Génesis 21:8 - Dios Iwene

⁸ Ja̧danö, Isaacma idaö̧kö pöe baibenama ojo'doma o̧do̧'bi̧ 'döbebijotö. Ja̧ mölema Abrahamma fiesta nöinö junijetö.

Génesis 21:8 Referans Kwoze

1 Samuel 1:22

Jo̧kwaijayonö, ju'wedö tji̧'yonö, Anama ji̧'yinokobe. Jilekwenö baikwö yöja̧linobe: —Ina chitji̧nö öbibö chi̧'yökö, ina tjemu o̧do̧'bi̧ owobetjö̧. Tupakwöda, o̧do̧'bi 'dötebaja̧ ikenada chi̧'yocha. Jemi ikenama, o̧do̧'bi̧ 'dötebaja̧ ikena, chitji̧nö öbibö chi̧'yocha, Isabenö Jo̧ öba a'otjö yötawinadanö chujunobö, ja̧danö jobe ja̧nö, ba̧kwelöjatebö Dios öba a'o ö̧jobö.

1 Reyes 3:15

Jemi ikenama, jejenö i̧'wi̧dinö edajo̧, wiluinobe Salomonma, ja̧danö wilubajo̧, öwaisachibinobe, —Aaa, chi̧'wi̧dinö Diosma ötjönö yöawajabeta, —jö̧ba̧lö. Ikenama Jerusalenbe ȩwa̧jinobe Salomonma, ja̧danö Isabenö Jo̧ wei̧ wȩyukwa öbiya döbölataja a̧ja̧pjo öba a'o ja̧nö, jwiinö ubinö iyawabi, Dioskwö ösökwö ja̧kwawa jawa iyawabi Diosnö iyinobe, jadanö ba'ali ujuninobe, okobe deinö ömöayedö tjukwobö.

2 Samuel 3:20

Hebronbe i̧'yenama, Abnerma ömöayedötjö veintebedönö öbibö i̧'yinobe ja̧danö tjichibiökwe, Davidma ösödinobe, ja̧danö jobadökwö ba'ali ujuninobe, bakobe ösödabikwawö tjukwobö.

Génesis 40:20

Ja̧danö, José yöawaja̧danö baledijetö wa̧pötakwa möle baibena. Ja̧ mölema faraón cumpleaños möleobetjö̧ fiesta nöinö junijadötö, faraón ömöayedö tjukwobö. Ja̧danö, ömöayo̧ owa'do̧ iyawa jojonöbi, ja̧danö ömöayo̧ pan otikwa jojonöbi ka̧lela tjöba̧jelö latjebobö webijetö. Labebö tjichejebobö webijetö, faraón ömöayedö fiesta tjukwobekwö.

Génesis 29:22

Ikenama Labánma jwöbijetö okobe deinö jobe jojodö ömadönöma fiesta kwanö, owö tjichobö.

Génesis 26:30

Ikenama kwakwawa tjotidobö webijetö Isaacma ömöayedönö. Ja̧danö ichajadöma kwakwa kwijadötö. Owawa owijadötö, tjabakwa̧ abönö.

Génesis 19:3

Jejenö jö̧tja̧lijayonö Lotma labinö yöa̧liawö̧, Chejube kwabaduwo tebachaduwi, jö̧ba̧lö jo̧bakwö 'ya̧nö ejube tebachijadötö ángelesdöma Lotkwö. Ikenama Lotma kwakwawa otidijetö tjukwobö, pan 'ye'yeachökönö balö. Iyajawö̧ma kwijadötö.

1 Samuel 25:36

Ja̧danö, jejube Nabal ö̧jobekwö jȩwa̧bijenama Abigailma jilekwenö jöbadekwajinobe, ba'ali juno̧nö. Inesö la'aka luwedö tjujuni̧jaye ba'ali ujuninobe, ja̧danö o̧'wo ösöwanö jwiinö 'dukwachökwe ö̧jinobe. Jo̧kwajabetjö̧, 'dukwachökwe ö̧jioko, Abigailma jo̧banö yöjawinokokobe baledaja̧ma, ikena möle dewachenanö kabatö.

Jueces 14:12

Ja̧danö, tja̧debawö̧ treintabedönö yöa̧linobe Sansonma, baikwö: —Ju'wi yöa̧lakwawa jawa abebö cha̧ja̧kwobö jö̧ta̧la ökwödönö, labebö loawa kwöwaisaduwojobö jö̧ba̧lö. Jelemutjö dötölataja möle ba'ali dujunakobe, ja̧danö ba'ali 'dö̧ibakwa̧ abönö, labebö loawa waisachibö atadö yökawaduwitjö̧ma, ötjöma ökwödö treintabedönö bakwo̧nökwena kamijido̧ otiwa̧do̧ chiyocha, wamesa̧do̧ linotjö otikwa̧do̧bi, ju'wi kamijido̧bi.

Jueces 14:10

Sanson abe'doma filisteo jojosujunö emakwa̧ jawa otidobö i̧'yinobe, ja̧danö Sansonma jobe ba'ali ujuninobe, jemi ju̧kwadö ichö tjukwobö. Jemi ju̧kwadö tjilekwamunö tjemakwedö ömadöma, jejenö ba'ali juniatjinobe, jo̧kwajabetjö̧ juniatji̧danö Sansonbi ba'ali ujuninobe.

Génesis 21:7

¿Ti yöa̧linajö Abrahamnöma, Kwilekwo Sarama jitji̧nö o̧do'bi̧ ojwö jö̧jakwuju, jö̧ba̧lö? Jejenö yötja̧li̧ma la'akatjöda yötja̧linökena. Jo̧kwaijayonö babema Abraham itji̧nö chemajabe. Jao, chilekwe jwiinö pöe ö̧jijayonö itji̧nö chemajabe— jö̧ba̧lijotö Sarama.

Génesis 21:9

Ju'wi möle, Sarama edijotö Egipto jojosuju Agar jitji̧nö, Abrahamtjö jitji̧nöma sulabenö jö̧ba̧libö obobe isuda jitji̧nö, Isaacnöma.

1 Samuel 1:24

Ja̧danö, o̧do̧'bi̧ 'döjebaja̧ ikena, yemidanö Diosnö iyö tji̧'yena, yöja̧linadanö Anama jitji̧ ina ja'yuwo̧nö öbibö ji̧'yinobe Isabenö Jo̧ ejube Silo Comunidadbe. Ju'wibi pakayaso̧ wapötakwa o̧ba junalo̧nöbi öbibö, tuda'wo nueve kilo harinaso̧pjasa'wobi e'ewö, ubasobu o̧'do̧busapja̧bi e'ewö tji̧'yinobe.