Génesis 18:14 - Dios Iwene

¹⁴ Abraham, ötjö, Isabenö Jo̧ Diosma ¿baledobö weti̧ waiyi̧ma jo̧beji̧'? Jo̧okobe. Jweinö yöta̧la Abraham, kwilekwo Sarama kwitji̧nö jemakobe. Babedajayena ju'wi o̧ba ichenama yemidanö chichocha. Chichenama Sara jitji̧nö jujuna̧lakobe— jö̧ba̧lijetö Isabenö Jo̧ Diosma Abrahamnöma.

Génesis 18:14 Referans Kwoze

Lucas 1:37

Jau María, ¿dakwö chitji̧nö chemoböjö? jö̧ba̧lö wajwiköbijayonö, omukwatökönuwi, jejenö baibobö jwiena jö̧ba̧löma. Dios otidobö jwii̧ma, ¿ju'wi jayebi jȩnaji̧? Isabenö ju'wi jayebi jwiobe Dios otidobö jwii̧ma. Isabenö okobe jwiinö otidobö juluwo̧ Diosma. Jo̧kwajabetjö̧ metu'wo bakibobö jwiena jö̧ba̧lö ichejekwijayonö, isabenö Dios ujulunö metu'wo kwö̧jakwujuja— jö̧ba̧lö yöawinobe ángelma.

Mateo 19:26

Atjebökwe, jobadönö edö Jesúsma atadinobe: —Jojodö tjujulunö tjö̧jiboböma jwiobe. Jo̧kwaijayonö okobe jwiinö ja̧obö juluwo̧ Diosma, ja̧danö Dios pjaatitjö̧ma ji̧kwa jo̧be— jö̧ba̧lö atadinobe Jesúsma.

Marcos 10:27

Jesúsma, jobadönö eda̧lö jö̧ba̧lijetö: —A̧ja̧kwaduwitjö. Jojodöma idöda tjujulunö Dioskwö tjichibobö jwiobe. Dios ujulunöda jo̧bakwö tjichibobö jo̧be. Diosda jojodö itekwö tjichibobö webo̧ma— jö̧ba̧lijetö Jesúsma.

Efesios 3:20

Jo̧kwaobetjö̧ chömöledö, jo̧banö dösödaduwo, Diosma jwiinö otiwo̧, jö̧ba̧lö. Jo̧bama do̧'wo̧ luwo̧nö ö̧jobe, iteda ujulunö pjabatö ökwödönö. Jo̧banö adebenama pjabato̧, iteda ujulunö. Ja̧danö, Diosma otiwanö tupakwö pjaatobe. Ökwödö omukwatö adebi̧tjö bajalekwönönö otiwanö tupakwö pjaatobe.

Diosnö ösödo̧ Job mikwo̧ usula emawina jawa 42:2

—Chuluwo̧ Dios, chöwaisa, –Okobe jwiinö kwotidobö juluwo̧ja, –jö̧ba̧lö. Chöwaisa, –ju'wi jaye kwotidobö omudawö kwujunitjö̧ma, bakwo̧bi tjöeba̧lobö jwibo̧, –jö̧ba̧lö.

Filipenses 4:13

Jau chömöledö, Cristoma chujuluwachibanö pjaatobetjö̧, okobe jwiinö ja̧ jawa chöbaledobö chujuluwobe.

Romanos 4:21

Jau chömöledö, Abrahamma jwaikwöda omukwatinobe, Diosma ja̧tocha jö̧a̧litjö̧ma, ja̧akwo̧, ujulubi jö̧a̧li̧danö ja̧oböma juna̧lo̧, jö̧ba̧lö, omukwatinobe Abrahamma.

2 Reyes 4:16

Jichibiökwe, —Jojosuju, makösaba, babedajayenö, ökwö kwitji̧nö wo̧ba̧lö do̧ka̧lakwujuja, —jö̧ba̧lö yöawinobe Eliseoma. Yöawioko, —Ayö chuluwo̧ Dios yöawi̧ yöbawo̧, jobekwö chujuna̧lobö jwiena ichejekwa, jobekwö chösödachibanö omöna yökawoko, jweinöda yöbawitjö, —jö̧ba̧lö.

