Génesis 27:13 - Dios Iwene

¹³ Jejenö jö̧a̧loko Rebecama jö̧ba̧lijotö: —Chitji̧, jejenö baleditjö̧ma Dios lȩebi̧ma ötjönöda baledena. Ötjö weti̧ a̧ja̧kwö 'ya̧nö kwichejebotjö chi̧wo̧dönö— webijotö.

Génesis 27:13 Referans Kwoze

Mateo 27:25

Yöa̧lawö̧, okobe deinö tjatadinobe: —Jau, ökwödödasa jo̧banö kwabö lobadöma. Jo̧banö kwabö lodobetjö̧ lȩekwa ji̧tjö̧ma, ökwödönöbi, di̧tji̧mu tupadanö jojodönöbi lȩekwa baibobö jo̧be— jö̧ba̧lö tjatadinobe.

2 Samuel 14:9

—Atadoko, tupakwö yöja̧linobe, —Chuluwo̧, öjawo̧nö kwabö lobo̧nö lȩbebökönö dö̧jiökwe, Dios öba a'otjö wene dujuna̧litjöma, ja̧ wenema ötjönöda, ja̧danö chabe'do ömöledönöda baibobö jo̧be, ökwö la'aka chuluwo̧bi, kwömöledöbi wene jwiinö kwö̧jaduwakwedöja, ötjöda atebakwö pjakatobetjö̧, —jö̧ba̧lö.

1 Samuel 25:24

David öba a'o nijakwö mebö, Davidnö yöja̧linobe: —Chuluwo̧, chilekwe wene ujuna̧li̧ma, ötjönöda baledobö jo̧be. Atebakwö, ötjö kwömöayuju yöta̧lonö kwa̧ja̧kwobö.

Génesis 43:9

Chiwene yöbawö chujunakwö: Ötjöda chöjawo̧nö te'ada̧lo̧ baibanö chö̧jakwo̧sa. Ja̧danö, jo̧banö sulabe baleditjö̧ma ötjöda jawa. Ökwö kwitji̧nö yemidanö kwö̧jobekwö chichejebökötjö̧ma ötjöda jawa, chabe'do, ba̧kwelöjatebö ötjöda jawa jena.

Génesis 27:8

Jo̧kwaobetjö̧ chitji̧, ötjö weti̧ma a̧ja̧kwi.

Génesis 25:33

Ja̧danö, Jacobma webijetö: —Chöpöe babeda, Dios öba a'otjö kwiwene yöbawö juni, Abönö pöe chemibakwa̧ balewö chiya ökwönöma, jö̧ba̧lö— webijetö Jacobma Esaúnöma. Jejenö weiökwe Dios öba a'otjö Esaúma iwene yöbawö junijetö, chö̧ja̧wo̧nö balewö wetocha, jö̧ba̧lö. Ja̧danö, Dios öba a'otjö yöbawö junijetö, yöta̧la̧jadanö wetökötjö̧ma Diosma ötjönö lȩebakwo̧sa, jö̧ba̧lö. Jejenö webö lobijetö Esauma iteda abönö pöe emibakwa̧ma Jacobnö.

Génesis 25:23

Ja̧danö, ajebökwe labebö lobö yöbawijetö Isabenö Jo̧ Diosma: —Kukwa'wo okwama du̧ju̧taja tjemu tja̧jobe. Jobadöma, bakwo̧nökwena tjöwanekwachobe jobadötjö tupadanö jojodöma, wainökwena tjitebotenia tjuju̧kwakwedö. Jobadö kwi̧tji̧mutjö tupadanö jojodöma tjöpöjojodö batjibanö tjuju̧kwakwedö. Ja̧danö abönö pöetjö tupadanö jojodöma tjujuluwökakwedö, ö̧jawo̧tjö tupadanö jojodöda tjujuluwakwedö. Jejenöobetjö̧ abönö pöetjö tupadanö jojodöma ö̧jawo̧tjö tupadanö jojodö wetji̧da a̧ja̧kwö tjö̧jakwedö— jejenö Isabenö Jo̧ Diosma labebö lobö yöbawijetö Rebecanöma, ji̧tji̧mu̧ jukwa'wo okwa a̧jö labinö tju̧ku̧tja̧li̧ tjöwanekwachi̧ma.

Génesis 27:14

Jejenö wejökwe 'ya̧jo̧ chi̧wo̧dönö emö ichejebijetö ojo'do jö̧jobekwö. Ja̧danö, jobujuma söinö tobijotö jilekwe ösödi̧danö.

Génesis 27:43

Jo̧kwabetjö̧ ötjö weti̧ a̧ja̧kwi. Belöma döbibaji chöpöe Labán ö̧jobekwö, jobe Harán nijibe kwö̧jo.