Génesis 21:33 - Dios Iwene

³³ Tjȩwa̧jabe okobetjö Abrahamma towi, tamarisco mikwowi junijetö Abimeleckwö yöa̧lakwawajena. Jobetjö Abrahamma abebö ösödijetö Isabenö Jo̧ Diosnöma, Ba̧kwelöjatebö Jo̧ Diosnöma.

Génesis 21:33 Referans Kwoze

1 Timoteo 1:17

Inesö la'aka luwo̧, wobökönö ba̧kwȩlö̧jatebö jo̧, jojodöbi dedökökwe Diosma bakwo̧da, jelo̧ma deobe, jo̧banöda otiwanö domukwatobö jo̧be, ja̧danö jo̧banöda dösödobö jo̧be, otiwo̧ja̧, juluwo̧ja, jö̧ba̧lö. Jejenö kabatökönö dösödobö jo̧be.

Isaías 40:28

Diosnö la'akatjöda kwa̧ja̧kwinaduwökiji̧? Yötjawi̧ okwa jawa la'akatjöda do̧katinaduwökiji̧? Isabenö Jo̧ma, ba̧kwelöjatebö jo̧ Dios chömöledö, jo̧bada okobe jwiinö bö̧jȩ otidinama. Jo̧bama la'akatjöda 'dö̧bachibö̧kö̧, ja̧danö la'akatjöda me'dawachibö̧kö̧. Ja̧danö okobe jwiinö waiso̧, bakwo̧bi okobe jwiinö Dios öwaisi̧ jawa öwaisachiboböma jwiobe.

Romanos 16:26

jo̧kwaijayonö babema wajuwanö i̧sekwobe, okobe deinö a̧ja̧kwö tjösödo jö̧ba̧lö, ba̧kwȩlö̧jatebö jo̧ Dios weinadanö. Damötjö Dios iwene wȩyudinadö tjiwȩyudinobe ja̧ wenema, ja̧danö babema wajuwanö i̧sekwobö weinobe Diosma, okobe deinö böjȩ ju̧kwadö ösödö, Dios wei̧ ja̧tjo jö̧ba̧lö.

Génesis 12:8

Ikenama jobetjö labebö 'yi̧jetö Abramma, öibajawö̧kwö mö'ösa'iju ju̧kwobekwö, Betel comunidadtjö ja̧wo̧ laebobekwö. Jobetjöma isa̧do̧tjö ejudanö debatö otidijetö. Jado̧ debatö otidajelöma ja̧wo̧ meajobekwö Betel comunidad ji̧jetö. Ja̧danö, ja̧wo̧ laebobekwö Ai comunidad ji̧jetö. Jobetjö, ju'wi juwö iyawemi otidijetö. Otidajo̧, Isabenö Jo̧ Dios chösödakwö, jö̧ba̧lö juwö iyijetö Isabenö Jo̧ Diosnö.

Génesis 4:26

Ja̧danö, Setma pöe baibena ilekwonö emijetö. Ja̧danö itji̧nö 'yabebijetö. Jo̧banö Enós, jöba̧lö midijetö. Ja̧danö, Enós öbötjachina tupakwö jojodöma ajayinö Isabenö Jo̧nö ösödö ko̧ko̧kwijadötö.

Deuteronomio 33:27

Ba̧kwelöjatebö jo̧ Diosma ökwödönö tjöbeba̧lö pjabato̧, jo̧bakwö wene jwiinö kwö̧jaduwobö, ja̧danö ökwödönö do̧ba̧lö ö̧jobe, meköbaduwapji jö̧ba̧lö. Kwiteboduwibe kwi̧'yaduwonö, kwöpöjojodöduwinö kwabönöduwitjö a'dewö loobe, ja̧danö ökwödönö weobe, –Bidönö söbebö lobaduwi, –jö̧ba̧lö.

