Génesis 22:19 - Dios Iwene

¹⁹ Jemi ikenama Abrahamma, itji̧kwö tjebachajijetö ömöayedö tjö̧jibajobekwö. Ikenama bakobe ȩwa̧jijadötö Beersebabekwö. Jenada ju̧kwijetö Abrahamma.

Génesis 22:19 Referans Kwoze

Génesis 21:31

Jejenö baledobetjö̧ jobe tjö̧jemima, Beerseba, jö̧ba̧lö midijadötö, jobema Abimeleckwö Abrahamkwö Dios öba a'otjö tjiwene yöbawö tjujuninobetjö̧, jweinö yöba̧lö tjö̧jakwa̧ tjiwenema.

Jueces 20:1

Ja̧danö, okobe deinö israel jojodöma tjo̧ko̧kokwinobe, u'dakwö Dan comunidadtjö, a̧li̧kwö Berseba comunidad baibanö jojodöbi, Galaad niji jojodöbi, okobe deinö Mizpa comunidadnö Dios öba a'otjö bakobe tjo̧ko̧kokwinokobe.

Josué 15:28

Jazar Súal comunidadbi, Berseba comunidadbi, ö'öbö pjei̧ comunidadteniabi,

Génesis 21:34

Ja̧ möle tupakwö ji̧jetö Abrahamma filisteos tjitebonö, lekwe.

Génesis 22:5

Jemi edö jö̧ba̧lijetö ömöayedönö: —Benada bulukwöda ji̧baduwi. Chitji̧kwö chi̧'ya yai, juwö iyö Diosnö ösödö. Ja̧ iyö kabatöma tjedachajakobe baikwö—jö̧ba̧lijetö.

Génesis 26:23

Ikenama Isaacma jemi u'dakwöchobe 'yi̧jetö Beerseba comunidadbe.

1 Samuel 8:2

Jobadö Samuel i̧tji̧muma bidö, abönö pöema Joel mikwo̧, ja̧da̧nö öjawo̧ma, Abias mikwo̧. Jobadöma Beerseba comunidadnö ja̧nö jojodönö jwebebö yötjawinobe.