Génesis 21:15 - Dios Iwene

¹⁵ Jemi tupakwö, ojwiyo i̧sȩdo̧tjö̧ otikwa'wonö okwobu okobe jwiinö tjowajena Agarma jitji̧nö junibijotö towi ja'yuwowi la'aka.

Génesis 21:15 Referans Kwoze

2 Reyes 3:9

Ja̧danö, jobekwö yöba̧lakwawajadö, Israel niji la'aka luwo̧ Jorambi, Juda niji la'aka luwo̧ Josafatbi, Edom niji la'aka luwo̧bi bakobe tji̧'yinobe, Moab nijibema. Ja̧danö, jwaibalawa söpödö, jelemutjö dötölataja möle kwetjachaja̧ ikenama, ojwiyo 'dö̧tjekwajinobe, tjömöayedö ölakwabikwawadö tjowakwa̧bi, tjajwimu tjökömanö ichadö tjowakwa̧bi.

Isaías 44:12

Baikwö labebö lobö yöta̧la, —Diosbedönö otidadösa, —jö̧ba̧ladö tjotidi̧ jawama. Bakwo̧ 'dii jawatjö otido̧ma, ökwöla ubö̧'a wame 'dii jawatjö otido̧. Martiyunö bȩbö, o̧'wo jawa baibanö, iteda ujulunö labinö otidobe. Ja̧danö, lekwe otidajabetjö̧, a̧wi̧chi̧ tjöbö, ime'dawachibobe. Ja̧danö ojwiyo owökönö ja̧nö, 'dö̧achibobe, jo̧ba Diosbo̧nö otido̧sa jö̧ba̧lo̧ma.

Génesis 21:14

Ja̧danö, ju'wi dewachö Abrahamma yȩayi wilubö a̧laibö panbi, ojwiyo, i̧sȩdo̧tjö̧ otikwa'wonö e'ewö 'yi̧jetö Agar jö̧jobekwö. Ichibö pan, ojwiyo okwa'wo iyijetö Agarnöma, jöböbe'onö wa̧nö. Ikenama, bite kwitji̧nöma öbibö 'ya̧wi̧, jö̧ba̧lö, jelobe ji̧'yobö webijetö. Labebajajuma Beerseba mejenöda wajwibö kwebachijotö.

Génesis 21:16

Junibö jemi tupakwö cien metros jenanö 'ya̧jaju ba̧nö jwöbeba̧lijotö ¡chitji̧we! ö'wöchi̧ma chedökö, jö̧ba̧lö, isudada. Ja̧danö, jobe ba̧nö nöinö budekwabijotö.

1 Reyes 17:12

Aeboko, jatadinobe: —Kwuluwo̧ Isabenö Jo̧ Dios öba a'otjö, isabenö yötawakwö, pan jwibujusa ötjöma. I̧sa̧pjanö, sule ja'yubeda harinaso̧pja junalujusa, ja̧danö o̧tesa̧yunö, sule ja'yubeda o̧tema junalujusa. Jau, babema ja'yubeda pjei̧ ö̧'iya imi ko̧ko̧dö emujusa, ökwöla nötedö, ja̧ ja'yubeda chujuna̧li̧ chöbalobö, ötjöbi, chitji̧bi bajaleapo dukwakwa̧ dukwobö, ja̧danö jemi ikenama, ja kwajadö, du̧kwa jwibö ö'wö badibakwedösa, pan jwita ökwönö ichejebö chiyobö, —jö̧ba̧lö jatadinobe.