Génesis 18:27 - Dios Iwene

²⁷ Ikenama Abraham jö̧ba̧lijetö: —Ayö, chuluwo̧, ötjöma nijitjö otikwo̧chijayonö, ökwöla so̧pja̧danö chichejekwijayonö labinö abeba̧lo̧sa ökwönöma baikwö:

Génesis 18:27 Referans Kwoze

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Génesis 3:19

Juluwachibö otidö kwȩjȩlö̧ja̧sobu kwöbatjö labebö loköbenada ku̧kwama kukwakwo̧ja, yemidanö nijibe tjekachajena baibanö, nijitjö otikwo̧köbobetjö̧. Isabenö ökwöma nijitjö otikwo̧ja. Ja̧danö, yemidanö nijikwö tjekachajakwo̧ja— jö̧ba̧lijetö Diosma.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Isaías 64:8

Chuluwo̧ Isabenö Jo̧, dabe'doma ökwödaja. Ja̧danö, ökwöma lete'otjö dadö otido̧danö jo̧ja, ja̧danö ökwödöma kwotidaja'o lete'odanö ja̧dösa, okobe deinö ökwödöma ökwöda kwotidinawö̧sa.

Diosnö ösödo̧ Job mikwo̧ usula emawina jawa 30:19

Ötjönö ikwö loajabe ichejekwa lete'o jȩmima, ja̧danö babema ökwölaso̧pjadanö, ja̧danö nijiso̧pjadanö ichejekwo̧sa, ja'yubebi mikwawö̧kö̧ batibobetjö̧.

Diosnö ösödo̧ Job mikwo̧ usula emawina jawa 4:19

Jau, Dios ömöayedö angeledöbi Dios öba a'otjö wene juna̧ladö, ja̧danö angeledö wene tjujuna̧litjö̧ma, lete'otjö otidinawö̧ jojodöbi isabenö Dios öba a'otjö wene tjujuna̧lakwedö, la'akatjöda Dios öba a'o wene jwiinö tjö̧joböma jwitjakwedö. —Jau, baikwö yötawa bö̧je jojodönö: Bö̧jȩ jojodöma nijiso̧pjatjö otidinawö̧, ja̧danö pjȩlȩbönö 'bȩbö lotji̧danö, juluwanö kwabö lotjawö̧.

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Génesis 18:28

Cuarenta y cinconöbedö otiwanö omukwatö ju̧kwadö tjuju̧kwitjö̧ma, cinconö jojodönöda jwibatö, jobadönöbi debö tji̧'yobö okobe jwiinö jobe comunidades ¿söbebö loköbenaji̧?— abebö a̧ja̧kwijetö Abrahamma. Jejenö abebö a̧ja̧kwökwe Isabenö Jo̧ Diosma atadijetö Abrahamnöma: —Abraham, cuarenta y cinconöbedö otiwanö omukwatö ju̧kwadönö chöbadekwajitjö̧ma jobadönö tjö̧jibinö pjabatö söbebö lotökakwo̧sa jobe comunidades— atadijetö.

Éxodo 32:11

Jejenö yöawiökwe Moisésma Isabenö Jo̧nö, iteda ösödökwe Diosnö, budekwabinö abebijetö: —Isabenö Jo̧, ¿tajawedö kwo̧'wo sulinö kwedobeda kwömöledönö, Egiptotjö jwiinö kwujulunö latjebinö pjakatinawö̧nöma?