Génesis 2:4 - Dios Iwene

⁴ Baikwö laebobe Isabenö Jo̧ Dios ajayinöma mölejȩ, böjȩ öwa̧pedaja̧ ikena baledina jawa: Isabenö Jo̧ Diosma böjȩ, mölejȩ öwa̧pedaja̧ ikena

Génesis 2:4 Referans Kwoze

Génesis 5:1

Böjanö wȩyukwi̧ma Adántjö tupadanö jojodö tjimibiya ba̧ji̧ wȩyukwi̧. Ja̧danö, Diosma jojodönö otidena, itedadajayedönö otidijetö.

Apocalipsis 1:8

Chömöledö, Duluwo̧ Diosma, jwiinö juluwo̧ma baikwö yöawobe: Ötjöma la'akatjöda ji̧nasa. Ja̧danö, 'dö̧ibajenanö baibanöbi chö̧jakwo̧sa, jö̧ba̧lö. Jejenö yöawobe Diosma, babe jo̧bi, la'akatjöda ji̧nabi, 'dö̧ibajenanö baibanöbi ö̧jakwo̧.

Diosnö ösödo̧ Job mikwo̧ usula emawina jawa 38:28

—Ojwiyobi, si̧li̧'idö tji'olibi abe'dobi ö̧jenaji̧?

1 Reyes 18:39

Ja̧ baledi̧ edö, jojodöma tjöba nijakwö bȩba̧chibö nijakwö metjinobe, jadanö jwötjeba̧linobe, —Isabenö Jo̧ Diosda, Diosbo̧ma, Isabenö Jo̧ Diosda, Diosbo̧ma, —jö̧ba̧lö Diosnö ösödö jwötjeba̧linobe.

Éxodo 15:3

Isabenö Jo̧ma ölakwabikwawö juluwo̧, ja̧danö, iteda imima Isabenö Jo̧, jö̧ba̧lö.

Génesis 36:1

Biya̧ chiwȩyudi̧ma Esaú i̧tji̧mu tjimibiya, ja̧danö Esaútjö tupadanö jojodö tjimibiya. Esaúma ju'wi imi Edom, jö̧ba̧lö mikwijetö.

Génesis 1:31

Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Génesis 1:4

Diosma dewobe edinö ösödijetö, otiwa jö̧ba̧lö. Ikenama ja̧ dewi̧ma wainö ji̧nö, yȩi̧bi wainö ji̧nö junijetö Diosma.

Éxodo 6:16

Ja̧danö baikwö laebobe Jacob itji̧ Leví i̧tji̧mu̧ ömadö tjimibi, ja̧danö Leví ö'dö̧dö tji̧mi̧bi. Levíma ciento treinta y siete año bo̧ ö'wö babibijetö. Jo̧batjö tupadanö jojodöma idöda tja'dö imi ötjabinawö̧, Leví jojodö, jö̧ba̧lö. Ja̧danö, Levi i̧tji̧mu ömadöma bidö: Gersón, Coat, Merari mikwadö. Leví itji̧ Gersón mikwo̧ i̧tji̧mu ömadöma bidö: Libni, Simei mikwadö. Ja̧danö, Leví itji̧ Coat mikwo̧ i̧tji̧mu ömadöma bidö: Amram, Izhar, Hebrón, Uziel mikwadö. Coatma ciento treinta y tres año bo̧ ö'wö babibijetö. Ja̧danö, Leví itji̧ Merari mikwo̧ i̧tji̧mu ömadöma bidö: Mahli, Musi mikwadö. Okobe deinö Levítjö tupadanö jojodöma idöda tja'dö imi ötjabinawö̧, Leví jojodö, jö̧ba̧lö.

Génesis 36:9

Jejenöobetjö̧, Esaútjö tupadanö jojodöma jobe, Seir nijinö ju̧kwijadötö, mö'ösa'iju la'aka ba̧ba̧lawena. Jobadöma edomitas jojodö, jö̧ba̧lö mikwinadö. Jobadöma Esaúnö, da'dö jö̧ba̧lö, öbabijadötö. Ja̧danö Esaútjö tupadanö jojodöma bidö:

Génesis 25:19

Baikwö laeba Abraham itji̧ Isaac ö̧jina yöawi̧ma:

Génesis 25:12

Ismaelma Abraham itji̧ Egipto jojosuju, Sara jömöayuju Agartjö. Böjanö tjimibiya ba̧ji̧ wȩyukwi̧ma Ismaeltjö tupadanö jojodö tjimibiya.

Génesis 11:10

Baikwö laebi̧ma Semtjö tupadanö jojodö tjuju̧kwina jawa. Ja̧danö, jwai balawa okwatina baledaja̧ bajalekwö dötölataja a̧yo baledibena, Sem, cien a̧yo bo̧ma itji̧nö Arfaxad mikwo̧nö 'yabebijetö.

