Génesis 20:13 - Dios Iwene

¹³ Ja̧danö, Diosma ötjönö, chömöledö tjuju̧kwelö labebö chi'yakwemima wajwibö chi'yobö weenama jö̧ta̧lijatö Sarahnö, chilekwo ötjönö ösödinö edö baikwö jö̧ka̧lo okobe jwiinö kwedachenama: Bitema ötjö chöpöe, jö̧ba̧lö—yöbawijetö Abrahamma Abimelecnöma.

Génesis 20:13 Referans Kwoze

Génesis 12:1

..Ja̧danö, Isabenö Jo̧ Diosma webijetö Abramnöma: —Abram, kwitebotjö labebi jelobekwö kwi̧'yo. Kwömöledötjö 'da̧bachibö jelobekwö kwi̧'yo. Ja̧danö, yö̧ne kwömöledö kwabe'do ejunö ju̧kwadötjöbi 'da̧bachibö jelobekwö kwi̧'yo. Kwi̧'yakobe nijima wajwiköbijayonö chi̧sebakobe— webijetö Isabenö Jo̧ Diosma.

Génesis 12:9

Ikenama ju'wi möle Abramma öibajawö̧kwö jobetjö labebö abiabö 'yi̧jetö a̧li̧kwö, Neguev niji ichibenanö kabatö.

Hebreos 11:8

Ja̧danö, Abrahambi Diosnö o̧'wo̧ wana̧lö ji̧na. Jo̧bama Diosnö o̧'wo̧ öwana̧lobetjö̧ Dios wei̧ a̧ja̧kwinobe, Jelobekwö 'ya̧wi, chiyakwemi jo̧bekwö, jö̧ba̧lö, wei̧ma. Abrahamma i̧'yobema wajwiijayonö, Diosnö o̧'wo̧ öwana̧lobetjö̧ i̧'yinobe.

Hechos 5:9

Jejenö jatadiökwe Pedroma jö̧ba̧lijetö: —¿Tajawedö ökwödöma Duluwo̧ O̧'wo̧ Luwo̧nö, sulabenö omukwatö ja̧köbinaduwada? ¿Kwomukwataduwaji̧, Aaa, Dios O̧'wo̧ Luwo̧ma ökwödönö lȩebökena, jö̧ba̧lö? ¿Jejenö kwomukwataduwaji̧? A̧ja̧kwitjö. Babema tjȩwa̧ja kwilekwenö lödajadöma. Ökwönöbi lödö tjicha—jö̧ba̧lijetö Pedroma.

1 Samuel 23:21

Yötja̧lökwe, Saulma ösödinobe, ja̧danö jobadönö yöa̧linobe: —Isabenö otiwanö dösölö̧jinö ötjönö ösödö pjabatadöja, jo̧kwajabetjö̧ balekwa mikwa Isabenö Jo̧ ökwödönö pjaatobö jo̧be.

Génesis 20:5

Abrahamma ötjönö jö̧a̧lijatö, bisuma chöjawuju, jö̧ba̧lö. Ja̧danö, jobujubi, bakwainö jö̧ja̧lijatö, öjawujusa, jö̧ba̧lö. Ötjöma, jo̧ba ilekwoena, jö̧ba̧löma, wajwitijatö. Ja̧danö, chomajadenö otiwanö omukwatö wetijatö jobujunö tjichejebobö. Sulabenö chomukwatijökötö, kwichejebaduwojö, jö̧ba̧lö wetenama— yöbawijetö Abimelecma Diosnöma.

Génesis 20:12

Ja̧danö ju'wibi jö̧ba̧lijetö Abrahamma: — Ju'wibi yöta̧la. Sarama isabenö ötjö chöjawuju, chabe'do itjijujayonö chojo'do jitjijubö̧kuju. Jobujunö chilekwo baibanö chemijatö.