Génesis 12:5 - Dios Iwene

⁵ Ja̧danö, Harántjö labebö 'yi̧jetö Abramma, öjawo̧mine itji̧ Lotkwö, ja̧danö, ilekwo Saraikwö. Ja̧danö, okobe jwiinö tjiteabi, tja̧jwi̧munöbi, Harántjö midö tjeminawö̧ tjömöayedönöbi öbibö 'yi̧jadötö Canaán nijibe. 'Ya̧jadöma Canaán nijinö ichibijadötö.

Génesis 12:5 Referans Kwoze

Génesis 14:14

Jejenö yöawiökwe Abramma iteda ömöayedö, itekwö ja̧nö bötjachinadö, ölakwabikwawö waisadönönö tjo̧ko̧ko̧chibobö jwöbijetö, trescientos dieciocho jojodönö. Ikenama jobadökwö 'yi̧jetö, luwedönö ö'wejemu jojodönö, tjömöayedö guardia jojodönö lubö, Dan comunidad ichibö.

Génesis 11:31

Ja̧danö, Taréma itji̧ Abramkwö, ö'dö̧ Lotkwö, ojoliju Saraikwö Urtjö labebö Canaán nijibe 'yi̧jadötö. Jo̧kwaijayonö ja'öda Harán nijinö ichibö ju̧kwijadötö.

Hechos 7:4

Jejenö weiökwe Abrahamma caldeo jojodö tjitebotjö labebö Haránbe 'yi̧jetö. Jobe ji̧jetö iteda abe'do woenanö baibanö. Abe'do woaja̧ okobe Diosma webijetö Abrahamnöma ökwödö babe dö̧jena 'ya̧nö ö̧jobö— yöbawijetö Estebanma—.

Génesis 14:21

Ikenama Sodoma la'aka luwo̧ma Abramnö jö̧ba̧lijetö: —Okobe jwiinö tea kwemaja̧ma ökwöda kwitea baibanö kwö̧jo. Jo̧kwaijayonö chömöledönö, 'dokatibajawö̧nöma tjebatitjö— jö̧a̧lökwe:

Génesis 10:19

Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

Génesis 13:5

Ja̧danö, Lot, Abramkwö 'yi̧nama, jo̧babi yebebijetö pa̧ka̧yö̧nö, o̧bȩja̧dönö. Ju'wedö, Lot ömöledöbi, ömöayedöbi Lotkwö ju̧kwijadötö.

Génesis 13:6

Ja̧danö Abram a̧jwi̧mu, Lot a̧jwi̧mu ba̧jekwadötjobetjö̧ okobe deinö tjukwa'ye meje'ye, tjowobu ojwiyo jwiijetö. Jwiiawö̧ bakwena tjuju̧kwoböma jwiijetö.

Génesis 28:10

Ja̧danö, Jacobma Beersebatjö labebö Harán niji jobekwö 'yi̧jetö.

Génesis 36:6

Ja̧danö Esaúma öjawo̧ Jacobkwö bakwena tjuju̧kwoböma waiyijetö tja̧jwi̧mu pa̧ka̧yö̧ ba̧jekwadö tjujuna̧lawö̧ma tjukwa'ye meje'ye, okobe deinö tjukwobö jwiobetjö̧. Jo̧kwaobetjö̧ Esaúma Jacob ö̧jelöma jelobekwö ö̧jobö 'da̧bachibö 'yi̧jetö. I̧lȩkwa̧mukwö, i̧tji̧mu ömadökwö, ya̧dökwö, ja̧danö, okobe deinö ömöayedökwö, a̧jwi̧munö öbibö, ja̧danö, okobe jwiinö Canaán nijinö ö̧jena emina itea e'ewö 'yi̧jetö Esaúma Jacob ö̧jelö jelobekwö.

Génesis 11:27

Baikwö laebi̧ma Taré i̧tji̧mubi ö̧'dö̧döbi tjö̧jina jawa. Ja̧danö, Taréma i̧tji̧munö Abram, Nahor, Harán mikwadönö 'yabebijetö. Ja̧danö, Taré itji̧ Haránma itji̧nö Lot mikwo̧nö 'yabebijetö.