Génesis 10:1

Biya̧ wȩyukwi̧ma Noé i̧tji̧mu ömadö Sem, Cam, Jafet mikwadötjö tupadanö jojodö tji̧mi̧biya ba̧ji̧ wȩyukwi̧. Ja̧danö, jobadö Sem, Cam, Jafet, ojwe okwatina jemi tupakwöma tji̧tji̧munö 'yabebijadötö.

Génesis 1:28

Otidajawö̧nöma yöba̧lijetö, Ökwödönö kwöba̧jekwachaduwobö dösölö̧jinö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yekawaduwo, böjȩ ba̧kwemeachibanö kwöba̧jekwachaduwo. Ja̧danö, böjȩnö ju̧kwadö tjuluwedö baibanö webö kwuju̧kwaduwo. Ba̧i̧bi, mö köba̧lö ju̧kwadöbi, a̧ji̧kwakwawedöbi okobe deinö böjȩnö kwebachö ju̧kwadö tjuluwedö baibanö webö kwuju̧kwaduwo— jö̧ba̧lö webijetö Diosma jojodönö, otidö ujunajawö̧nöma, ökwödönö ösödanö edö pjatatakwo̧sa jö̧ba̧lö.

Génesis 1:1

Ajayinöma Dios wa̧pedijetö okobe jwiinö, mölejȩbi böjȩbi.

Apocalipsis 16:5

Ikenama jelo̧ ángel, ojwe te'ada̧lo̧ ángelma, Diosnö yöa̧lobema cha̧ja̧kwijatö, baikwö: —Ökwöma la'akatjöda ji̧naja. Ja̧danö, babebi jo̧ja. Ökwödaja suli̧ jwibo̧ma. Ja̧danö, ökwöma jweinö omukwatöda lȩbebo̧ja. Biya̧ inia tjötjinö baledobö lȩkebi̧ma, jweinö omukwatö lȩkebobe.

Apocalipsis 11:17

Ja̧danö, Diosnö ösödö yötja̧li̧ cha̧ja̧kwijatö, baikwö: —Duluwo̧ Dios ökwöma juluwo̧ja. Ökwöma babe jo̧bi, la'aka ji̧nabi jo̧ja. Ökwönöda dösöda, Otiwanö pjabato̧ja, jö̧ba̧lö. Ida̧ökö jwiinö kwujulu i̧sebö, böjȩnö webö kwö̧joböma badekwachajabe, kwujulu i̧sebö.

Apocalipsis 1:4

Ötjö, Juan, böja kwialusöjama wȩyudö weta Asianö ju̧kwadönö, Jesúsnö ösödö ko̧ko̧kwa̧lö ba̧jadönöma, jelemutjö dötölatajanö ko̧ko̧kwa̧lö ba̧nö tjuju̧kwitenia. Chömöledö, Diosma ökwödönö lȩlö̧jino edobö chösöda. Ja̧danö, Diosma ökwödönö pjaatobö chösöda, kwo̧'wo̧ luwo̧duwi ösöwachibanö kwö̧jaduwobö. Jo̧bama babe jo̧bi, la'akatjöda ji̧nabi, 'dö̧ibajenanö baibanö ö̧jakwo̧bi. Ja̧danö chömöledö, Dios O̧'wo̧ Luwo̧ma ökwödönö lȩlö̧jino edobö chösöda. Jo̧bama, Dios ö̧bemi abönö bo̧. Ja̧danö, jo̧bama jelemutjö dötölataja ujulu jawa juna̧lo̧, Dios O̧'wo̧ Luwo̧ma.

Isaías 44:6

Israel jojodötjö inesö la'aka luwo̧, Isabenö Jo̧, israel jojodönö tjöbeba̧lö pjabato̧, Okobe Jwiinö Juluwo̧ Isabenö Jo̧ Diosma baikwö yöa̧lobe: Ötjöma ju'wedötjö ajayinö ji̧nasa̧, ja̧danö ju'wedötjö ikena chö̧jakwo̧sa. Jelo̧ Diosbo̧ma deobe, ötjödasa isabenö Diosbo̧ma.

Génesis 1:3

Ikenama: —¡Dewinö babibi!— jö̧ba̧lö webijetö Diosma. Jejenö dewinö baibijetö, iteda wei̧danö.

Génesis 2:3

Ja̧ möle, jelemutjö dötölataja mölema omukwatö dösölö̧jinö edö jö̧ba̧lijetö Diosma: —Biya möle, jelemutjö dötölataja mölema inesö möle baibanö chujuna— jö̧ba̧lijetö Diosma, ja̧ mölema iteda otidawatjö ö'wachö kaatakwawina mölȩobetjö̧.

Diosnö ösödo̧ Job mikwo̧ usula emawina jawa 38:4

Baikwö abebö a̧ja̧kwinobe Diosma, Jobnö: —Damötjö bö̧jȩ la'aka wa̧pedö chujuninenama, jobe edö kwö̧jinaji̧? Isabenö okwa jawa waisanö omukwato̧ kwö̧jitjö̧ma, bi̧ya abebö cha̧ja̧kwakwa̧ atadö labebö loköbo: