Génesis 18:6 - Dios Iwene

⁶ Ikenama Abrahamma eju okwa tebachibö webijetö Saranöma: —Sara, juluwanö emaji harina de trigo otiwa jawatjö, veintenö kilos jenanö. Ikenama pan yo̧bibö kwotido— webijetö.

Génesis 18:6 Referans Kwoze

Mateo 13:33

Jesúsma ju'wi wanedö yöawakwawabi yöawinobe, baikwö: —Bakwuju pan otidujuma, ja'yubeda ye'yeachi̧ jawakwö, nöinö harina jawasa'bekwö wiwoduju. Ja̧danö, ye'yeachi̧ jawa ja'yubeda jiwiwodijayonö, okobe jwiinö pansa'be ye'yeachobe— jö̧ba̧lö wanedö yöawinobe.

1 Pedro 4:9

Ja̧danö, öpöjödökönö, kwo̧'wo̧ ösöwanö kwejuduwinö tebatö kwite'ada̧laduwodönö kwömöledöduwinöma.

Hebreos 13:2

Ja̧danö, jelobetjö ichadönöma otiwanö te'ada̧lö tekataduwo, tjukwa iyö, tjabemibi webö. Ja̧danö damötjö ji̧nadötjö ju'wedöma, Jojodönöda pjabatö tedata, jö̧ba̧lö, tjomukwatijayonö ángelesdönöda tjetjatinobe. Jo̧kwaobetjö̧ chömöledö, Bidö jelobetjö ichadönö pjadatawö̧ma ángelesdöena, jö̧ba̧lö, otiwanö pjabatö kwite'ada̧laduwo.

Gálatas 5:13

Chömöledö, Diosma ökwödönö jwöinobe, Moisés iwȩyudinatjö kwö̧jibaduwinö, ¿jö̧tö? Jo̧kwaijayonö, Aaa, Moisés iwȩyudina ömöayedödanöböködö dö̧jobetjö̧, jwaikwöda dösödi̧ jawada ja̧bö dö̧jo jö̧ba̧löma kwomukwataduwa chömöledö, kwömöledöduwi Jesúsnö ösödadönö ösödabikwawö ja̧nö, tjömöayedödanö ja̧nö pjabatakwawö kwö̧jaduwo chömöledö.

Romanos 12:13

Kwömöledöduwi Cristonö ösödadö jwibö tjö̧jenama, pjakataduwo, ja̧danö jelobetjö ichajadö tjichibenama, öpöjödabökönö te'ada̧lö pjakataduwo.

Hechos 16:15

Ikenama jobujunöbi, jobujukwö jejunö ju̧kwadönöbi ojwenö tjubu̧datijatö. Ikenama Lidiama ökwödönö jö̧ja̧lijatö: —Babema ötjönöma kwöwaisaduwa, Jesúsnö chösödi̧ma. Jejenö ötjönö otiwanö kwedaduwitjö̧ma ötjö chejunö kwuju̧kwaduwo, bemi yöbawöma— jö̧ja̧lijatö. Ikenama jobujuma jejunö duju̧kwobö jwiinö ösödö ajebitjö̧, Jau kwatjö̧ma, jö̧ba̧lö, di̧'yijatö jejube duju̧kwobö.

Isaías 32:8

Jobekwö jabö jö̧kö̧dö, otiwanö tjomukwato jö̧tja̧lawö̧ma. Jobadöma otiwanö ja̧tjotö jö̧ba̧lö omukwatö junadö, jadanö otiwanö ja̧tjakwa̧ jawa omukwatö junajadö, 'diinö ja̧nö otiwanö ja̧bö ju̧kwadö.

Génesis 18:5

Ja̧danö, kwakwawa tjotidobö weta kwukwaduwobö, juluwachibö kwi̧'yaduwo. Ökwödöma chö̧jobekwö kwichaja̧duwobema kwömöayo̧duwisa ötjöma— jö̧ba̧lijetö Abrahamma. Jejenö jö̧a̧liawö̧ jö̧ba̧lijadötö: —Jao kwatjö̧ma, otiwa. Yöka̧li̧danö webi— jöba̧lijadötö.

Génesis 18:7

Ikenama Abrahamma juluwanö ö'öbakwawijetö pa̧ka̧yö̧ tjuju̧kwobekwö. Ichibö bakwo̧ pakayanö, otiwanö möayo̧nö, itebiya 'waabo̧nö ba̧ja̧dö, itenö do̧bati, jö̧ba̧lö, webijetö ömöayo̧nö. Ja̧danö, ömöayo̧ma juluwanö kwabö lobö, kwabö loajökwe i̧sȩdo̧ 'yo̧bö, 'da'dabö otidijetö, itebiya söobö.

Génesis 19:3

Jejenö jö̧tja̧lijayonö Lotma labinö yöa̧liawö̧, Chejube kwabaduwo tebachaduwi, jö̧ba̧lö jo̧bakwö 'ya̧nö ejube tebachijadötö ángelesdöma Lotkwö. Ikenama Lotma kwakwawa otidijetö tjukwobö, pan 'ye'yeachökönö balö. Iyajawö̧ma kwijadötö.

Jueces 6:19

Gedeonma juluwanö ejube ȩwa̧jö, chivo ja'yuwo̧nö kwabö toinobe, ja̧danö trigoso̧pja̧ domulataja jawa kilo jenanö emibö, ye'yeachi̧ jwii̧ jawa pan öpji̧ya otidinobe. Ikenama, otidajo̧, itebiya wi̧lȩyu̧nö anajo̧, ja̧danö isobu toajobu pa̧laka'do̧nö tobajo̧, okobe jwiinö e'ewö i̧'yinobe Isabenö Jo̧ towi teebe ö̧bobekwö, jo̧banö iyobö.

1 Samuel 28:24

Jojosujuma jajwi pakaya itji̧ o̧tewo̧nö jujuna̧linobe, tupakwö chukwakwo̧ jö̧ba̧lö jukwejebinökwema, jo̧kwajabetjö̧ juluwanö jajwinö kwabö tojinobe, ja̧danö harinaso̧pja̧ emö, juluwanö pansa'be otidö ye'yeachi̧ jwiinö wöjinobe.

2 Samuel 13:6

—Jö̧a̧lökwe, jö̧a̧laja̧danö ja̧inobe Amnonma. Nöinö chö'wöcha jö̧ba̧lö, a̧la̧ibökönö kamapjonö ö̧binobe. Ja̧danö la'aka luwo̧ David jo̧banö edö ichenama, Amnonma jo̧banö aebinobe, —Chabe'do, weköbobö ateba, chöjawuju Tamar mikwuju jichobö, ja̧danö chöba a'otjö chösödi̧ pan jotidobö. Ikenama jiyaja̧tjö̧ otiwanö chukwena, —jö̧ba̧lö aebinobe.