Génesis 18:16 - Dios Iwene

¹⁶ Ikenama jobe ichajadöma Abraham eju apetutjö a̧laibö labebijadötö. Abrahamma jobadökwö 'yi̧jetö, ja'öda. Ja̧danö, labebajadöma ja̧nö eda̧lijadötö Sodomabekwö.

Génesis 18:16 Referans Kwoze

Hechos 21:5

Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Hechos 20:38

Jobadöma Pablonö yöawaja̧ omukwatö, Yemidanö ötjönö kwedaduwokobe, jö̧ba̧lö, yöawaja̧ omukwatö jwiinö tjo̧'wo̧ tjo̧tjekwinö babibijadötö. Ikenama jobadöma Pablokwö 'yi̧jadötö i̧'yakwowi lo̧bekwö.

Hechos 15:3

Ja̧danö, webijadötö Pablonö, Bernabénö ju'wedö Antioquíanö ju̧kwadönöbi Jerusalénbe tji̧'yobö. 'Ya̧jadöma ja'ö, Fenicianöbi, Samarianöbi ichibö jobe ju̧kwadönö yöbawijadötö, Judío jojodöböködöbi Jesúsnö tjösödijatö, Jesúsma dö̧jibinö pjabato̧, jö̧ba̧lö. Ja̧danö, jobe ju̧kwadö Jesúsnö ösödadöma ja̧ yötjawi̧ a̧ja̧kwö jwiinö ösödijadötö.

3 Juan 1:6

Ja̧danö, jobadöma baikwö ȩwa̧jadö Jesúsnö ösödadö ko̧ko̧kwö ba̧jadönöma yötjawijatö, Gayoma okwödönö ösödö dösölö̧jinö ja̧nö pjaatijatö, jö̧ba̧lö. Gayo, yemidanö kwö̧jobekwö tji̧'yenama Dios iwene yöbawö tji̧'yakwa̧ pjakatodönö, tjujuna̧lobö. Jejenö pjakatena Dios iteda iwene yöbawö 'ya̧dönö pjakatobö ösödi̧da pjakatobe Gayo.

Romanos 15:24

Jau chömöledö, chedemi Españabe chi̧'yenama, ja'ö ökwödö Roma jojodönö edö chi̧'yena. Ja̧danö, ökwödönö edö chösödena chömöledö. Ja̧danö, ökwödökwö ja̧nö chösödocha ja'yubenö lekwe. Ja̧danö jemi ikenama, ja'yubenö lekwe ökwödökwö chö̧jajabema, jemi tupakwö pjakataduwena, Españabe chi̧'yobö.

Génesis 18:2

Abrahamma jobe apjude a'o ba̧nö, edemi omönanö ömadö wa̧medukwa ji̧jadötö, jo̧ba ö̧bemi badeibö. Jobadönö edö omönanö a̧laibö jobadö tjö̧jobekwö 'ya̧wibö u̧yu̧jukijunö bamatö öba bȩbachibijetö nijakwö uunö, chuluwedö, jö̧ba̧lö.

Génesis 18:15

Sarama Isabenö Jo̧ Dios ¿tajawedö obujuda? jö̧a̧lioko yebaibijotö. Jo̧kwaobetjö̧ jö̧ba̧lijotö: —Isaö̧kö̧. Ötjöma otökötö— jö̧ja̧lökwe: —Omöna yöka̧la. Oköbatö— jö̧ba̧lijetö Isabenö Jo̧ Diosma.

Génesis 18:22

Ikenama jobadö wa̧medukwa jojodötjö du̧ju̧tajama 'yi̧jadötö Sodomabema. Jo̧kwaijayonö Isabenö Jo̧ Diosma ji̧bijetö Abrahamkwö.

Génesis 19:1

Ja̧danö, jobadö du̧ju̧taja ángelesdö, Abraham ö̧jelö labebajadöma Sodoma comunidadnö ichibijadötö yi̧benakwö. Tjichibena Lotma Sodoma teachakwawemi apjude apetukwöchobe bi̧jetö. Jobadö tjichobe edö Lotma a̧laibö tjichobekwö 'yawibö u̧yu̧kijunö jamatö öba bȩbachibijetö nijakwö uunö.