Génesis 13:18 - Dios Iwene

¹⁸ Jejenö weiökwe Abramma isa̧do̧tjö otidinejuma ejatibö e'ewö 'yi̧jetö. 'Ya̧jo̧ Hebrón comunidad ö'öbönö ju̧kwijetö, towibiya owiawi ju̧kwena. Jobema jelo̧ itebo, Mamre mikwina. Abramma jobetjö otidijetö juwö iyawemi, Isabenö Jo̧ Diosnö ösödobö.

Génesis 13:18 Referans Kwoze

Génesis 35:27

Ja̧danö, Jacobma ömöledökwö bajalianö ichibijadötö abe'do Isaac ö̧jobe, Mamre comunidadma. Jobema ju'wi imi Kiriat Arabat, jö̧ba̧lö mikwijetö. Ja̧danö babe molema ja̧ comunidadma Hebron mikwobe. Jobema Abraham, Isaac ajayinö tjuju̧kwinemi, jelobetjö ichajadö, ju'wedö tjitebonö ja̧nö.

Génesis 18:1

Ju'wi möle Abrahamma, Mamre itebonö ja̧nö, i̧sa̧do̧ debatö otidineju apjude a'o bi̧jetö, towi nöowi jena. Jenada bi̧jetö, ja̧wo̧ wöatena. Jena ö̧bena Isabenö Jo̧ Diosma öwawachijetö jo̧banöma. Baikwö baledijetö:

Génesis 14:13

Jejenö baledonö Abram, hebreo jojoma amorreo jojo Mamre mikwo itebonö, towibiya owiawi̧ ju̧kwena ji̧jetö. Jo̧ba Mamrema Escol, Aner tjöpöe. Jobadöma ajayinöma Abramkwö tjiwene yöbawö junijadötö, Ju'wedö baikwö ölakwabikwawö tjujuluwotö jö̧ba̧lö tjichitjö̧ma ökwödöma pjabatakwawö dölakwabikwawo, jö̧ba̧lö. Abramma jobadö amoreo jojodö tjitebonö ji̧jetö, la'aka luwedö tjömöayedö guardiakwö ölakwabikwawonö. Ja̧danö, jelo̧ ichibijetö Abram ö̧jobema, juluwadötjö döbibajo̧ma. Ichibö Abramnö yöbawijetö, Juluwadöma kwömöledöso̧ Lotnö do̧batibö tje'ewajabe, jö̧ba̧lö.

Génesis 8:20

Latjebaja̧ ikena Noéma Isabenö Jo̧nö juwö iyawemi otidijetö. Otidajo̧ a̧jwi̧mutjö̧, Isabenö Jo̧nö iyawedötjö ju'wedönö bakwo̧nökwena do̧batö tjö̧kwölanö 'wi'wibijetö tjökwösobu ebawinö. 'Wi'wiawö̧nö juwö iyawena wa̧nö juwö iyijetö Noéma Isabenö Jo̧nö ösödö. Ja̧danö, mö köba̧lö ju̧kwadötjö Isabenö Jo̧nö juwö iyawedötjö ju'wedönö do̧batö bakwo̧nökwena juwö iyawena wa̧nö juwö iyijetö Noéma Isabenö Jo̧nöma ösödö.

1 Timoteo 2:8

Ja̧danö, Jesúsnö ösödadö Diosnö ösödö ko̧ko̧kwö tjö̧bajenama, baikwö wetadönö: Ömadö Diosnö atjebobö jo̧be, ja̧danö Diosnö atjebenama, tjo̧'wo̧ sulinö ja̧nöma atjeboko, ja̧danö ju'wedönö jwöjwöbakwawö ja̧nöma atjeboko. Jau Timoteo, Dios ösödi̧danö ja̧bö ja̧nö Diosnö atjebobö jo̧be.

Génesis 37:14

Ikenama jö̧ba̧lijetö abe'doma: —Kwedajo kwöpöedö, cha̧jwi̧mubi otiwanö tjuju̧kwojobö. Ikena ȩwa̧jö yökawotjö— webijetö Israelma itji̧ Josénöma, Hebrón niji ba̧ba̧lawena ja̧nö labeibö Siquembe i̧'yobö. Ja̧danö, Joséma jobekwö 'yajo̧ ichibijetö Siquembe.

