Génesis 17:21 - Dios Iwene

²¹ Jo̧kwaijayonö kwitji̧ Isaacnö, ja̧danö Isaactjö tupadanö jojodönöbi chiwene yöbawö chujunina badekwachinö dösölö̧jinö edö pjatatakwo̧sa. Abraham, yötawakwö, ju'wi o̧ba babedajayena Sarama jo̧banöma jemakobe— yöbawijetö Diosma Abrahamnöma.

Génesis 17:21 Referans Kwoze

Gálatas 3:29

Ja̧danö Cristobedö kwö̧jaduwitjö̧ma, Abraham i̧tji̧mu tupadanö jojodöbedöja, ja̧danö Dios chiyocha jö̧a̧linama kwemaduwakwedöja.

Génesis 18:10

Ja̧danö jobadötjö bakwo̧ yöbawijetö: —Abraham. Isabenö, babedajayena ju'wi o̧banö yemidanö chichocha. Chichenama kwilekwo Sarama ida̧ökö jitji̧nö jujuna̧lakobe— yöbawijetö. Ja̧danö, Sarama apjude okwakwöchobe, yö̧ne ja̧nö jo̧ba yöawi̧ma a̧ja̧kwa̧lijotö.

Hebreos 11:9

Ja̧danö, Diosnö o̧'wo̧ öwana̧lobetjö̧ Abrahamma jobe Dios weajemi ichibö jobeda ö̧jinobe, ju'wedö tjitebonö, iteda itebomaökö. Jo̧ba jelobetjö 'yi̧nama jobe ju'wedö tjitebo nijima balewöda ö̧jinobe. Jobe ö̧jenama otiweju, 'diejunö ö̧jinokobe, iteda itebookobetjö̧. Sule chi̧wo̧dö tjöwö'yetjö otikwado̧ muchebö otidajejunöda ö̧jinobe, otiwökejunö, 'diökejunö. Ja̧danö itji̧ Isaacbi, ö'dö̧ Jacobbi jejenö tjö̧jinobe. Jobadöbi Dios yöbawö junö jö̧a̧linawö̧, Kwiteboduwi chiyocha, jö̧ba̧lö. Jo̧kwaijayonö jobadöbi ju'wedö tjitebonöda tjö̧jinobe chi̧wo̧dö tjöwö'yetjö otikwado̧da muchebö otidajejunöda, Abraham ö̧jinadanö.

Romanos 9:9

Jau chömöledö, baikwö laebobe Dios iwene, Abraham a̧dekwanö itji̧nö jemakwa̧ma: Babedajayena ju'wi o̧banö yemidanö tebachö chichocha. Chichenama kwilekwo Sara ida̧ökö jitji̧nö jujuna̧lakwuju, jö̧ba̧lö laebobe Dios iwene, Dios Abrahamnö yöawinama.

Hechos 1:7

Jejenö abebö tja̧ja̧kwiökwe Jesúsma atadijetö: —Ja̧ baledakwa̧ waiso̧ma chabe'doda. Ökwödö kwöwaisobö, ¿Dianö baledakwa̧da? ¿Taji möle baledakwa̧da? jö̧ba̧lö, kwöwaisaduwoböma jwiobe— atadijetö Jesúsma—.

Diosnö ösödo̧ Job mikwo̧ usula emawina jawa 14:13

—Chuluwo̧ Dios, baikwö chösödi̧ yöta̧lakwö, ö'wö babibinadö tju̧ju̧kwemi ötjönö tojö kwujunobö chösöda, inesö ötjönö kwödameakwi̧ seachibenanö kabatö. Tupakwö yemidanö ötjönö kwomukwatakwa̧ möle omudawö kwujunobö chösöda, ja̧danö ja̧ mölȩda yemidanö ötjönö kwomukwatobö chösöda chuluwo̧.

Éxodo 3:6

Ina jö̧ba̧lijetö: —Moisés, ötjöma kwabe'do ösödökwe Diossa. Ja̧danö, ökwö kwa'dödö tjösödökwe Diossa. Abraham, Isaac, Jacob tjuluwo̧ Diossa ötjöma— jö̧ba̧lijetö Diosma Moisésnöma. Jejenö jö̧a̧liökwe yebaibö öba muchekwijetö Moisésma, ömamunö, Diosnö cheditjö̧ma ö'wö batibena, jö̧ba̧lö.

Éxodo 2:24

Usula emawö jwötjeba̧li̧ma a̧ja̧kwijetö Diosma. Ja̧danö, omukwatijetö Diosma damötjö Abrahamnö Isaacnö Jacobnö iteda iwene yöbawö ujuninama, jobadötjö tupadanö jojodönö pjatatakwo̧sa, jö̧ba̧lö.

Génesis 46:1

Ja̧danö, Israelma okobe deinö ömöledökwö, ömöayedökwö, a̧jwi̧mu̧kwö, ja̧danö okobe jwiinö u̧kwa tea e'ewö 'yi̧jetö Egiptobe. Ja'ö 'ya̧nö Beersebanö ichibö juwö iyijetö Diosnö ösödö, abe'do Isaac uluwo̧ Diosnöma.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Génesis 17:19

Jejenö aebijayonö Diosma atadijetö Abrahamnöma: —Jo̧batjömaökö. Kwilekwo Sarama ökwö kwitji̧nö 'yajebakobe. Jo̧banöma Isaac, jö̧ba̧lö kwimido. Jo̧banöda yöbawö chujuni̧ chiwenema badekwachinö pjatatakwo̧sa. Ja̧danö jo̧batjö tupadanö jojodönöbi yöbawö chujunobetjö̧, ja̧ yöbawö chujuni̧ chiwenema ba̧kwȩlö̧jatebö ja̧kobe— jö̧ba̧lijetö Diosma.

Génesis 18:14

Abraham, ötjö, Isabenö Jo̧ Diosma ¿baledobö weti̧ waiyi̧ma jo̧beji̧'? Jo̧okobe. Jweinö yöta̧la Abraham, kwilekwo Sarama kwitji̧nö jemakobe. Babedajayena ju'wi o̧ba ichenama yemidanö chichocha. Chichenama Sara jitji̧nö jujuna̧lakobe— jö̧ba̧lijetö Isabenö Jo̧ Diosma Abrahamnöma.

Génesis 21:1

Ja̧danö, Isabenö Jo̧ Diosma Saranö ösödö pjabatijetö. Jo̧ba ajayinö yöbawö ujuninadanö, Sarama jitji̧nö jemakobe, jö̧ba̧lö̧ badekwachinö pjabatijetö.