Génesis 24:48 - Dios Iwene

⁴⁸ Ikenama chöba bȩbachibö uunö nijakwö chösödatö Isabenö Jo̧ Diosnö, chuluwo̧ Abraham Uluwo̧ Diosnö, Ökwönö chösöda, jwiinö otiwo̧ja, jö̧ba̧lö. Ötjönö otiwanö öbibö kwi̧sebajabe chi̧'yobema, chuluwo̧ ömöledö tjeju chichibenanö. Ja̧danö, otiwanö pjakatajabe chuluwo̧ ömöledö tjitjijunö chöbadekwajobö, chuluwo̧ itji̧ ilekwo bajibakwujunöma. Jejenö jö̧ba̧lö chösödatö Isabenö Jo̧ Diosnöma— yöbawijetö Abraham ömöayo̧ma.

Génesis 24:48 Referans Kwoze

Isaías 48:17

Isabenö Jo̧, ökwödönö tjöbeba̧lö pjabato̧, Israel jojodö dösödökwe Suli̧ Jwibo̧ Diosma baikwö yöawobe ökwödönö: Ötjöma kwösödaduwökwe Isabenö Jo̧ Diossa. Ötjöda ökwödönö ba̧ja̧dö pjabato̧ma, otiwanö ja̧kwawa kwöwaisachibaduwakobetjö̧. Ja̧danö ökwödönö jwebebö öbibo̧ma ötjödasa, kwi̧'yaduwo jö̧ka̧laduwi̧danö otiwanö kwi̧'yaduwakobetjö̧.

Génesis 24:52

Jobadö yötja̧li̧ a̧ja̧kwö Abraham ömöayo̧ma öba bȩbachibijetö nijakwö, Isabenö Jo̧ Dios öba a'otjö, Otiwanö pjakatajabe, jö̧ba̧lö.

Proverbios 4:11

Chitji̧, ökwönö jweinö kwomukwatobö öbibö yöbawo̧sa, bö̧jenö ja̧nö otiwanö omukwatö jweamanö kwi̧'yobö.

Éxodo 18:20

Ja̧danö, ökwöma jojodönöma kwö̧ba̧jado Dios weina jawabi, Dios yöawina jawabi. Jojodönöma pjakato jweinö tji̧'yakwa̧ tjöwaisachibanö, ja̧danö otiwanö omukwatö tjö̧jakwa̧, Dios wei̧danö.

Génesis 22:23

Ja̧danö, Betuelma Rebeca jabe'do. Jobadö jelemutjö wa̧medukwanö Abraham öjawo̧ i̧tji̧munö 'yabebijotö Milcama.