Génesis 24:53 - Dios Iwene

⁵³ Ikenama, emö junijetö orotjö otikwabi, platatjö otikwabi. Kamijido̧bi lödijetö. Ja̧ma iyijetö Rebecanö. Ja̧danö, jöpöenöbi, jojo'donöbi iyijetö nöinö mikwawi̧ jawa.

Génesis 24:53 Referans Kwoze

Génesis 24:22

Ja̧danö, ka̧mȩyu̧dö owö katjatena Abraham ömöayo̧ma orotjö otikwa tji̧su jawabi, tji̧mȩ'a̧sako̧ doko̧lataja jawabi emijetö Abraham weinatjö̧ aja̧tjö̧, jwiinö mikwawi̧ jawama. Ja̧ tjisu̧ jawama seis gramos ömöki̧. Ja̧danö, jime'asako̧ jawama cien gramos bajalekwönönö ömöki̧. Ja̧danö, jobujunö iyö abebijetö:

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Éxodo 12:35

Ja̧danö, Moisés atjebobö weaja̧danö ida̧ökö abebijadötö Israel jojodöma Egipto jojodönö tjiyobö orotjö otikwabi, platatjö otikwabi, kamisibi, Moisés ajayinö weaja̧danö.

Éxodo 11:2

Jo̧kwaobetjö̧ te'ada̧lökönö yöbawaji okobe deinö Israel jojodönö atjebo Egipto jojodönö, yö̧ne ju̧kwadönöma, ömadönöbi ya̧dönöbi tjitea platatjö otikwa, ja̧danö orotjö otikwa tjiyo— webijetö Isabenö Jo̧ma.

Éxodo 3:22

Ja̧ mölema ökwödötjö ya̧döma, bakwujunökwena Egiptosujunö yö̧ne jujunöma, ja̧danö jobuju jeju ju̧kwadönöbi atjebakobe platatjö otikwabi, orotjö otikwabi kamisibi tjiyobö, mikwa jwiinö. Atjebawö̧ma tjiyakobe. Ja̧danö, tjiyaja̧ma platatjö otikwa, orotjö otikwa, kwi̧tji̧muduwinö nönö, ja̧danö kamisi 'dubatö lakebaduwakobe Egiptotjö. Jejenö Egipto jojodö tju̧kwa teatjö nöinö emibö kwe'ewakobe— yöba̧lijetö Diosma Moisésnö.

Isaías 39:2

Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.