Génesis 18:28 - Dios Iwene

²⁸ Cuarenta y cinconöbedö otiwanö omukwatö ju̧kwadö tjuju̧kwitjö̧ma, cinconö jojodönöda jwibatö, jobadönöbi debö tji̧'yobö okobe jwiinö jobe comunidades ¿söbebö loköbenaji̧?— abebö a̧ja̧kwijetö Abrahamma. Jejenö abebö a̧ja̧kwökwe Isabenö Jo̧ Diosma atadijetö Abrahamnöma: —Abraham, cuarenta y cinconöbedö otiwanö omukwatö ju̧kwadönö chöbadekwajitjö̧ma jobadönö tjö̧jibinö pjabatö söbebö lotökakwo̧sa jobe comunidades— atadijetö.

Génesis 18:28 Referans Kwoze

Génesis 18:29

Ikenama yemidanö abebö a̧ja̧kwijetö Abrahamma: —Ja̧danö ¿cuarentanöbedöbi jwiinö otiwanö omukwatö ju̧kwadönö kwöbadekwajitjö̧bi?— abebö a̧ja̧kwijetö. Jejenö abebö a̧ja̧kwökwe Isabenö Jo̧ Diosma atadijetö Abrahamnöma: —Jobadö cuarentanöbedö ju̧kwadönö tjö̧jibinö pjabatö söbebö lotökakwo̧sa jobe comunidades— atadijetö.

Génesis 18:26

Jejenö jö̧a̧lökwe Isabenö Jo̧ Diosma atadijetö Abrahamnöma: —Abraham, cincuentanöbedö otiwanö omukwatö ju̧kwadönö jobe comunidadesnö chöbadekwajitjö̧ma jobadönö tjö̧jibinö pjabatö söbebö lotökakwo̧sa jobe comunidades— atadijetö.

Génesis 18:27

Ikenama Abraham jö̧ba̧lijetö: —Ayö, chuluwo̧, ötjöma nijitjö otikwo̧chijayonö, ökwöla so̧pja̧danö chichejekwijayonö labinö abeba̧lo̧sa ökwönöma baikwö:

Daniel 2:18

pjabatö Mölejȩbe Jo̧ Diosnö atjebobö, Dios lȩlö̧jinö edö Nabucodonosor i̧'wi̧dikwina Danielnö i̧sebobö. Jejenö atjebinobe, waisanö omukwatadö ötjabiwö̧nö kwabö lobö, jobadönöbi kwabö lotjapji jö̧ba̧lö.