Génesis 20:1 - Dios Iwene

¹ Ja̧danö, ju'wi möle Abrahamma ö̧jelö Mamretjö labebö a̧li̧kwöchobe Neguev niji jobekwö 'yi̧jetö ömöledökwö, ömöayedökwö, a̧jwi̧mukwö. 'Ya̧jadöma Betel niji, Shur niji 'da̧denö ju̧kwijadötö. Ju'winö jobetjö labebö 'ya̧jadöma Gerar comunidadnö ichibijadötö jobe tjuju̧kwobö.

Génesis 20:1 Referans Kwoze

Génesis 26:6

Jo̧kwaobetjö̧, a̧wi̧chi̧ tjö̧bö tjö̧jiökwe Isaacma, ömöledökwö Gerar nijibe 'ya̧jo̧ jobe ji̧jetö.

Génesis 26:1

Ja̧ möle jobema okobe jwiinö batjiju junawa wobö loobetjö̧ jojodöma a̧wi̧chö tjöbijadötö. Ajayinö, Abraham ö̧jena kwakwawa jwiinadanö jemitupakwöma yemidanö Isaac ö̧jenama jejenö baibijetö, kwakwawa jwiinö, jojodöma a̧wi̧chö tjötjinö. Ja̧danö, jobetjö a̧wi̧chi̧ tjöbö tjö̧jiökwe Isaacma, ömöledökwö Gerar nijibe 'yi̧jetö tjuju̧kwobö. Jobe la'aka luwo̧, Abimelec mikwo̧ma webö bi̧jetö, filisteos jojodö tjuluwo̧.

Génesis 18:1

Ju'wi möle Abrahamma, Mamre itebonö ja̧nö, i̧sa̧do̧ debatö otidineju apjude a'o bi̧jetö, towi nöowi jena. Jenada bi̧jetö, ja̧wo̧ wöatena. Jena ö̧bena Isabenö Jo̧ Diosma öwawachijetö jo̧banöma. Baikwö baledijetö:

1 Samuel 15:7

Ikenama Saulma amalecita jojodönö ujuluwinobe, Havila nijitjö, egipto nijitjö jawo̧ ichobekwö niji Shur mikwobe ichibenanö kabatö.

Deuteronomio 32:51

belö Meriba ojwese'dotjö israel jojodö tjöba a'otjö sulabenö ja̧köbinaduwobetjö̧. Jobetjö weti̧ a̧ja̧kwö, otiwanö weti̧nadanö ja̧köbaduwo jö̧ka̧linaduwobe, –Diosma otiwo̧, suli̧ jwibo̧, jo̧banö otiwanö omukwatö wei̧ da̧ja̧kwaduwo, –jö̧ba̧lö i̧sebö. Jo̧kwaijayonö, jejenö i̧sȩbökönö, weti̧ a̧ja̧kwökönö ja̧köbinaduwobe israel jojodö tjöba a'otjö.

Deuteronomio 1:19

Tupakwö yöawinobe Moisesma, israel jojodönö: —Ja̧danö, duluwo̧ Isabenö Jo̧ Dios ökwödönö weinadanö, Sinaitjö labebö inesö jalobe, ja̧danö labobe jojodö deobe döbaledijatö. Jau chömöledö, ökwödöma ja̧ niji edö waisadöja, isabenö labobe jö̧ba̧lö. Amorreo jojodö tjitebo mösa'iju jȩmi niji dichibotö jö̧ba̧lö, ja̧ niji döbaledijatö, Cades Barneabe dichibenanö kabatö.

Génesis 26:26

Ja̧danö, Abimelecma Gerartjö ichijetö Isaac ö̧jobekwö ömöledöso̧ Ahuzatkwö, guardia jojodö tjuluwo̧ Ficolkwö.

Génesis 26:20

Ja̧danö, je'do tjöbadekwajiawö̧ Gerar jojodö tja̧jwi̧munö te'ada̧ladöma Isaac ömöayedökwö wene juna̧lö jwöbeba̧lakwawijadötö, ökwödö dojwese'do je'doma, jö̧ba̧lö. Jejenö jwötjeba̧lobetjö̧ Isaacma midijetö je'do, Esek, jö̧ba̧lö.

Génesis 24:62

Ja̧danö, öbibö ȩwa̧jonö uluwo̧ Isaacma, jelobe Neguevnö jo̧ma, ojwese'dotjö ȩwa̧jijetö. Je'doma, Diosma edö te'ada̧lo̧, jö̧ba̧lö, mikwe'do.

Génesis 13:1

Ja̧danö, Abramma Egiptonö ö̧jonö balada luwo̧ babibijetö. Pa̧ka̧yö̧nö ba̧jekwadö yebebö, ja̧danö platabi, orobi nöinö juna̧lö balada luwo̧bijetö. Ja̧danö Egiptotjö tja'dewajökwe ȩwa̧jijetö Abramma, Neguev nijibe. Ilekwokwö, okobe jwiinö u̧kwa teakwö ȩwa̧jijetö. Lotbi ȩwa̧jijetö jobadökwö.

Génesis 10:19

Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

Génesis 16:14

Ja̧danö, jejenö baledinobetjö̧ je'do ojwese'doma, Ber Lajay Roí, jö̧ba̧lö, ötjabine'do. Je'do, Cadés niji Bered niji 'da̧detjö döe'doma ina babe mölebi döobe nijitjöma.

Génesis 16:7

Döbibajaju jojodö deena, ojwese'do jobekwö 'yi̧jotö, Shur comunidadbe 'ya̧kwawa mana ö'öbö je'donö. Ja̧danö, jobe jö̧jobe, Isabenö Jo̧ Dios ángeldanö ichejekwö öwawachajo̧ma ichö badekwajijetö jobujunö.

Génesis 16:1

Sarai, Abram ilekwoma, tjemu debijotö. Ja̧danö, jobujuma jömöayujunö, Egipto jojosujunö juna̧lijotö, Agar mikwujunö.

Génesis 14:7

Ikenama jelö tjebachajö En-Mishpat mikwobekwö 'yi̧jadötö, ju'wi imi Cades mikwobe. Jobetjö ölakwabikwawö juluwijadötö amalecitas jojodönö, amorreos jojodönö, Hazezon-tamar nijinö ju̧kwadönöma.

Génesis 12:9

Ikenama ju'wi möle Abramma öibajawö̧kwö jobetjö labebö abiabö 'yi̧jetö a̧li̧kwö, Neguev niji ichibenanö kabatö.

Génesis 25:18

Ismaeltjö tupadanö jojodöma Havila niji, Shur niji 'da̧denö ju̧kwijadötö. Jobema Egiptotjö ja̧wo̧ laebemi ji̧jetö, Asiriabe 'ya̧kwawama ja'ö. Ja̧danö, Ismaeltjö tupadanö jojodöma idödada ölakwabikwawö ju̧kwijadötö.

Éxodo 15:22

Ikenama Moisésma Israel jojodönö öbibö 'yi̧jetö o̧pesobu duwobu mikwobutjö tupakwö mejebe, Sur meje mikwobekwö. Ja̧danö, wa̧pötakwa möle kwebachö 'yi̧jadötö ojwese'do jwiena, ojwiyo owökönö.

Génesis 21:34

Ja̧ möle tupakwö ji̧jetö Abrahamma filisteos tjitebonö, lekwe.