Génesis 19:24 - Dios Iwene

²⁴ Ikenama Isabenö Jo̧ Diosma webijetö inawiya ubi̧ öwia mölejȩbetjö tjoduwinö Sodomanö, Gomorranö, okobe deinö jo̧ba comunidadesno ju̧kwadönö, ja̧danö okobe jwiinö nijitjö pokwi̧nanöbi tjoduwinö.

Génesis 19:24 Referans Kwoze

Isaías 13:19

Ja̧danö, jobekwö söbebö lotjobetjö̧, Sodoma comunidaddanö, ja̧danö Gomorra comunidaddanö baibakobe Babilonia comunidadma. Jau, Babilonia comunidadma, ju'wi tjitebotenia comunidadtjö inesö otiwi̧ comunidad ji̧najayonö, Dios Sodomabi, Gomorrabi söbebö loinadanö baibakobe Babilonia comunidadma.

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

2 Pedro 2:6

Ja̧danö, Sodoma comunidadnö ju̧kwadöbi, Gomorra comunidadnö ju̧kwadöbi Dios lȩebitjö̧ tjö̧jibinokobe chömöledö. Jobadönö okobe deinö söbebö loinobe, ja̧danö jobadö tjiteboma ökwölaso̧pja̧ baibanö söbebö loinobe, ¿jö̧tö?

Diosnö ösödo̧ Job mikwo̧ usula emawina jawa 18:15

Jo̧ba ejuma, iteda ömöledötjö bakwo̧bi deejuda ja̧kweju, ja̧danö inesö suli̧ jobetjö dichö lotjakobetjö̧, ubi̧ jawa azufre lilitjakwedö.

Isaías 1:9

Jau chömöledö, ökwödö israel jojodöma, Sodoma comunidaddanö, ja̧danö Gomorra comunidaddanö badibo jö̧da̧linobe, Dios lȩebi̧tjö okobe deinö bakobe debö di̧'yo jö̧da̧linobe chömöledö. Jo̧kwaijayonö, okobe deinö debö di̧'yapji jö̧ba̧lö, Isabenö Jo̧ okobe jwiinö juluwo̧ Diosma ökwödö israel jojodötjö o̧bukwedönö tjöbeba̧lö pjaatajabe, Sodomadanö, ja̧danö Gomorradanö badibapji jö̧ba̧lö.

Lucas 10:12

Ja̧danö, isabenö yötawaduwakwö chömöledö, Dios lȩebakwa̧ möle baibenama, ja̧ comunidad jojodönö isabenö lȩebakobe. Jau chömöledö jobadönö lȩebakwa̧ma, Sodoma jojodönö labinö lȩebakwa̧tjö bajalekwönönö jwiinö lȩebakobe ökwödö pjakataduwobö öpöjödadönöma— jö̧ba̧lö yöawinobe.

Génesis 13:10

Jejenö jö̧a̧liökwe Lotma Jordán ojwe ö'öbö niji ba̧ba̧lawemi eda̧lijetö. Edemi jwiinö otiwanö tiyuwijetö jemi nijima, Sóar niji ichibanö. Otiwanö tiyuwijetö, Edén batjo nijidanö, ja̧danö, Egipto nijidanö. Ja̧ mölema Sodoma niji Gomorra niji Isabenö Jo̧ Dios ina lȩebokobetjö̧ jemima jwiinö otiwijetö.

Génesis 13:12

Abramma Canaánnöda ji̧bijetö. Lotma niji ba̧ba̧lobe comunidadeskwö 'yi̧jetö jobe ö̧jobö, Sodoma comunidad yö̧neawinö.

Génesis 18:17

Isabenö Jo̧ Diosma, Sodoma comunidad eda̧lö itedada jö̧ba̧lijetö: —Abrahamnö yötawobö jo̧be öwaisobö Sodoma comunidad baledobö wetakwa̧ma.

Génesis 19:23

Ikenama ja̧wo̧ ida̧ökö laebajena Lotma, ilekwokwö, i̧tji̧mukwö ichibijetö Zoarnöma.

Éxodo 9:23

Weökwe Moisésma otokwa'o do̧ba̧lö ömamiju kabebö i̧sebemi Isabenö Jo̧ma webijetö mölejebetjö böjekwö ojwiyo o̧bi̧danö inawi̧ya̧ tjoduwi̧nö. Ja̧danö böbabi webijetö Isabenö Jo̧ma, ja̧danö, böba nei̧bi webijetö bö̧jekwö labinö kwaawinö.

Diosnö ösödo̧ Job mikwo̧ usula emawina jawa 1:16

Ja̧danö jo̧ba ina yöawonö, jelo̧ yöbawo̧bi ichibinobe, ja̧danö ichibajo̧ Jobnö yöawinobe, —Ayö chuluwo̧, Dios weaja̧ ökwöla mölejebetjö meajabeta, ja̧danö okobe deinö kwajwimu obejadöbi, obejadönö teada̧ladöbi ubö lotjajabeta. Okobe deinö jobadötjö, ji̧bajo̧ma ötjödasa, ja̧danö ökwönö yöbawö chichajabe chuluwo, —jö̧ba̧lö yöawinobe.

Isaías 30:33

Wanedö yöta̧la: Damötjö Asiria la'aka luwo̧nö juwö loakwemi omudawö ujuninobe Diosma, jalemi ja̧danö da̧kwemi juwö loakwemima, ja̧danö ida̧ökö imi jobe ujunajabe, nöinö imi ko̧ko̧dajo̧ ujunajabe. Ja̧danö, jobe junajo̧, inesö ubinö ubola nötedö pjuakwo̧ Isabenö Jo̧ma, Asiria la'aka luwo̧nö lȩbebö juwö loakobetjö̧.

Deuteronomio 28:24

Ja̧danö ojwiyo o̧bo̧bö jö̧a̧lajemi, i̧so̧pjada jwa̧lȩ'ewobö weakobe, ja̧danö nijiso̧pjada mölejebetjö tjoduwakobe, ökwödönö söbebö loenanö kabatö.

Deuteronomio 29:22

—Jwiinö jo̧bajayedönö lȩebakwo̧ Isabenö Jo̧ma, tjitebo niji bakobenö suli̧ waekwi̧nö, Sodoma comunidadbi, Gomorra comunidadbi, Adma comunidadbi, Zeboyin comunidadbi dameakwö söbebö loinadanö, bakwainö jo̧bajayedö tjitebo suli̧ öwaedakobe. Jwiinö tjitebo niji suli̧ öwaedakobe chömöledö, sayunöbi, ubi̧ azufre jawanöbi. Ja̧danö tjiteboinemi nijitjö ju'wi jayebi pokwökakobe, isa'yebi pokwökakobe, jwiinö suli̧ öwaedakobetjö̧. Ja̧danö, suli̧ öwaediawö̧, kwitji̧mu tupadanö jojodöbi, jelobetjö ichajadöbi tjiteboinemi niji edö yetaibakobe, –Ayö, isabenö jobadönö ödameakwinobe Isabenö Jo̧ma, –jö̧ba̧lö.