Génesis 18:10 - Dios Iwene

¹⁰ Ja̧danö jobadötjö bakwo̧ yöbawijetö: —Abraham. Isabenö, babedajayena ju'wi o̧banö yemidanö chichocha. Chichenama kwilekwo Sarama ida̧ökö jitji̧nö jujuna̧lakobe— yöbawijetö. Ja̧danö, Sarama apjude okwakwöchobe, yö̧ne ja̧nö jo̧ba yöawi̧ma a̧ja̧kwa̧lijotö.

Génesis 18:10 Referans Kwoze

Génesis 21:2

Jo̧kwaobetjö̧ Sarama metu'wo ji̧jotö. Ja̧danö, Abraham pöe ö̧jena itji̧nö emijotö Sarama, Dios jö̧a̧lina möle.

Génesis 17:21

Jo̧kwaijayonö kwitji̧ Isaacnö, ja̧danö Isaactjö tupadanö jojodönöbi chiwene yöbawö chujunina badekwachinö dösölö̧jinö edö pjatatakwo̧sa. Abraham, yötawakwö, ju'wi o̧ba babedajayena Sarama jo̧banöma jemakobe— yöbawijetö Diosma Abrahamnöma.

Génesis 17:19

Jejenö aebijayonö Diosma atadijetö Abrahamnöma: —Jo̧batjömaökö. Kwilekwo Sarama ökwö kwitji̧nö 'yajebakobe. Jo̧banöma Isaac, jö̧ba̧lö kwimido. Jo̧banöda yöbawö chujuni̧ chiwenema badekwachinö pjatatakwo̧sa. Ja̧danö jo̧batjö tupadanö jojodönöbi yöbawö chujunobetjö̧, ja̧ yöbawö chujuni̧ chiwenema ba̧kwȩlö̧jatebö ja̧kobe— jö̧ba̧lijetö Diosma.

Génesis 17:16

Ja̧danö, jobujunö dösölö̧jinö edö pjatatocha. Jobujutjö kwitji̧nö chiyakwo̧sa. Jaö, dösölö̧jinö edö pjatatocha jobujunöma, ba̧jekwadö böjȩnö jelobebi jelobe tjuju̧kwakwedö abönö jinuju bajibanö. Jobujutjö tupadanö jojodöma tjuluwedö batjibakobe— yöbawijetö Diosma Abrahamnöma.

Gálatas 4:28

Chömöledö, Isaacma Dios chiyocha jö̧a̧linobetjö̧ öbötjachinobe, ¿jö̧tö? Ökwödöbi ja̧danö chömöledö, Dios chiyocha jö̧a̧linobetjö̧ kwöbötjachinaduwobe chömöledö.

Gálatas 4:23

Ja̧danö midö emawuju Agartjö itji̧kwinökwema, Dios chiyocha jö̧a̧lobetjö̧ itji̧kwinökökwe, jo̧kwaijayonö midö emawökuju Saratjö itji̧kwinökwema, Dios chiyocha jö̧a̧linobetjö̧ itji̧kwinobe chömöledö.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

Génesis 16:10

Ja̧danö, ju'wibi yöbawijetö jobujunöma: —Hagar a̧ja̧kwitjö. Ökwötjö tupadanö jojodönöma tjöba̧jekwachinö pjatatakwo̧sa, ba̧jadöbi tjö̧ba̧jadökenanö.

Génesis 18:9

Ikenama jobadötjö bakwo̧ abebö a̧ja̧kwijetö Abrahamnöma: —¿Kwilekwo Saraja?— aebökwe: —Yada o̧do okwa— atadijetö Abrahamma.

Génesis 21:1

Ja̧danö, Isabenö Jo̧ Diosma Saranö ösödö pjabatijetö. Jo̧ba ajayinö yöbawö ujuninadanö, Sarama jitji̧nö jemakobe, jö̧ba̧lö̧ badekwachinö pjabatijetö.