Génesis 17:17 - Dios Iwene

¹⁷ Ikenama Abrahamma u̧yu̧kijunö bamatö öba bȩbachibijetö nijakwö uunö. Dios yöawaja̧ omukwatö, itedada omajadenö obijetö ¿Isabenö bakwo̧ma, cien a̧yo bo̧ma, itji̧nö 'yaebenaji̧? ¿Isabenö Sarama noventanö a̧yo bujuma jitji̧nö jemakwa̧ji̧? jö̧ba̧lö.

Génesis 17:17 Referans Kwoze

Apocalipsis 11:16

Ikenama damö la'aka luwedö, veintecuatronö, Dios ö̧bemi badeibö ba̧jadöma nijakwö meibö tjöba bȩbachibö Diosnö tjösödobe chedijatö.

Juan 8:56

Kwa'dömine Abrahamma jwiinö o̧'wo̧ ösöwanö ji̧jetö ötjö böjȩkwö chichakwa̧ omukwatö. Ja̧danö, jwiinö o̧'wo̧ ösöwanö ji̧jetö ja̧ möle ötjönö edakwa̧ omukwatö— yöawinobe Jesúsma.

Génesis 21:6

Ja̧danö, Sarama jö̧ba̧lijotö: —Diosma pjaatajabe ötjönöma cho̧'wo̧ ösöwanö otobö. Ja̧danö, okobe deinö ya̧döma chitji̧nö chemaja̧ yötjawi̧ a̧ja̧kwö tjo̧'wo̧ ösöwanö otjakobe, otiwanö jemajabe, jö̧ba̧lö.

Génesis 18:12

Ja̧danö, jobujuma Isabenö Jo̧ Dios yöawi̧ a̧ja̧kwö obö omukwatijotö jomajadenö, ötjöma ida̧ökö pjolobachujusa ¿dakwö chösödobö pöe chilekwekwö alewö chö̧ji̧ma? jö̧ba̧lö.

Génesis 17:3

Ja̧ yöawi̧ a̧ja̧kwö Abramma u̧yu̧kijunö bamatö öba bȩbachibijetö nijakwö uunö. Ja̧danö, Diosma yöbawijetö Abramnöma:

Apocalipsis 5:8

Ikenama, tjöbajalebiya a̧tja̧bayedöda ju̧kwawö̧ ö'wejemu luwabi, damö la'aka luwedö veinticuatronöbi tju̧yu̧ju̧ki̧junö bamatö, tjuu nijakwö bȩtjachibijatö, Obeja Itji̧danö Jo̧ öba a'o. Jobadöma, bakwo̧nökwena, harpa do̧ba̧lakwawö bȩtjachibijatö. Ja̧danö, dȩja̧'di̧ju, orotjö otikwa o'di̧ju, bakwo̧nökwena do̧ba̧la̧kwawö bȩtjachibijatö. Ja̧ o'di̧junöma söinö nöekwi̧ jawa, imiyu'wo söinö nöekwi̧ o'wo baibanö tjujuwi̧ jawa, okwijatö, su̧'bȩnö. Ja̧ söinö nöekwi̧ jawatjö söinö nöekwi̧ imiyu'woma Dios ömöledö babibinadö Diosnö atjebi̧ wanekwachobe.

Diosnö ösödo̧ Job mikwo̧ usula emawina jawa 1:20

Jejenö yötjawiökwe, Jobma jwiinö o̧'wo tjoachinobe, ja̧danö a̧la̧ibö ö̧kamijido̧ kȩ'ekwö loinobe, ja̧danö öwö'ye jwobawö loinobe, jwiinö o̧'wo tjo̧acho̧sa, jö̧ba̧lö. Ja̧danö, Dios öba a'o mebö bamatö, Diosnö ösödinobe,

Daniel 8:17

Ja̧danö chö̧jobekwö yöne ichibinobe, ja̧danö ichenama, yetaibijatö̧, ja̧danö yebabinö chöba nijakwö chöbamatijatö. Jo̧kwaijayonö yöne ichibö, Gabrielma ötjönö yöa̧linobe: —Jojo, kwöwaisobö jo̧be, kwedaja̧ jawama, 'dö̧ibaji̧ möle baledakwa̧ jawa kwedajabe— jö̧ba̧lö.

1 Crónicas 21:16

Ja̧danö, Jerusalennö ja̧nö, Davidma möakwö edinobe, ja̧danö Isabenö Jo̧ weökwe angelnö edinobe, mölejebi, bö̧jebi ö'wejenö jo̧nö. Angelma ömamunö kwölöte'o do̧ba̧lö, Jerusalen comunidad wame debatö ö̧jinobe, ja̧danö jobe ö̧ji̧ edö, Davidbi ju'wedö Jerusalen comunidad luwedöbi kamijido̧ epju̧yunö kalukaa̧do̧ 'dubawö, tjo̧'wo tjoachö tjöba nijakwö tjö̧bamatinobe.

