Génesis 23:6 - Dios Iwene

⁶ —Duluwo̧ a̧ja̧kwi, ökwönö, juluwo̧ la'aka luwo̧, jö̧ba̧lö, otiwanö dedökweja. Bemi, i̧lȩdo̧ jemitjö̧ o̧penönö otiwemi kwödojö kwilekwonöma. Ökwödötjö bakwo̧bi dea, i̧lȩdo̧ chiyökö jo̧banö, jö̧ba̧lo̧ma— atadijadötö.

Génesis 23:6 Referans Kwoze

Génesis 24:35

Ja̧danö, Isabenö Jo̧ Diosma otiwanö pjaatinobe ötjö chuluwo̧nö, balada luwo̧ baibanö. O̧bȩja̧dönöbi, pa̧ka̧yö̧nöbi, platabi, orobi, ömöayedö ömadönöbi ya̧dönöbi, ka̧mȩyu̧dönöbi, bu̧lu̧dönöbi iyinobe Isabenö Jo̧ Diosma chuluwo̧ Abrahamnöma.

Génesis 14:14

Jejenö yöawiökwe Abramma iteda ömöayedö, itekwö ja̧nö bötjachinadö, ölakwabikwawö waisadönönö tjo̧ko̧ko̧chibobö jwöbijetö, trescientos dieciocho jojodönö. Ikenama jobadökwö 'yi̧jetö, luwedönö ö'wejemu jojodönö, tjömöayedö guardia jojodönö lubö, Dan comunidad ichibö.

Isaías 45:14

Baikwö yöa̧lobe Isabenö Jo̧ma, Israel jojodönö: Egipto jojodö tjitea mikwawi̧ jawabi, Etiopia jojodö mikwanö tjiyi̧ jawabi, ökwödö israel jojodö kwiteaduwi baibakobe. Ja̧danö ödöbaedö sabeos ötjabawö̧ma, kwö̧jaduwobekwö ichibö, kwömöayedöduwi batjibakwedö. Jobadöma kwökömanöduwi kwebachö, ka̧lena osijunö yö̧bekwedö kwetjachakwedö, ja̧danö kwöba a'oduwi bȩbachibö bamatö yötja̧lakwedö, —Isabenö Dios otiwanö pjaatawö̧ja. Jo̧bajayo̧ juluwo̧ma deobe, jelo̧ diosbo̧ma deobe, kwösödaduwökwe Diosda isabenö Diosbo̧ma, —jö̧ba̧lö, yöawobe Diosma, Israel jojodönö.

Éxodo 32:22

—Chuluwo̧, kwo̧'wo sulinö kwedoko ötjönöma. Kwöwaisa jobadönöma, idöda sulabenö omukwatö tjujuni̧danö ja̧tjobö isakwadö.

Génesis 44:8

A̧ja̧kwi, ajayinö ichö döbadekwajina balada, dutu̧da'wiju a'onö baladama, Canaán nijitjö tjedatotö jö̧ba̧lö ichejebö diyatö ökwönö. La'akatjöda dönaukwökötö platabi, orobi kwuluwo̧ ejutjöma.

Génesis 42:10

Jejenö jö̧a̧lawö̧ jobadöma atadijadötö Jósénö: —¡Ja̧maökö duluwo̧! Abönö isakwöma dichajokobe. Ökwödöma kwömöayedösa. Du̧kwa kwakwawada emö ichajadösa.

Génesis 32:18

kwatadonö: Bidö kwömöayo̧ Jacob a̧jwi̧mu̧, ökwönö webö iyawö̧ma, chuluwo̧. Ja̧danö jo̧bama yada chökömanö ichobe— jejenö yöawobö webijetö Jacobma abönö öbibö 'yo̧nö.

Génesis 31:35

Ja̧danö, Raquelma jabe'donö jö̧ba̧lijotö: —Chuluwo̧ kwölabi ötjönöma. Tekachobe meibö chedo jö̧ta̧lijayonö chimeibökö, iwo ichiboko chö̧wobetjö̧.— jö̧ba̧lijotö Raquelma, jabe'do öbadekwajapji jö̧ba̧lö, jönaukwinawö̧nöma. Jejenö, Labánma Jacob ö̧jemi okobe jwiinö isakwijayonö o̧'wo̧ öwa̧na̧lawö̧nöma badekwajijökötö.

Génesis 24:18

te'ada̧lökönö meatö junijotö, Wa'yebö owi chuluwo̧, jö̧ba̧lö. Jejenö jö̧a̧lökwe ojwiyo wa'yebö owijetö.

Génesis 21:22

Ja̧danö, ju'wi möle la'aka luwo̧ Abimelecma, guardia tjuluwo̧ Ficol mikwo̧kwö 'yi̧jetö Abraham ö̧jobekwö. 'Ya̧jo̧ ichibö jö̧ba̧lijetö Abrahamnöma: —Abraham, chedemi Diosma ökwökwö pjabatö ö̧jobe, okobe jwiinö kwö̧ji̧ma.

Génesis 18:12

Ja̧danö, jobujuma Isabenö Jo̧ Dios yöawi̧ a̧ja̧kwö obö omukwatijotö jomajadenö, ötjöma ida̧ökö pjolobachujusa ¿dakwö chösödobö pöe chilekwekwö alewö chö̧ji̧ma? jö̧ba̧lö.

Génesis 20:7

Ja̧danö, babema jilekwekwö tjebatijö. Jilekwema ötjö yötawi̧ yöbawo̧. Jo̧bama ökwönö aebakobe ötjönöma. Ja̧danö ötjönö aebobetjö̧ 'yaka̧lakwo̧ja. Jo̧kwaijayonö, jobujunö tjekatökötjö̧ma ökwöbi, kwömöledöbi, kwejunö ju̧kwadöbi debö kwi̧'yaduwakobe— jö̧ba̧lijetö Diosma Abimelecnöma.

Génesis 23:5

Jejenö aebawö̧ Hettjö tupadanö jojodöma:

Génesis 23:7

Jejenö tjatadiökwe Abraham a̧laibö öba bȩbachibö nijakwö uunö jö̧ba̧lijetö jobe ju̧kwadönö, Hettjö tupadanö jojodönö: —Chilekwonö bada lödawa kwedaduwemi otiwitjö̧ma akebaduwo Efrónnö, Zohár itji̧nö,