Génesis 23:10 - Dios Iwene

¹⁰ Ja̧danö Efrón, Hettjö tupadanö jojoma jobe a̧ja̧kwa̧lö bi̧jetö, ömöledökwö. Jo̧bama okobe deinö jobe ja̧dö, comunidad teachakwawemi tebachadöbi tjeda̧lonö jö̧ba̧lijetö Abrahamnöma:

Génesis 23:10 Referans Kwoze

Génesis 34:24

Ikenama okobe deinö jobe ba̧nö a̧ja̧kwajadö, juluwadöma Hamor yöa̧li̧ a̧ja̧kwö ösödijadötö, Hamor, itji̧ Shequem tjösödi̧danö. Jejenö tjösödobetjö̧ okobe deinö jobe ju̧kwadö juluwadö ömadöma tjötade bajale jawa o̧diju 'wibekwö lobijadötö.

Génesis 34:20

Ikenama Shequemma abe'dokwö comunidad la'aka luwedö teachakwawemi tjö̧bobekwö 'ya̧nö yöbawijadötö jobadönöma, Jacob, Jacob i̧tji̧mu atjebinama.

Génesis 23:18

Jo̧kwaobetjö̧ okobe deinö Hettjö tupadanö jojodö, jena ja̧nö eda̧ladöma waisijadötö ja̧ nijima, Abraham u̧kwa niji baibajabe, jö̧ba̧lö.

Mateo 9:1

Jesúsma isowinö a̧jibö, o̧pesobu bakwachobube ȩwa̧jinobe, iteda itebobe.

Isaías 28:6

Ju'wibi ja̧ möle Diosda lȩekwa luwedönö pjaatakwo̧, okwa jawa waisanö tjomukwatakobetjö̧, jadanö jobada israel jojodötjö ölakawabikwawadönö tjujuluwachibanö pjaatakwo̧, comunidad apjude a'ö ölakwabikwawö, tjitebo comunidad tjötjeba̧lakobetjö̧.

Diosnö ösödo̧ Job mikwo̧ usula emawina jawa 29:7

—Ju'wibi, ja̧ möle jojodö otiwanö tjomukwatökwe chö̧jijatö. Comunidad apjudebe 'ya̧nö, luwedö tjö̧bemi chöbamatobö chi̧'yenama, jojodö tjöba a'o luwedö tjö̧'da̧de chöbamatijatö.

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 23:9

Macpela niji i̧lȩdo̧ iyotjö. Jo̧ba ö̧jemi ö'öbö i̧lȩdijuma jo̧be. Belöda ökwödö kweda̧laduwonö okobe jwiinö mikwawi̧ma chimidonöcha—jö̧ba̧lijetö Abrahamma.