Jueces 13:20

Manoa iyaja̧ ubi̧ ökwöla mölȩjȩbe kaamenama, angeldanö ichejekwo̧ Isabenö Jo̧ma, ökwölanö kaekwajinobe mölȩjebe, tjöba a'otjö debi baibanö. Ja̧danö, jejenö balediawö̧, Manoabi ilekwobi yetjaibanö tjöba nijakwö metji̧nobe.

Josué 7:6

Ikenama, jejenö balediawö̧, Josuebi, ju'wedö israel jojodötjö luwedöbi jwiinö o̧'wo tjo̧achö tjökamiji̧do̧ kȩ'ekwö lotjinobe, ja̧danö Isabenö Jo̧ iteapjo öba a'o tjöba nijakwö tjöbamatinobe, ja̧danö jobe tjö̧binobe, yi̧ibena baibanö. Ju'wibi, nijiso̧pja tjuunö tjöwaninobe, jwiinö do̧'wo tjo̧bekwadösa jö̧ba̧lö.

Josué 5:14

Abebö a̧ja̧kwökwe, —Ötjöma ökwödötjöbi, kwöpöjojodötjöbi jojobö̧kö̧sa, ötjöma Isabenö Jo̧ ömöayedö ölakwabikwawa jojodötjö tjuluwo̧sa, ja̧danö mölejebetjö kwö̧jobekwö chichajabe, —jö̧ba̧lö atadinobe. Atadökwe, Josuema öba nijakwö öbamatinobe, ichajo̧nö ösödö, ja̧danö abebö a̧ja̧kwinobe, —Chuluwo̧, kwömöayo̧sa, weawa yöbawitjö̧, a̧ja̧kwö ja̧tobö, —jö̧ba̧lö.

Deuteronomio 9:25

—Jau chömöledö, sulabenö ja̧köbaduwiökwe, Isabenö Jo̧ ökwödönö söbebö loobö jö̧a̧linobe, jo̧kwajabetjö̧ cuarenta mölebi yö̧tebi jo̧ba öba a'o ba̧nö ateba̧lijatö ökwödönö. Ja̧ ateba̧lina jawa baikwö yötawaduwakwö chömöledö:

Deuteronomio 9:18

—Jemi ikenama ajayinö Isabenö Jo̧ öba a'o chöbamatinadanö, yemidanö chöba nijakwö Isabenö Jo̧ öba a'o bamatö chö̧bijatö. Kwakwawa kwökönö, ja̧danö ojwiyo owökönö, jobe cuarenta mölebi, cuarenta yö̧tebi chö̧bijatö, Diosnö abeba̧lö. Jau chömöledö, ökwödöma isabenö nöinö sulabenö ja̧köbinaduwobe. Isabenö Jo̧ inesö öpöjödi̧ jawa sulabenö ja̧bö, ökwödönö ödameakwobö ja̧köbinaduwobe, ja̧danö jejenö ja̧köbinaduwi̧tjö̧,

Mateo 2:11

ja̧danö o̧do okwa tebachö, tjemunöbi, ojo'do Maríanöbi tjedinobe. Jejenö tjemunö edö, bȩbachibö tjösödinobe tjemunö, ja̧danö tjiyobö tjichejebaja̧ nöinö mikwawi̧ jawa jo̧banö tjiyinobe, orobi, omewi̧ jawa incienso ötjabi̧ jawabi, ju'wi omewi̧ jawa mirra ötjabi̧ jawabi.

Lucas 1:18

Jejenö yöawiökwe Zacaríasma atadinobe: —¿Dakwö chöwaisobö, isabenö yöka̧li̧danö baledakwa̧ma? Ötjöma ida̧ökö pöesa, ja̧danö chilekwoma ida̧ökö pöo, jo̧kwajabetjö̧ ¿dakwö chöwaisakwa̧da yöka̧li̧danö isabenö chilekwo jitji̧nö jemakwa̧ma? Chedemi jemökena— jö̧ba̧lö.

Génesis 17:18

Ikenama Abraham abebijetö Diosnö: —Chitji̧ Ismaelnö dösölö̧jinö edö pjakato, yöbawö kwujuni̧ kwiwenema Ismaeltjöda badekwachobö. Jo̧batjöda ötjötjö tupadanö jojodö tjöbadekwacho— abebijetö Abrahamma.

Génesis 18:11

Ja̧danö Sara, Abraham jwiinö damöbijadötö. Sarama iwobi debachinuju pöojobetjö̧.

Génesis 21:5

Ja̧danö, Abrahamma cien a̧yo bo̧ ö̧jena itji̧nö emijotö Sarama.

Génesis 21:7

¿Ti yöa̧linajö Abrahamnöma, Kwilekwo Sarama jitji̧nö o̧do'bi̧ ojwö jö̧jakwuju, jö̧ba̧lö? Jejenö yötja̧li̧ma la'akatjöda yötja̧linökena. Jo̧kwaijayonö babema Abraham itji̧nö chemajabe. Jao, chilekwe jwiinö pöe ö̧jijayonö itji̧nö chemajabe— jö̧ba̧lijotö Sarama.