Deuteronomio 7:21

—Jobadönö yekabiduwoböma jwiobe chömöledö, baikwö yötawa: Inesö okobe deinö yetjaibo jö̧tja̧lökwema, ökwödö kwuluwo̧duwi Isabenö Jo̧ Diosda chömöledö, ja̧danö jo̧bada ökwödökwö ö̧jobetjö̧, ju'wedönö yekabiduwobö jwiobe.

Mateo 14:31

Jesúsma juluwanö Pedronö do̧atinobe ojwiyo okwa meapji jö̧ba̧lö, ja̧danö jo̧banö yöa̧linobe: —Ja'yubeda chujulu ösödo̧ja Pedro. ¿Tajawedö ujuluwökena jö̧ba̧lö kwomukwataja̧da?— jö̧ba̧lö yöa̧linobe Jesúsma Pedronö.

Deuteronomio 30:3

isabenö lȩlöjinö edakwo̧ kwuluwo̧duwi Isabenö Jo̧ Diosma chömöledö. Ja̧danö, ökwödönö lȩlöinö edö, ju'wedö tjitebotenia kwö̧jaduwelö, ökwödönö ko̧ko̧dö tjeatakobe kwiteboduwibe, ja̧danö yemidanö otiwanö ökwödönö iyö pjaatakobe, ajayinö kwujuna̧linaduwadanö otiwanö kwujuna̧laduwobö.

Génesis 18:10

Ja̧danö jobadötjö bakwo̧ yöbawijetö: —Abraham. Isabenö, babedajayena ju'wi o̧banö yemidanö chichocha. Chichenama kwilekwo Sarama ida̧ökö jitji̧nö jujuna̧lakobe— yöbawijetö. Ja̧danö, Sarama apjude okwakwöchobe, yö̧ne ja̧nö jo̧ba yöawi̧ma a̧ja̧kwa̧lijotö.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

Diosnö ösödo̧ Job mikwo̧ usula emawina jawa 36:5

Diosma isabenö juluwo̧, jo̧kwaijayonö juluwo̧jayonö, jojo bakwo̧nöbi öpöjödö̧kö̧, –Bitema mikwawö̧kö̧, –jö̧ba̧lö. Isabenö juluwo̧ Diosma, ja̧danö okobe jwiinö okwa jawa waiso̧ Diosma.

Génesis 17:21

Jo̧kwaijayonö kwitji̧ Isaacnö, ja̧danö Isaactjö tupadanö jojodönöbi chiwene yöbawö chujunina badekwachinö dösölö̧jinö edö pjatatakwo̧sa. Abraham, yötawakwö, ju'wi o̧ba babedajayena Sarama jo̧banöma jemakobe— yöbawijetö Diosma Abrahamnöma.

Lucas 8:50

Jejenö yöa̧liökwe, Jesúsma Jaironö yöa̧linobe: —Yebabökönuwi. Kwitjijunöma, ötjö chujulu kwösöditjö̧ma isabenö jö'wöchi̧tjö jö̧bibakwuju kwitjijuma— jö̧ba̧lö.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.

Filipenses 3:21

Jo̧ba ichenama, diteba'o böjȩ jawasa'o balewachinö ja̧akobe chömöledö, iteda iteba'o otiwa'o juluwa'odanö ökwödöbi dujuna̧lakobetjö̧. Jau chömöledö, Duluwo̧ Jesucristoma okobe jwiinö juluwo̧, okobe deinöbi okobe jwiinöbi ujuluwo jö̧ba̧lö, ja̧danö ja̧ iteda ujulunö, döbalewachinö ja̧akwo̧.

Lucas 1:18

Jejenö yöawiökwe Zacaríasma atadinobe: —¿Dakwö chöwaisobö, isabenö yöka̧li̧danö baledakwa̧ma? Ötjöma ida̧ökö pöesa, ja̧danö chilekwoma ida̧ökö pöo, jo̧kwajabetjö̧ ¿dakwö chöwaisakwa̧da yöka̧li̧danö isabenö chilekwo jitji̧nö jemakwa̧ma? Chedemi jemökena— jö̧ba̧lö.