Isaías 57:15

Jau, baikwö yöa̧lobe inesö mööjȩ mölejȩnö jo̧, ba̧kwelöjatebö jo̧, Suli̧tjö Ödö Jo̧ jö̧ba̧lö mikwo̧ Diosma: Ötjöma inesö möemi, suli̧tjö ödö jȩmi jo̧sa. Jo̧kwaijayonö ju'wibi, bakwo̧ sulabenö ja̧bina, o̧'wo tjo̧bekwö, —Sulabo̧ mikwawö̧kö̧sa, —jö̧ba̧lo̧kwöbi jo̧sa. Jo̧bajayo̧kwö jo̧sa, o̧'wo ujuluwachibanö pjatatakobetjö̧, sulabenö omukwataja̧ kabatibö balewachajo̧nö omajade ujuluwachibanö pjatatakobetjö.

Jueces 3:7

Isabenö Jo̧ öba a'otjö isabenö jwiinö sulabenö ja̧tji̧nobe israel jojodöma, Tjuluwo̧ Isabenö Jo̧ Diosnö tjo̧'wo jwibibö, juwedö tjösödawö̧nöda tjösödinobe, Baal ötjabökwe o̧'wo jawanöbi, Asterot ötjaboko jo̧'wo jawanöbi.

Deuteronomio 16:21

Tupakwö yöawinobe Moisesma: —Ja̧danö chömöledö, kwuluwo̧duwi Isabenö Jo̧ Diosnö iyawöte kwotidaduwenama, jöte ö'öbönö ju'wedö tjösödoko Aseranö ösödakwawowi towima kwujunaduwoko,

Génesis 26:33

Jo̧kwaobetjö̧ Isaacma je'doma Seba, jö̧ba̧lö midijetö. Ja̧danö, jobetjö otiwanö tjö̧jakwa̧ tjiwene yöba̧wö tjujunajabetjö̧ jobe comunidadma, Beerseba, jö̧ba̧lö, midijadötö jojodöma. Ja̧ möle ji̧natjö̧ babebi, Beerseba, jö̧ba̧lö, ötjabobe.

Génesis 26:25

Ikenama jobe otidijetö Isaacma Diosnö ösödö juwö iyawemi. Jenada Diosnö iyö juwö ösödijetö Isaacma, Isabenö Jo̧ Dios chösödakwö, jö̧ba̧lö. Ja̧danö, jobetjö isa̧do̧ debatö o̧dodanö otidajadö jenada ju̧kwijadötö Isaac, ömöledö, ömöayedö. Ja̧danö, ömöayedöma jobetjö ojwese'do sobijadötö.

Génesis 26:23

Ikenama Isaacma jemi u'dakwöchobe 'yi̧jetö Beerseba comunidadbe.

Hebreos 13:8

Ja̧danö, jo̧ba Jesucristoma la'akatjöda balewachökönö bakwo̧da jo̧, damötjöbi, babebi, ja̧danö ba̧kwȩlö̧jatebö.

Génesis 21:32

Jejenö jobetjö Abrahamkwö, Abimeleckwö Dios öba a'otjö tjiwene yöbawö junijadötö. Ikenama Abimelecma, Ficolkwö ȩwa̧jijetö filististinas tjitebobe.

Éxodo 15:18

Isabenö Jo̧, ökwöma ba̧kwȩlö̧jatebö inesö la'aka luwo̧köbakwo̧ja— jejenö lo̧bijetö Moisésma.

Deuteronomio 32:40

Ötjöma isabenö ba̧kwȩlöjatebö jo̧ Diossa, ja̧ ba̧kwelöjatebö jo̧ chö̧ji̧ wenema, isabenö ji̧ wene, ja̧danö ja̧ wene isabenö ji̧danö, ju'wibi isabenö yöbawö chujunobe, Bakwo̧bi lȩtebi̧tjö tjö̧jibanö pjabato̧ma deobe, jö̧ba̧lö.