̧.
Piblisite