Mateo 3:9

Omukwatökönaduwi, Aaa, Abraham i̧tji̧mu tupadanö jojodödobetjö̧, Dios lȩebököwö̧sa, jö̧ba̧lö. Abraham i̧tji̧mu tupadanö jojodö kwö̧jaduwi̧ma mikwawokobe, Dios lȩebi̧tjö kwö̧jibaduwoböma. Diosma isabenö Abraham i̧tji̧mu tupadanö jojodönö pjaatakobe, jo̧kwaijayonö ösöditjö̧ma, biwa inawiyatjö Abraham i̧tji̧mu tupadanö jojodönö otidena, jobadönö pjaatobö.

Génesis 18:13

Ikenama Isabenö Jo̧ Diosma abebö a̧ja̧kwijetö Abrahamnöma: —Sarama ¿tajawedö obujuda, ötjö puoma isabenö chemakwaji̧ chitjinö, emököjusa, jö̧ba̧lö?

Génesis 18:15

Sarama Isabenö Jo̧ Dios ¿tajawedö obujuda? jö̧a̧lioko yebaibijotö. Jo̧kwaobetjö̧ jö̧ba̧lijotö: —Isaö̧kö̧. Ötjöma otökötö— jö̧ja̧lökwe: —Omöna yöka̧la. Oköbatö— jö̧ba̧lijetö Isabenö Jo̧ Diosma.

Génesis 21:1

Ja̧danö, Isabenö Jo̧ Diosma Saranö ösödö pjabatijetö. Jo̧ba ajayinö yöbawö ujuninadanö, Sarama jitji̧nö jemakobe, jö̧ba̧lö̧ badekwachinö pjabatijetö.

Génesis 21:2

Jo̧kwaobetjö̧ Sarama metu'wo ji̧jotö. Ja̧danö, Abraham pöe ö̧jena itji̧nö emijotö Sarama, Dios jö̧a̧lina möle.

Isaías 50:2

Ja̧danö ökwödönö pjatatotö jö̧ba̧lö chichenama, tajawedö deköbinaduwada? Ökwödönö jwötenama, tajawedö bakwo̧bi atadinököda? Kwö̧jibaduwinö pjatatobö chujuluwokobetjö̧, pjatato jö̧ta̧linama waekwinaji̧? Ja̧maökö chömöledö, isabenö juluwo̧sa. Yöba̧löda jwaibalawa webö, —Kököbachibi, —jö̧ba̧lö wetitjö̧ma, juluwanö kököachibawa. Ja̧danö ojwebiya lamatemi kököachibobö wetitjö̧ma, juluwanö kököemi baibanö balewachobe, ja̧danö okwa lö̧ji̧nadö ba̧i̧ma, juluwanö ö'wö babibö woinö 'dö̧ekwobe.

Daniel 6:20

Yöne ichibö, o̧'wo̧ tjo̧achö jwöinobe: —Yabalo̧ Dios ömöayo̧ Daniel, ¿ba̧kwȩlö̧jatebö wei̧ a̧ja̧kwö kwösödökwe Diosma, didibatjö kwö̧jibinö pjaatobö ujuluwaji̧?— jö̧ba̧lö.

Génesis 17:16

Ja̧danö, jobujunö dösölö̧jinö edö pjatatocha. Jobujutjö kwitji̧nö chiyakwo̧sa. Jaö, dösölö̧jinö edö pjatatocha jobujunöma, ba̧jekwadö böjȩnö jelobebi jelobe tjuju̧kwakwedö abönö jinuju bajibanö. Jobujutjö tupadanö jojodöma tjuluwedö batjibakobe— yöbawijetö Diosma Abrahamnöma.

Jueces 13:3

Ja̧danö, ju'wi möle Isabenö Jo̧ma, angeldanö ichejekwö öwawachinobe Manoa ilekwonö, ja̧danö jobujunö yöawinobe, —Metu'wo babibökuju kwitji̧mu deköbelö, isabenö metu'wo kwö̧jakwujuja, ja̧danö kwitji̧nö kwemakwujuja.