Génesis 25:20 - Dios Iwene

²⁰ Isaacma cuarenta a̧yo bo̧ Betuel itjijunö, Rebeca mikwujunö, emijetö ilekwo baibanö. Betuel, arameo jojoma, Padan-aramnö ji̧jetö. Rebecama Labán öjawuju.

Génesis 25:20 Referans Kwoze

Génesis 24:29

Ja̧danö, Rebeca jöpöe Labán mikwo̧ma, edijetö Rebecanö önaja̧ma tjisu̧ jawabi, tjime'asa̧ko̧ jawabi. Ja̧danö, a̧ja̧kwijetö Rebeca baledaja̧ yöjawi̧, Abraham ömöayo̧ jö̧a̧laja̧ yöjawi̧ma. Jo̧kwaiökwe juluwanö 'yi̧jetö ojwese'dokwö. Ichibö Abraham ömöayo̧ma ina bi̧jetö ka̧mȩyu̧dö tjipjeanö ojwese'do ö'öbö.

Génesis 24:67

Jemi ikena, Isaacma Rebecanö tebatijetö ojo'do jeju okwa, ilekwo baibanö emobö. Ja̧danö, Isaacma jwiinö ile nibebijetö Rebecanö. Jejenö Rebecanö jwiinö ile niebobetjö̧ ojo'do wojina omukwatö o̧'wo̧ tjo̧achi̧ma ja'yubeda 'dö̧ibajijetö, nöinöma o̧'wo̧ tjo̧achökönö.

Génesis 22:23

Ja̧danö, Betuelma Rebeca jabe'do. Jobadö jelemutjö wa̧medukwanö Abraham öjawo̧ i̧tji̧munö 'yabebijotö Milcama.

Deuteronomio 26:5

—Jemi ikenama, jobe kwuluwo̧duwi Isabenö Jo̧ Dios öba a'o janö, baikwö yökawaduwonö: –Ötjö cha'döminema, arameo jojo eju jwibo̧ jelobetenia kwebachö ji̧na. Jo̧bama ömöledö ina o̧bukwedöda tjö̧jayi, Egipto nijibe i̧'yinobe, jobe ju'wedö tjitebonö ö̧jobö. Ja̧danö, jobe ichibena ömöledöma o̧bukwedöda tjö̧jinajayonö, jobe ja̧nö jwiinö ba̧jȩkwiyaso batjibanö tjö̧ba̧jekwachinobe, ba̧jȩkwadöbi, juluwadöbi batjibanö.

Génesis 31:24

Ja̧ yö̧tema, Labán ina Jacobnö yöa̧lapjii Diosma öwawachijetö jo̧banöma, i̧'wi̧dinö. Öwawachö webijetö: —Labán, Jacobnö yöka̧lena tjöbeba̧lö̧jinö yöka̧lonö. Labinö, usula kwemawinö lȩtebokwö, jö̧ba̧lö, yöka̧lokonö, ja'yubebi. Dösölö̧jinö yökalonö— webijetö Diosma Labánnöma, i̧'wi̧dinö.

Génesis 31:20

Ja̧ baledaja̧ tupakwö ȩwa̧jijetö Jacobma, i̧lȩkwa̧mukwö, i̧tji̧mu̧kwö, ite'a e'ewö, ina Labán deayi. Jacobma Labánnö, arameo jojonöma yöbawökönö 'döbibajö ȩwa̧jijetö, Dȩwa̧jobö weökena, jö̧ba̧lö. Labán wajwionö ȩwa̧jijadötö.

Génesis 31:18

Ja̧danö okobe deinö iteda a̧jwi̧munö, Padan-aramtjö̧ iteda abönö tji̧'yobö a'dewijetö. Ja̧danö, okobe jwiinö Padan-aramtjö̧ emina iteabi e'ewobö anabijetö Jacobma. Jejenö Jacobma, i̧lȩkwa̧mukwö, i̧tji̧mu̧kwö, ömöayedökwö, iteda iteakwö ȩwa̧jijetö itebobe, Canaán mikwobe, abe'do Isaac ö̧jobekwö ȩwa̧jobö.

Lucas 4:27

Ja̧danö Eliseo ö̧jinenama, Israel jojodötjö ba̧jekwadö tji̧sȩdo̧ sulabedöma tjö̧jinobe, ¿jö̧tö? Jo̧kwaijayonö jobadötjö bakwo̧nöbi otidö looböma weinokobe Diosma, sule jelo̧nöda, Israel jojobö̧kö̧ Siria jojo Naamán mikwo̧nöda otidö loobö weinobe, ¿jö̧tö? Babebi ja̧danö, kwöba a'oduwitjö chi̧sebökö chujuluma— jö̧ba̧lö yöa̧linobe Jesúsma.

Génesis 35:9

Ja̧danö, Jacob, Padan-aramtjö̧ ȩwa̧jajo̧ma Betelnö ji̧jetö. Jobetjö Diosma yemidanö Jacobnö öwawachö, dösölö̧jinö edö pjabato̧sa, jö̧ba̧lö.

Génesis 24:15

Ja̧danö, Abraham ömöayo̧ma ina Diosnö aebonö bakwuju, Betuel itjiju Rebeca mikwuju ichibijotö ojwiyo waawayu jöböbe'onö junawö. Betuelma Milcatjö, Nacor itji̧. Nacorma Abraham öjawo̧.

Génesis 25:26

Jemi ikena jemökwema öpöe ö̧kesayunö 'diinö do̧ba̧lo̧nö emijotö. Jo̧banöma Jacob, jö̧ba̧lö midijetö. Jobadönö jemenama Isaacma sesenta a̧yo juna̧lijetö.

Génesis 28:2

Babeda 'ya̧wi Padan-aram nijibe. Jobe ichibö kwojo'do jabe'do, Betuel ejube kwi'yo. Jobetjö, kwojo'do jöpöe Labán i̧tji̧mu ya̧dötjö kwilekwonö akebo— webijetö.

Génesis 28:7

Ja̧danö, waisachibijetö Jacobma dojo'do, dabe'do wetji̧ a̧ja̧kwö Padan-aram nijibe i̧'yatö.

Génesis 33:18

Ju'wi möle Jacobma Sucottjö labebö otiwanö ȩwa̧jijetö Canaán nijibekwö, itebobe. Jacobma Labán itebo Padán-aramtjö ȩwa̧jö Canaán nijibe, iteda itebobe ichibijetö. Jobe ichibö i̧sa̧do debatö eju otidijetö mejenö, Sequem comunidad ö'öbö.

Génesis 35:26

Ja̧danö Lea jömöayuju Zilpa mikwujutjö i̧tji̧muma bidö: Abönö pöe Gad, ikena luwo̧ Aser. Jobadöma Jacob i̧tji̧mu, Padan-aram ö̧jelö 'yaebinawö̧ma. Benjamínnöda Padan-aramtjö 'yaebinökökwe.

Génesis 46:15

Jobadö Jacob i̧tji̧mu, Rubén, Simeón, Leví, Judá, Isacar, Zabulón Leatjö i̧tji̧muma, Padan-aramnö ja̧nö 'yaebinawö̧. Itjijunöbi 'yabebijetö Jacobma Leatjö, Dina mikwujunö. Ja̧danö okobe deinö Jacob, Leatjö itji̧mu, ö'dö̧dö treinta y tresnö.

Génesis 27:43

Jo̧kwabetjö̧ ötjö weti̧ a̧ja̧kwi. Belöma döbibaji chöpöe Labán ö̧jobekwö, jobe Harán nijibe kwö̧jo.