Génesis 13:4

Jobema Abram ajayinö Isabenö Jo̧ Diosnö juwö iyawemi ji̧jetö. Jelö Abramma Isabenö Jo̧ Diosnö juwö iyö ösödijetö.

Josué 14:13

Jejenö aebökwe, Josuema Diosnö aebinobe, Calebnö pjaatobö, ja̧danö Caleb aebaja̧danö iyinobe, —Hebron comunidadma Jefone itji̧ Calebnö wetobe itebo baibanö, Dios Calebnö chiyocha jö̧a̧lina badekwachinö, —jö̧ba̧lö.

Génesis 23:2

Canaán niji Hebrón comunidadtjö. Abrahamma ö'wö babibajajunö eda̧lö jobujunö tjödajejunö tebachijetö. Tebachajo̧ wojiökwe o̧'wo̧ tjo̧bekwö lekwe ö'wö babibajajunö eda̧lö budekwabijetö Abrahamma, chilekwowe, jö̧ba̧lö.

Hebreos 11:9

Ja̧danö, Diosnö o̧'wo̧ öwana̧lobetjö̧ Abrahamma jobe Dios weajemi ichibö jobeda ö̧jinobe, ju'wedö tjitebonö, iteda itebomaökö. Jo̧ba jelobetjö 'yi̧nama jobe ju'wedö tjitebo nijima balewöda ö̧jinobe. Jobe ö̧jenama otiweju, 'diejunö ö̧jinokobe, iteda itebookobetjö̧. Sule chi̧wo̧dö tjöwö'yetjö otikwado̧ muchebö otidajejunöda ö̧jinobe, otiwökejunö, 'diökejunö. Ja̧danö itji̧ Isaacbi, ö'dö̧ Jacobbi jejenö tjö̧jinobe. Jobadöbi Dios yöbawö junö jö̧a̧linawö̧, Kwiteboduwi chiyocha, jö̧ba̧lö. Jo̧kwaijayonö jobadöbi ju'wedö tjitebonöda tjö̧jinobe chi̧wo̧dö tjöwö'yetjö otikwado̧da muchebö otidajejunöda, Abraham ö̧jinadanö.

Génesis 22:9

Dios weinemi ichibö Abrahamma Diosnö juwö iyawemi otidajo̧ imi wanabijetö jena. Imi wanajo̧ itji̧nö unu'yaja̧ ikena unu'yajökwenöma imiko wame wanijetö.

Génesis 26:25

Ikenama jobe otidijetö Isaacma Diosnö ösödö juwö iyawemi. Jenada Diosnö iyö juwö ösödijetö Isaacma, Isabenö Jo̧ Dios chösödakwö, jö̧ba̧lö. Ja̧danö, jobetjö isa̧do̧ debatö o̧dodanö otidajadö jenada ju̧kwijadötö Isaac, ömöledö, ömöayedö. Ja̧danö, ömöayedöma jobetjö ojwese'do sobijadötö.

Josué 15:13

Ja̧danö, Isabenö Jo̧ Josuenö weinadanö, juda niji baibanö 'da̧batö ujunenama, ja'ö Jefone itji̧ Calebnö 'da̧batö iyinobe. Ja̧ Calebnö iyinama, Quiriat Arba comunidad jo̧banö iyinobe, ju'wi imi Hebron comunidad. Ajayinö anaquita jojodöma jobe tjö̧jinobe, ja̧danö jobadötjö ajayinö ji̧na Anak mikwo̧ abe'doma, Arba mikwo̧ ö̧jinobe, jo̧kwajabetjö̧ jo̧ba iminö comunidad ötjabinobe.

2 Samuel 2:1

Jemi ikenama, baikwö baledinobe. Davidma Isabenö Jo̧nö abebö a̧ja̧kwinobe, —Juda niji comunidadbe chi̧'yobö jo̧beji̧? —jö̧ba̧lö. Abebö a̧ja̧kwökwe, —Jau, kwi̧'yobö jo̧be, —jö̧ba̧lö atadinobe Isabenö Jo̧ma. Atadökwe, —Di̧ya comunidadbe chi̧'yakwa̧da? —jö̧ba̧lö aebökwe, —Hebron comunidadbe kwi̧'yo, —jö̧ba̧lö atadinobe Isabenö Jo̧ma.