Génesis 22:23 - Dios Iwene

²³ Ja̧danö, Betuelma Rebeca jabe'do. Jobadö jelemutjö wa̧medukwanö Abraham öjawo̧ i̧tji̧munö 'yabebijotö Milcama.

Génesis 22:23 Referans Kwoze

Génesis 24:15

Ja̧danö, Abraham ömöayo̧ma ina Diosnö aebonö bakwuju, Betuel itjiju Rebeca mikwuju ichibijotö ojwiyo waawayu jöböbe'onö junawö. Betuelma Milcatjö, Nacor itji̧. Nacorma Abraham öjawo̧.

Romanos 9:10

Ja̧danö, ju'wibi chömöledö. Ökwödö Israel jojodötjö ajayinö ji̧na Isaac ilekwo Rebecama, du̧ju̧tajanö jeminobe, Isaac i̧tji̧munöma, ¿jö̧tö?

Génesis 28:5

Ikenama Isaacma webijetö Jacobnö, tjo̧wi̧ 'ya̧wi, jö̧ba̧lö. Ja̧danö, Jacobma 'yi̧jetö Padan-aram nijibe, arameo jojo Betuel itji̧ Labán itebobe, Rebeca jöpöe.

Génesis 28:2

Babeda 'ya̧wi Padan-aram nijibe. Jobe ichibö kwojo'do jabe'do, Betuel ejube kwi'yo. Jobetjö, kwojo'do jöpöe Labán i̧tji̧mu ya̧dötjö kwilekwonö akebo— webijetö.

Génesis 25:20

Isaacma cuarenta a̧yo bo̧ Betuel itjijunö, Rebeca mikwujunö, emijetö ilekwo baibanö. Betuel, arameo jojoma, Padan-aramnö ji̧jetö. Rebecama Labán öjawuju.

Génesis 24:67

Jemi ikena, Isaacma Rebecanö tebatijetö ojo'do jeju okwa, ilekwo baibanö emobö. Ja̧danö, Isaacma jwiinö ile nibebijetö Rebecanö. Jejenö Rebecanö jwiinö ile niebobetjö̧ ojo'do wojina omukwatö o̧'wo̧ tjo̧achi̧ma ja'yubeda 'dö̧ibajijetö, nöinöma o̧'wo̧ tjo̧achökönö.

Génesis 24:60

Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Génesis 24:51

Bena jö̧ja Rebecama. Jo̧bujunö kwuluwo̧ itji̧ ilekwo baibanö e'ewö da̧ji̧, Isabenö Jo̧ Dios omukwatö ujunaja̧danö— atadijadötö.

Génesis 24:47

Ina yöbawijetö Rebeca jömöledönö: —Ikenama Rebecanö abebö cha̧ja̧kwatö, Kwabe'doma ¿ditejayo̧da? Jejenö abebö cha̧ja̧kwoko jatadatö, Ötjöma Betuel itjijusa. Betuelma Nacor itji̧, Milcatjö itji̧, jatadatö. Ikenama tji̧su jawabi chönatö ji̧su̧nö. Tjime'asako̧ jawabi jime'asako̧nö chönatö.

Génesis 24:24

—Chabe'doma Betuel mikwo̧. Jo̧ba ojo'doma Milca mikwuju. Abe'doma Nacor mikwo̧.

Génesis 11:29

Taré i̧tji̧mu Abrambi Nahorbi tjilekwokwenanö emijadötö. Abram ilekwoma Sarai mikwijotö. Ja̧danö, Nahor ilekwo Milcá mikwijotö. Milcáma Haránmine itjiju Isca mikwuju jöpöo.

Génesis 22:22

Kemuel öjawo̧ma Quesed mikwo̧, Quesed öjawo̧ma Hazo mikwo̧, Hazo öjawo̧ma Pildas mikwo̧, Pildás öjawo̧ma Jidlaf mikwo̧, Jidlaf öjawo̧ bajaliya luwo̧ma Betuel mikwo̧—yötjawi̧ a̧ja̧kwijetö Abrahamma.

Génesis 22:24

Jeluju ilekwo, Reúma mikwujuma bidönö ö'wejemu luwanö 'yabebijotö: Tebanö, Gahamnö, Tahasnö, Maacanö.