Génesis 19:19 - Dios Iwene

¹⁹ Isabenö lȩlö̧jinö kwedajabe ötjönö, kwömöayo̧nöma 'ya̧talobö otiwanö pjabatö. Jo̧kwaijayonö mö'ösa'iju jobekwö ödöobetjö̧ ina chichibapjii söbebö loköbaduwena, ötjöbi debö chi̧'yinö baibanö.

Génesis 19:19 Referans Kwoze

1 Reyes 9:9

Ja̧danö, jejenö abebö tja̧ja̧kwawö̧, tjatadakwedö: –Tjösödökwe Isabenö Jo̧ Diosnö katjatibinobetjö̧, baledajabetija. Jau, Diosma tja'dödönö Egipto nijitjö latjebinö pjaatinajayonö, jo̧banö katjatibinobe israel jojodöma, ja̧danö jo̧banö kabatibajadö, ju'wedö tjösödawö̧ diosbedönöda wo̧batö tjösödinobe, jobadö wetji̧da a̧ja̧kwö. Ja̧danö jejenö sulabenö kabatibö ja̧tji̧ökwe, bi̧ya inesö suli̧ waedakwawa jobadönö lȩbebö weajabetija Isabenö Jo̧ma, –jö̧ba̧lö tjatadakwedö, —jö̧ba̧lö Salomon i̧'wi̧dinö yöawinobe Isabenö Jo̧ma.

1 Samuel 27:1

Ikenama, suli̧ chöwaedoböma chisakwökakwo̧sa jö̧ba̧lö Saul yöa̧lijayonö, Davidma omukwatinobe itedada: —Isabenö yemidanö isakwö ichakwo̧ Saulma, ja̧danö belö latebökötjö̧ma, ju'wi möle Saulma ötjönö kwabö loena. Jo̧kwajabetjö̧ bai israel nijinö chö̧jobö jwiobetjö̧, filisteo jojodö tjitebobe chi̧'yobö otiwena, jobadö tjitebonö chö̧jobö. Jejenö latebobetjö̧, israel nijitjö detiökwe, Saulma ötjönö isakwö kaatakwawena, ja̧danö jo̧batjö chö̧jibena, —jö̧ba̧lö omukwatinobe Davidma.

Deuteronomio 31:17

Jejenö baledi̧tjö̧, ja̧ möle chödameakwakwo̧sa jobadönö, ja̧danö jobadönö le'dedibö, jobadönö pjabatö katatibakwo̧sa. Jejenö jobadönö pjatatokobetjö̧, tjöpöjojodöma juluwanö jobadönö tjujuluwakobe, ja̧danö nöinö wene baledakobe jobadönö, jwiinö usula tjemawinö. Jejenö balediawö̧, ja̧ möle yötja̧lakwawakobe, –Babe wene dujuna̧li̧ma, duluwo̧ Dios dö̧'da̧de deobetjö̧ baledobe, –jö̧ba̧lö yötja̧lakwawakobe.

Génesis 12:13

Chilekwo, ötjönö otiwanö baledakobetjö̧, ja̧danö, ötjönö kwabö lotjökakobetjö̧, yökawo jobadö Egipto jojodönö, ötjöma bite öjawujusa, jö̧ba̧lö— jö̧ba̧lijetö Abramma Sarainö.

Romanos 8:31

Chömöledö, biya̧ babeda yötawaja̧ omukwatö, ökwödönö suli̧ waedo̧ma bakwo̧bi deobe ichejekwa. Diosda ökwödönö pjabato̧obetjö̧, bakwo̧bi deobe ökwödönö suli̧ waedo̧ma chömöledö.

Marcos 9:19

Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.

Lucas 1:58

Ja̧danö, jipjeanö ju̧kwadöbi, jömöledöbi tja̧ja̧kwinobe, Duluwo̧ lȩlö̧jinö edö jitji̧nö jemobö pjaatina wene, ja̧danö jejenö a̧ja̧kwö, Elisabetkwö tjo̧'wo̧ ösöwachibanö tjösödinobe.

Génesis 6:8

Jejenö jö̧a̧lijayonö bakwo̧, Noé mikwo̧nö ösödö lȩlö̧jinö edijetö Isabenö Jo̧ Diosma.

Génesis 19:18

Jejenö weiökwe Lotma jö̧ba̧lijetö: —Chuluwo̧, jobekwö dötibajoböma webökönuwi.

Génesis 19:20

Edi. Yai comunidad ja'yuwemi yö̧neawinö ja̧. Jobekwö juluwanö dötibajo webitjö. Ja'yuwemi ¿jö̧tö̧? Söbebö loköbaduwoko ja̧ comunidadma. Jejenöma jobekwö dötibajitjö̧ma 'yata̧lakwo̧sa— abebijetö Lotma ángelnöma.

Génesis 19:30

Ja̧ baledina tupakwö Lot, Zoar comunidadnö ji̧bajo̧ma yebabikwawiabö labebijetö Zoartjöma mö'ösa'iju jo̧bekwö ö̧jobö, du̧ju̧taja ya̧dö i̧tji̧mukwö. Jobema i̧lȩdo̧ okwa ju̧kwijadötö.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.